Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ալերգոլոգիա

Երեխաների մաշկի ալերգիկ հիվանդություններ 

Երեխաների մաշկի ալերգիկ հիվանդություններ 

Մաշկի ալերգիկ հիվանդությունների պատճառ են դառնում տարբեր ալերգեններ (սննդամթերք, դեղորայք, սնկեր, մանրէներ, քիմիական նյութեր, հոտեր և այլն), որոնց ազդեցության հետևանքով մաշկի մակերեսը բորբոքվում է:

 

Երեխաների մաշկի թեթևակի փոփոխություններ հաճախ են նկատվում: Դրանցից շատերն արագ վերանում են, սակայն կարող են առաջանալ նաև մի շարք վարակիչ հիվանդությունների ժամանակ, որոնք շտապ բուժման կարիք ունեն: Ցանը` այլ ախտանիշների հետ, կարող է հուշել որևէ վարակիչ հիվանդության առկայության մասին: Երբեմն դա կարող է լինել ալերգիայի միակ արտահայտությունը, կամ համակցվել դրա մյուս ձևերի հետ: Պետք է ուշադիր լինել հատկապես հիվանդությունը նոր սկսվելու ժամանակ:

 

Ալերգիկ ծագման մաշկաբորբերի վաղ ախտորոշման համար նշանակություն ունի հանգամանորեն հավաքված անամնեզը, որը հնարավորություն կտա պարզելու օրգանիզմի զգայունության բարձրացումն այս կամ այն ալերգենի նկատմամբ: Պետք է պարզել, թե ընտանիքում արդյո՞ք կան ալերգիայով հիվանդներ, ինչպես են ընթացել մոր հղիությունն ու ծննդաբերությունը և սնուցվել նորածինը: 

 

Սննդային ալերգիայի հայտնաբերման համար կարևոր նշանակություն ունի սննդային օրագիր կազմելը: Տետրի էջը բաժանել 2 մասի: Ձախ մասում լրացնել երեխայի ընդունած սննդի տեսակը, իսկ աջում` դրա նկատմամբ մաշկի և լորձաթաղանթների ռեակցիան: Սրա էությունն այն է, որ բացառման սկզբունքով` 7-10 օրվա ընթացքում երեխայի սննդակարգից հանվում է սննդի այն տեսակը, որը կարող է ալերգիկ ռեակցիա առաջացնել: Փորձը համարվում է դրական, եթե ենթադրյալ ալերգենը բացառելուց հետո կլինիկական նշանները մեղմանում են կամ անհետանում: Մյուս ախտորոշիչ փորձերը կատարվում են մասնագիտացված լաբորատորիաներում` մասնագետ բժշկի հսկողությամբ: 

 

Մաշկի ալերգիկ հիվանդություններից են իսկական էկզեման, նեյրոդերմիտը` նյարդային ծագման մաշկաբորբը, շփումային մաշկաբորբը, եղնջացանը, Լայելի, Սթիվենս-Ջոնսոնի համախտանիշները և այլն:

 

Մանկական էկզեմա


Ալերգիայի համեմատաբար հաճախ հանդիպող արտահայտությունն է: Սովորաբար ի հայտ է գալիս կյանքի առաջին կիսամյակում: Նշաններն են մաշկի հիպերեմիան` արյունալեցումը, թույլ այտուցը, բշտիկային ցանավորումը: Բշտիկները պատռվում են, առաջանում է խոնավ մակերես, իսկ հետագայում` կեղևիկներ: Դա ուղեկցվում է ուժեղ քորով: Քորելիս լինում է արյունային արտադրություն, որը նպաստավոր պայմաններ է ստեղծում թարախային վարակի թափանցման համար: Ապա միանում է երկրորդային վարակը, և առաջանում են թարախային օջախներ: Էկզեմատոզ օջախները հիմնականում տեղակայվում են այտերին, ճակատին, ստորին ծնոտի տակ, իսկ հետագայում` մարմնի վրա: Արյունային և թարախային արտադրության պատճառով կեղևները լինում են գորշ-դեղնավուն: 

 

