Հղիություն. վեցերորդ շաբաթ. tsnndatun.am

Հղիության վեցերորդ շաբաթում սկսում է բաբախել ապագա երեխայի սիրտը: Դա  անսահման ուրախացնում է ցանկացած հղի կնոջ: Իսկ ուրախությունը կատարյալ դարձնելու համար ավելացնենք, որ այդ նույն շաբաթում էմբրոնի մոտ հայտնվում են բերանը, քիթը և ականջները: Սակայն հղի կնօջ առօրյան այդ շաբաթում միայն ուրախություններով չէ, որ լցված է. իրանի ցավերը կամ արգանդի հիպերտոնուսը պատճառ է սեփական առողջությանը եռապատկված ուշադրություն դարձնելու համար:

Որպեսզի խուսափեք հղիության ախտաբանություններից, խորհրդակցեք բժշկի հետ և սկսեք այդ շրջանի համար անհրաժեշտ վիտամիններ ընդունել:

ՊՏՂԻ ԶԱՐԳԱՑՈՒՄԸ

Երեխայի երկարությունը (գլխի գագաթից մինչև սրբոսկր) հասնում է 4-6 մմ-ի: Երեխան ազատ տեղավորված է պտղապարկի մեջ և միացած է արգանդին` այդ օրերին ձևավորված պորտալարի օգնությամբ: Այս շաբաթվա ընթացքում ապագա երեխան իր տեսքով շերեփուկ է հիշեցնում՝. նա ունի խռիկներ և պոչիկ, որոնք հետագա զարգացման ընթացքում կանհետանան:

Հղիության 6-րդ շաբաթում սկսում է բաբախել սաղմի սիրտը: Սրտի զարկերի հաճախականությունը 100-160 է` մեկ րոպեում, որը գրեթե 2 անգամ ավելի է, քան մեծահասակ մարդու մոտ:

Երեխայի մոտ սկսում են ձևավորվել բերանը, քիթը և ականջները, ընթանում է ուղեղի, լյարդի, ենթաստամոքսային գեղձի, թոքերի և ստամոքսի զարգացումը: Լյարդն սկսում է արտադրել արյան բջիջներ, իսկ ուղեղն արդեն վերահսկում է մկանների և սրտի աշխատանքը:

ՄՈՐ ՎԻՃԱԿԸ

Հղի կնոջ մոտ ավելի է արտահայտվում վաղ տոքսիկոզը՝ ի հայտ են գալիս հոտերի հանդեպ չափազանց զգայունություն և ուժեղացած թքարտադրություն:

Կրծքագեղձերում կարող են զգացվել թեթև ծակոցներ՝ կաթնագեղձերը պատրաստվում են այն բանին, որ 8 ամիս հետո պետք է սկսեն կաթնարտադրությունը: Պտուկների շուրջն սկսում է մգանալ:

Ինքնազգացողության լավացման համար բժիշկները խորհուրդ են տալիս փոխել սննդի ռեժիմը. ուտել հաճախ` օրը 7 անգամ, բայց փոքր քանակներով: Առավոտյան ի հայտ եկող սրտխառնոցից խուսափելու համար առաջին նախաճաշը կարելի է կազմակերպել դեռ պառկած վիճակում: Հղիության համար վիտամինների ընդունումը նախընտրելի է ընդունել օրվա այն ժամերին, երբ տոքսիկոզի նշանները նվազագույն են: Փսխման դեպքում կորցրած հեղուկը և աղերը վերականգնելու համար խորհուրդ է տրվում ուտել հյութեղ մրգեր և բանջարեղեն՝ ձմերուկ, սեխ, տանձ, վարունգ և լոլիկ:

6-7 շաբաթները ճիշտ ժամանակն են արդեն առաջին անգամ բժշկին այցելելու համար: Հավանաբար բժիշկը կնշանակի առաջին ուլտրաձայնային հետազոտությունը, որպեսզի բացառի արտարգանդային հղիությունը, չզարգացող հղիությունը և, այսպես կոչված, «բշտային կեւտակները» («пузырный занос» ) (անոմալիա, որի ժամանակ հղիություն չկա, իսկ ԽԳ-ի (ХГЧ) մակարդակը շատ բարձր է):

Բժիշկը նաև կորոշի ապագա մոր կոնքի չափերը, կկազմի ընտանեկան և մանկաբարձական անամնեզ: Կանանց խորհրդատվական այցի համար կարելի է նախապես պատրաստվել: Արժե կազմել մանկական շրջանում տարած ինֆեկցիաների ցուցակը, պարզել, թե ինչպե՞ս են ընթացել հղիի մոր նախկին ծննդաբերությունները: Կարելի է նաև հետաքրքրվել, թե արդյո՞ք հղիի կամ նրա ամուսնու ընտանիքում կան գենետիկ հիվանդություններ կամ շեղումներ (հեմոֆիլիա, դալտոնիզմ), եղե՞լ են, արդյոք, զույգերի ծնունդներ:

Այս ամենը կօգնի բժշկին` հղիի քարտը լրացնելիս: Նաև 6-7 շաբաթներում արդեն կարելի է պարզել բազմապտուղ հղիությունը:

Ի՞նչ անել

1.  Ձեռք բերել հղինների համար նախատեսված հատուկ սպիտակեղեն. aնկար, փափուկ և շոշափելիս հաճելի սպիտակեղենը ավելորդ չէ անգամ հղիության վաղ շրջանում: Եվ ցանկալի է, որ այն լինի բնական գործվածքից:

2.  Հրաժարվել օճառից և օգտագործել ցնցուղի համար պիտանի քսուkներ (крем-гели):
Հղի կնոջ մաշկը պահանջում է հոգատարություն և խնամք: Օճառը չորացնում է մաշկը, որին այս շրջանում անհրաժեշտ է ուժեղացված խոնավեցում:

3.  Սննդում բացառել ապագա մոր համար վնասակար մթերքները. հղի կինը պետք է հատուկ ուշադրություն դարձնի իր սննդին: Սեղանին հայտնված ցանկացած կերակուր պետք է անցնի ներքին «քննություն»:

Հարցեր, պատասխաններ, մեկնաբանություններ