Ոտնաթաթի արթրիտ. armeniamedicalcenter.am

Մարդու ոտնաթաթը, որը միաժամանակ կատարում է հենման, հավասարակշռության և զսպանակային գործառույթ, ունի բավականին բարդ անատոմիական կազմություն: Նրա շարժունակությունը ապահովում են երեսուներեք հոդերի աշխատանքով, որոնցից յուրաքանչյուրը կարող է ենթարկվել բորբոքային ախտահարման: Ոտքերի արթրիտը բերում է սինովյալ հեղուկի կազմության փոփոխության, հոդերի գործունեության խանգարման, հոդային կազմության քայքայման և ձևափոխման:

Ոտնաթաթի արթրիտի պատճառները

Ոտնաթաթի արթրիտը բազմապատճառային է:

Պատճառներից են.

• Հոդերի կազմության անհատական առանձնահատկությունը
• Վնասվածքային /տրավմատիկ/ ախտահարումը
• Քրոնիկ միկրոտրավմատիզացիան
• Մետաբոլիկ խանգարումները
• Ավելորդ քաշի հետևանքով գերծանրաբեռնվածությունը
• Հիպոդինամիան
• Ֆիզիկական գերծանրաբեռնվածությունը
• Տարիքային փոփոխությունները հոդերում
• Ոչ հարմար կոշիկ կրելը
• Սխալ սնունդը
• Ժառանգական նախատրամադրվածությունը
• Բժշկական միջամտության հետևանքով առաջացած բարդությունները
• Համակարգային քրոնիկ ախտաբանություն

Ախտանշանները

Բորբոքման ամեն մի տեսակի դեպքում արտահայտվում են նրան բնորոշ ախտանշանները:

Ոտնաթաթի բոլոր բորբոքային խնդիրների ընդհանուր ախտանշաններից են.

• Ցավ բորբոքված հոդում /արթրալգիա/
• Հոդի այտուց
• Կարմրություն, ջերմության տեղային բարձրացում
• Շարժունակության սահմանափակում

Ոտնաթաթի հոդերի քրոնիկ բորբոքումը արտահայտվում է նաև դեֆորմացիայով, կոնտրակտուրաների զարգացումով:

Հոդերի բորբոքման փուլերը

Ոտնաթաթի արթրիտն ընթանում է 4 փուլով.

Առաջին — դիսկոմֆորտ երկարատև քայլելուց հետո: Հոդային փոփոխությունները հայտնաբերվում են պատահական հետազոտության ժամանակ:
Երկրորդ — հոդի կարմրություն, այտուցվածություն, տեղային հիպերթերմիա, արտահայտված ցավ, քայլքի խանգարում:
Երրորդ — Մշտական ցավ, հոդի դեֆորմացիա:
Չորրորդ — Հոդի գործունեության կայուն կորուստ:

Ախտորոշում

Հոդերի բորբոքման հայտնաբերման, տեղակայման, նրա բնույթի բացահայտման համար իրականացվում են համալիր հետազոտություններ.

• Զննում
• Ոտնաթաթի ռենտգենոգրաֆիա
• Ոտնաթաթի ՈՒՁՀ
• ՄՌՏ
• Արյան լաբորատոր հետազոտություն
• Արթրոսկոպիա
• Հոդային պունկցիա

Ամենատեղեկատվական և անվնաս մեթոդը, որը ցույց է տալիս հոդերի բոլոր հյուսվածքների, շրջակա հյուսվածքների վիճակը, ՄՌՏ-ն է: Այն հնարավորություն է տալիս պարզելու ցավերի և բորբոքման պատճառը առանց լրացուցիչ մեթոդների:

Ոտնաթաթի արթրիտի բուժումը

Բուժման թերապիան ներառում է.

• Տեղային և համակարգային հակաբորբոքային թերապիա
• Ֆիզիոթերապևտիկ միջոցառումներ /էլեկտրո-ֆոնոֆորեզ, ամպլիիմպուլս, УФО և այլն:
• PRP-թերապիա
• SVF-թերապիա
• Հիալուրոնաթթվի ներհոդային ներարկումներ

Հետևանքները

Մասնագիտացված բուժման բացակայության դեպքում կարող են զարգանալ լուրջ խնդիրներ.

• Համառ ցավեր
• Հոդերի թարախակալում
• Պրոգրեսիվող դեֆորմացիա
• Ոտնաթաթի բիոմեխանիկայի և շարժունակության խանգարում
• Կաղություն
• Հաշմանդամություն։

Вопросы, ответы, комментарии