Ստրոֆուլոս 


Մաշկային ալերգիայի համեմատաբար ծանր տարբերակն է: Բնորոշ են հանգուցավոր ցանավորումը և ուժեղ քորը: Ցանն ավելի հաճախ տեղակայվում է վերջույթների վրա:

 

Նեյրոդերմիտ


Հաճախ հանդիպում է 3-5 տարեկանից մեծ երեխաների մոտ: Ունի երկու ձև` տարածուն և մեկուսացած: Տարածունի ժամանակ մաշկային փոփոխությունները հիմնականում լինում են դեմքին, պարանոցին, դաստակին, արմնկային և ծնկային փոսիկներում: 

Մեկուսացած ձևի դեպքում սահմանափակ տեղամասերում նկատվում է մաշկի համաչափ ախտահարում: 

 

Եղնջացան


Բնորոշ է մաշկի մակերեսին բարձր հանգուցիկների և բշտերի առաջացումով: Ցանն ունենում է տարբեր չափսեր` ոսպի փոքր հատիկից մինչև մեծը: Կարող է լինել նաև միաձուլված: Այն տեղակայվում է ամենուրեք, բայց ավելի հաճախ վերջույթների վրա: Ցանավորումն ուղեկցվում է քորով: Սուր եղնջացանը կարճ է տևում, մի քանի ժամ հետո կարող է անհետանալ` չթողնելով ոչ մի հետք: 

 

Կվինկեի այտուց


Տեղակայվում է այն տեղերում, որտեղ ենթամաշկային ճարպաշերտը հաստ է: Մաշկի վրա առաջանում է արագ մեծացող այտուց, որը երբեմն կարող է հասնել շատ մեծ չափսերի: Կվինկեի այտուցը տեղակայվում է դեմքի վրա, աչքերի, շրթունքների, լեզվի, կոկորդի, սեռական օրգանների շրջանում և կարող է պահպանվել մի քանի օր: Պետք է գիտենալ, որ եթե այտուցը կոկորդի շրջանում է, կարող է երեխայի մահվան պատճառ դառնալ: Ձայնի փոփոխություն և եղնջացան նկատելիս պետք է անմիջապես բժշկի դիմել: 

 

Շփումային մաշկաբորբ


Հաճախ դիտվում է մեծ տարիքի երեխաների մոտ: Առաջանում է մաշկի վրա ալերգենների ազդեցությունից: Այդպիսի ալերգեններ կարող են լինել հակաբիոտիկները, սուլֆանիլամիդային պատրաստուկները, յոդը, քսուքները, բրդյա, սինթետիկ հագուստները և այլն: Մաշկի վրա, հատկապես բաց տեղերում և այնտեղ, որտեղ ալերգենը շփվել է մաշկի հետ, առաջանում են բշտեր, տեղի է ունենում վերնամաշկի շերտազատում: 

 

Բազմաձեվ էքսուդատիվ էրիթեմա


Պատճառը վարակական և դեղորայքային ալերգեններն են: Ցանը սովորաբար տեղակայվում է ձեռքերին և ոտքերին: Կարող են լինել նաև նյարդային համակարգի և ստամոքսաաղիքային տրակտի գործունեության խանգարումներ: Մաշկի կարմրած մակերեսի վրա առաջանում են քորվող հանգույցներ և բշտեր: Այս ձևը երեխաների մոտ հազվադեպ է հանդիպում: 

 

Սթիվենս-Ջոնսոնի համախտանիշ


Դեղորայքային մաշկաբորբի ծանր ձև է: Այս համախտանիշի զարգացման համար ֆոն է դառնում վարակը. երեխայի օրգանիզմի զգայունությունը բարձրացած է լինում դեղորայքների նկատմամբ: Հիմնական ախտանիշներն են ընդհանուր թուլությունը, բարձր ջերմությունը, գլխացավը: Մաշկի վրա առաջանում են վառ կարմիր բծեր, հետագայում նրանց տեղում բշտեր` շճային կամ շճաարյունային պարունակությամբ: Հաճախ գործընթացի մեջ ընդգրկվում են բերանի խոռոչի լորձաթաղանթը, աչքերը, միզուկը, հեշտոցը: 

 

