Երեխաների նյարդահոգեկան և շարժողական զարգացումը 5 ամսականում

Ակտիվ և ճիշտ շարժումներով մեջքից շրջվում Է որովայնի վրա։ Ուղղված ձեռքերի ափերին հենվելով, բարձրացնելով գլուխը և ուսագոտին, երկար պառկում Է որովայնի վրա և հետևում իր առջև եղած խաղալիքների տեղաշարժերին։

Այդ դիրքում, չկորցնելով հավասարակշռությունը, կարող է մի ձեռքով արագ բռնել խաղալիքը։ Թևատակերից բռնելիս՝ կանգնում Է ծնկային և կոնքազդրային հոդերում ուղղված ոտքերի վրա (ներբանների ամբողջ մակերեսով), փորձում Է քայլել։

Ազդրերից, թևատակերից, ձեռքերից բռնելիս՝ ուղիղ և կայուն նստում Է, չնայած կիֆոզն այդ դեպքում դեռևս արտահայտված Է լինում։ Կռահում Է ձայնի և դիմախաղի փաղաքշական ու լուրջ երանգները։ Հարազատներին տարբերում Է անծանոթներից (վերաբերմունքը տարբեր Է լինում)։ Երկար երգաձայն գվգվում Է, առոգանում Է ա, օ, ու ձայնավորները և որոշ բաղաձայն (մ, պ, բ և այլն) հնչյունները։

Հարցեր, պատասխաններ, մեկնաբանություններ