Հղի կնոջ և ապագա երեխայի վիճակի ժամանակին որակյալ և մասնագիտական բժշկական հսկողությունը, ծննդաբերության և հետծննդյան շրջանի գրագետ վարումը կարող են կանխարգելել կրիտիկական վիճակներ՝ հանդիսանալով մոր և մանկան առողջության գրավական:

Էրեբունի ԲԿ-ի ծննդատունն ունի III աստիճանի բարձրագույն կատեգորիա և հանդիսանում է բազմապրոֆիլ հիվանդանոցի բաղկացուցիչ մասը, որտեղ հսկվում և ծննդալուծվում են բարձր ռիսկի հղիներն ինչպես մանկաբարձագինեկոլոգիական ախտաբանություններով, այնպես էլ այլ օրգան-համակարգերի հիվանդություններով:
Էրեբունի ԲԿ-ի հարմարավետ և բարձր որակավորում ունեցող ծննդատանը յուրաքանչյուր տարի գրանցվում է ավելի քան 4000 ծնունդ և տարեկան մոտավորապես 27 000 կին ստացիոնար բուժում է ստանում օպերատիվ ու կոնսերվատիվ գինեկոլոգիայի բաժանմունքներում: Ծննդատան ամբուլատոր ծառայությունը յուրաքանչյուր տարի սպասարկում է մոտավորապես 200 000 կնոջ:

ԾՆԱՐԱՆԸ և ՀԵՏԾՆՆԴՅԱՆ ԲԱԺԱՆՄՈՒՆՔ

ԳԻՆԵԿՈԼՈԳԻԱԿԱՆ ԲԱԺԱՆՄՈՒՆՔ

Էրեբունի ԲԿ ծնարանում ցուցաբերում են բարձր տեխնոլոգիական մանկաբարձական օգնության ամբողջ սպեկտրը, որն իր մեջ ներառում է դասական մանկաբարձության ավանդույթները՝ նորագույն պերինատալ տեխնոլոգիաներով: Էրեբունի ԲԿ ծնարանը հագեցած է հղիի և պտղի ներարգանդային վիճակը գնահատող ժամանակակից սարքավորումներով:

Ծննդաբերության ժամանակ կիրառվում են ցավազրկման տարբեր եղանակներ՝ հաշվի առնելով ծննդկանի և երեխայի վիճակը, ինչպես նաև բարձր ռիսկի հղիների ծննդալուծման ժամանակակից մոտեցումները, ինչը հնարավորություն է տալիս խուսափել տարբեր մանկաբարձական բարդություններից: Ծննդաբերության ցավազրկման նպատակով լայնորեն կիրառվում է տևական էպիդուրալ անզգայացումը, որն ապահովում է բարձր ցավազրկող արդյունավետություն՝ չունենալով ընկճող ազդեցություն ծննդաբերական գործունեության, մոր և երեխայի վիճակի վրա: Էպիդուրալ ցավազրկումն իրականացնում են բարձր որակավորված անէսթեզիոլոգները, ովքեր կատարելապես տիրապետում են այս եղանակին:

ՄՈՐ ԵՎ ՄԱՆԿԱՆ ՀԱՄԱՏԵՂ ԿԱՑՈՒԹՅԱՆ ԲԱԺԱՆՄՈՒՆՔ

ՆՈՐԱԾԻՆՆԵՐԻ ԻՆՏԵՆՍԻՎ ԹԵՐԱՊԻԱՅԻ ԲԱԺԱՆՄՈՒՆՔ

ԿԱՆԱՆՑ ՎԵՐԱՐՏԱԴՐՈՂԱԿԱՆ ԱՌՈՂՋՈՒԹՅԱՆ ԿԵՆՏՐՈՆ

Կանանց վերարտադրողական առողջության կենտրոնը հիմնադրվել է 1992թ.` Հարվարդի համալսարանի, Բոստոնի Բեթ-Իզրայել հիվանդանոցի, ԱՄՆ ՄԶԳ (USAID) / Ամերիկյան ՄԱՄ (AINA) կազմակերպությունների աջակցությամբ։ Կենտրոնը հնարավորություն ունի մատուցելու մանկաբարձական և գինեկոլոգիական ծառայություններ, մասնավորապես.

- անպտղություն,

- դաշտանային ցիկլի խանգարումներ,

- սեռական ճանապարհով փոխանցվող հիվանդություններ,

- կիստաներ,

- միոմաներ,

- մենոպաուզալ խանգարումներ,

- կանխարգելում և բուժում.

- մամոգրաֆիա,

- բիոպսիա,

- ցիտոլոգիա,

- կոլպոսկոպիա, LEEP,

- հորմոնալ կոնտրացեպցիա,

- ՆԱՊ,

- մեխանիկական և այլն,