Լայելի համախտանիշ


Երկրորդային էրիթրոդերմիա է, որի ժամանակ լինում է վերնամաշկի մեծ մակերեսով երկրորդային նեկրոզ` մեռուկ: Համարվում է դեղորայքային ալերգիայի համեմատաբար ծանր ձևերից մեկը: Պատճառները նույնն են, ինչ-որ Ստիվենս-Ջոնսոնի համախտանիշինը: Ընթանում է 3 փուլով:

 

Բորբոքային փուլի ժամանակ մաշկի և լորձաթաղանթների վրա առաջանում են տարբեր մեծության կարմիր բծեր, հիմնականում` դեմքի, ձեռքերի և ոտքերի մատների, իրանի վրա: Լորձաթաղանթներն ախտահարվում են դեպքերի 90%-ի ժամանակ: 24-28 ժամ հետո բծերի տեղում գոյանում են բշտեր: 

 

Նեկրոտիկ փուլին բնորոշ է արյունային արտադրությամբ լցված խոշոր բշտերի առկայությունը: Այնուամենայնիվ տեղի է ունենում վերնամաշկի շերտազատում, առաջանում է մաշկի` էրոզիայի ենթարկված մակերես: Բնորոշ են բարձր ջերմությունը, ընդհանուր թուլությունը, սիրտ-անոթային համակարգի գործունեության խանգարման երևույթները: Բարենպաստ ելքի դեպքում սկսվում է 3-րդ փուլը: Տեղի է ունենում էպիթելացում: 

 

Մաշկի ալերգիկ հիվանդությունների դեպքում նշանակվում են սննդակարգային, վիտամինային, դեղորայքային, առողջարանային համալիր բուժում: 

 

Մայրը երեխայի ճիշտ, ռացիոնալ սնուցմանը պետք է հետևի նրա վաղ մանկական տարիքից: Օրվա սննդակարգից անհրաժեշտ է բացառել մսային արգանակները, կծու և աղի ճաշատեսակները, քաղցրավենիքը, ներկող նյութեր պարունակող սննդատեսակները, սահմանափակել դեղին գույնի մրգերի ու բանջարեղենի քանակը (գազար, դդում, ծիրան, դեղձ, նարինջ, բանան): Խորհուրդ է տրվում օգտագործել բուսական յուղ, տավարի խաշած միս, մսի ոչ ճարպոտ տեսակներ, կարտոֆիլ, հնդկացորեն, բրինձ և այլն, կաթի նկատմամբ ալերգիայի դեպքում` կաթնաթթվային խառնուրդներ. ացիդոֆիլին,«Նարինե», կաթնաշոռ: 

 

Նյարդային ծագման մաշկաբորբերի ժամանակ օգտագործվում են «B» խմբի, «A», «C» վիտամիններ, ստամոքսաաղիքային տրակտի գործառնությունը բարելավող ֆերմենտային պատրաստուկներ: Վերջիններս նշանակվում են աղիքների գործունեության խանգարման ժամանակ, փոքր չափաբաժիններով, 2 շաբաթ տևողությամբ: Օգտագործվում են նաև բույսերի թուրմեր (անթառամ, սրոհունդ, կատվալեզու), քսուքներ` հաշվի առնելով մաշկի վիճակը:

 

Քորի զգացումը թուլացնելու և հակաբորբոքային ազդեցությունն ուժեղացնելու համար կարելի է ընդունել կաղնու արմատի, երիցուկի, անթառամի, սրոհունդի, կատվալեզվի թուրմով լոգանքներ` ամեն օր կամ օրընդմեջ, 37-38 աստիճանի ջրով, 10 րոպե: Լոգանքները չեն թույլատրվում խոնավ էկզեմայի դեպքում: 

 

Մաշկի ալերգիկ հիվանդությունների ծանր ձևերի ժամանակ երեխային անհապաղ տեղափոխում են հիվանդանոց և բուժումը շարունակում ալերգաբանական մասնագիտացված բաժանմունքում: 

 

Ցուցված է առողջարանային բուժումը ինչպես տեղային առողջարաններում, այնպես էլ ծովային կլիմա ունեցող վայրերում: Ալերգիկ ծագման մաշկաբորբերի կանխարգելումն սկսում են դեռևս հղիության ընթացքում: Հսկողություն է սահմանվում հղի կնոջ սնուցման, հիգիենայի, օրվա ռեժիմի վրա, իսկ ծննդաբերությունից հետո հետևում են մանկան ճիշտ սնուցմանը: 

 

Երեխաների մաշկի ալերգիկ հիվանդությունների կանխարգելման գործում մեծ նշանակություն ունեն մանկաբույժի և մոր համագործակցված աշխատանքը: 

Հեղինակ. Լյուդմիլա Սիմոնյանց բ.գ.թ., դոցենտ,«Արաբկիր» ԲԿ մանկաբույժ
Սկզբնաղբյուր. Առողջապահություն 2.2011 (291)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Ինչպիսի՞ ալերգիկ հիվանդություններ են սրվում գարնանը. erebunimed.com
Ինչպիսի՞ ալերգիկ հիվանդություններ են սրվում գարնանը. erebunimed.com

Գարնանը սրվում են ալերգիկ մի շարք հիվանդություններ: Դրանցից են սեզոնային ալերգիկ ռենիտը, ալերգիկ դերմատիտը, բրոնխիալ ասթմայի ատոպիկ ձևերը, սննդային և դեղորայքային ալերգիան: Ինչպիսի՞ գանգատներով են հիվանդները...

Արևային ալերգիա. Սալուտեմ ամսագիր №3
Արևային ալերգիա. Սալուտեմ ամսագիր №3

Արևային ճառագայթները ոչ միայն տաքացնում են մեզ՝ անասելի ուրախություն պարգևելով հատկապես ձմռան ցրտին, այլև ամրացնում են մեր իմունիտետը։ Սակայն, ցավոք, արևի տակ մնալը որոշ մարդկանց մոտ կարող է...

Սալուտեմ 3.2021
Պոլիպոզ ռինիտ. armeniamedicalcenter.am
Պոլիպոզ ռինիտ. armeniamedicalcenter.am

Պոլիպոզ ռինիտը տարածված հիվանդություն է: Պոլիպը քթի և հարակից խոռոչների լորձաթաղանթի գերաճ է, որը, որպես կանոն, զարգանում է քրոնիկ ռինիտի ֆոնի վրա...

Քիթ-կոկորդ-ականջ հիվանդություններ
Սեզոնային ալերգիա (պոլինոզ). Սալուտեմ ամսագիր
Սեզոնային ալերգիա (պոլինոզ). Սալուտեմ ամսագիր

Գարնանային ալերգիայի (պոլինոզի) պատճառը մի շարք բույսերի ծաղկափոշին է: Դրանք մանրագույն մասնիկներ են, որոնք հեշտությամբ տարածվում են քամու միջոցով, և գարնանը, մի քանի շաբաթվա ընթացքում...

Սալուտեմ 1.2021
Բրոնխիալ ասթմա. armeniamedicalcenter.am
Բրոնխիալ ասթմա. armeniamedicalcenter.am

Բրոնխիալ ասթման (ԲԱ) ստորին շնչառական ուղիների բարձր ռեակտիվությունն է տարբեր ազդակների նկատմամբ՝ շնչառության դժվարության Էպիզոդիկ և վերադարձելի օբստրուկտիվ նոպաներով, որոնք կարող են լինել թեթև...

Շնչառական համակարգ
Lատեքսային պահպանակների ալերգիա (Latex condom allergy). urolog.am
Lատեքսային պահպանակների ալերգիա (Latex condom allergy). urolog.am

Շատ հաճախ զույգերի մոտ սեռական հարաբերությունից հետո կարող է առաջանալ անբացատրելի քոր և անհարմարավետություն։ Այս ախտանշանը կարող է լինել պահպանակի կամ այլ սպերմատոցիտ միջոցի պատճառով առաջացած...

Ալերգիաները` հղիության ժամանակ. մանկաբարձ-գինեկոլոգ, Գայանե Գոմցյան. morevmankan.am
Ալերգիաները` հղիության ժամանակ. մանկաբարձ-գինեկոլոգ, Գայանե Գոմցյան. morevmankan.am

Շատերն են ծանոթ ալերգիկ ռեակցիաների տհաճ հետևանքներին, և հղիները ևս բացառություն չեն:   

Որո՞նք են ալերգիկ ռեակցիաների պատճառները...

Պերինատոլոգիա, մանկաբարձություն և ուրո-գինեկոլոգիա
Սննդային ալերգիա. armeniamedicalcenter.am
Սննդային ալերգիա. armeniamedicalcenter.am

Սննդային ալերգիան բնորոշվում է օրգանիզմ ներմուծված օտար նյութերի` ալերգենների նկատմամբ, արագ զարգացող ալերգիկ ռեակցիայով: Այս պարագայում ալերգենները սննդային նյութերն են (սննդին ավելացրած հավելիչներ և կոնսերվանտներ)...

Սնունդը և առողջությունը
Եղնջացան. nairimed.com
Եղնջացան. nairimed.com

Եղնջացանն ալերգիկ դրսևորում է, որը բնութագրվում է մաշկի վրա միգրացվող, առողջ մաշկից հստակ սահմանազատված, որոշակի արտափքված էրիթեմատոզ մակերեսով ցանի առաջացմամբ և ուղեկցվում է արտահայտված քորով...

Ալերգիան հղիության ժամանակ. morevmankan
Ալերգիան հղիության ժամանակ. morevmankan

Ալերգիան իմուն համակարգի ծայրահեղ ռեակցիան է որոշ նյութերի՝ ալերգենների նկատմամբ, որոնք, սովորաբար, անվնաս են մյուսների համար: Հնարավոր չէ կանխատեսել, թե ինչպես հղի կնոջ օրգանիզմը կվերաբերվի պոտենցիալ ալերգենին...

Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա
Բրոնխիալ ասթմա. հարցերին պատասխանում է «Արմենիա» ՀԲԿ ալերգոլոգ Աննա Օհանյանը. armeniamedicalcenter.am
Բրոնխիալ ասթմա. հարցերին պատասխանում է «Արմենիա» ՀԲԿ ալերգոլոգ Աննա Օհանյանը. armeniamedicalcenter.am

Ի՞նչ է բրոնխիալ ասթման:

Տարբերում են բրոնխիալ ասթմայի  երկու ձև` ինֆեկցիոն-ալերգիկ և ատոպիկ: Ատոպիկ կամ ալերգիկ ասթմայի...

Շնչառական համակարգ
Ալերգոլոգին հաճախ տրվող հարցեր. izmirlianmedicalcenter.com
Ալերգոլոգին հաճախ տրվող հարցեր. izmirlianmedicalcenter.com

1.  Ի՞նչ է ալերգիան:

Ալերգիան օրգանիզմի իմուն համակարգի աղավաղված ռեակցիան է ռեակցիան է որևէ ալերգենի ներթափանցման դեմ...

Պայքար սեզոնային ալերգիայի դեմ. 168.am
Պայքար սեզոնային ալերգիայի դեմ. 168.am

Steptohealth.ru-ն գրում է, որ սեզոնային ալերգիան լուրջ անհարմարություններ է պատճառում։ Գոյություն ունեն մի խումբ բնական միջոցներ, որոնք կօգնեն թեթևացնել վիճակը...

Սնունդը և առողջությունը
Ամեն ինչ ալերգիայի ու դրա բուժման մասին. Աննա Օհանյան. armeniamedicalcenter.am
Ամեն ինչ ալերգիայի ու դրա բուժման մասին. Աննա Օհանյան. armeniamedicalcenter.am

Մեր զրուցակիցն է «Արմենիա»  հանրապետական բժշկական կենտրոնի ալերգոլոգ, ալերգոլոգիական կաբինետի ղեկավար Աննա Օհանյանը...

Բժշկի ընդունարանում
Ինչպե՞ս խուսափել ալերգիաների գարնանային սրացումից. մեկնաբանում է մասնագետը
Ինչպե՞ս խուսափել ալերգիաների գարնանային սրացումից. մեկնաբանում է մասնագետը

Գարնան գալու հետ մի շարք հիվանդություններ սկսում են սրվել, հատկապես ալերգիաները: Սլավմեդ Բժշկական կենտրոնի ալերգոլոգ Ժասմենա Ղուկասյանի խոսքով` ալերգիայի տեսակներից սեզոնային ռինիտը, օրինակ...


Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