Մարմնի մասերը՝ նշտարի տակ. պլաստիկ վիրաբուժության միտումները՝ ըստ երկրների

Inosmi.ru-ն ի մի է բերել պլաստիկ վիրաբուժության միտումները՝ ըստ երկրների՝ օգտագործելով Huffington Post-ի և The Economist-ի անդրադարձները: Ըստ Պլաստիկ վիրաբույժների միջազգային ընկերակցության ուսումնասիրության՝ 2011-ին աշխարհում մոտ 15 000 կոսմետիկ միջամտություն է իրականացվել: Այդ գնահատականը տրվել է կազմակերպության մասնաճյուղերի՝ աշխարհի բազմաթիվ երկրներում լիցենզավորված վիրաբույժների շրջանում անցկացված հարցումների հիման վրա:

Սակայն դրանց շնորհիվ հնարավոր է դարձել պարզել նաև էսթետիկ նախասիրություները վիրահատական գործընթացների ժամանակ և առողջական խնդիրները այս կամ այն երկրում:

Ըստ այդմ՝ ԱՄՆ-ն առաջատար է կրծքի մեծացման վիրահատությունների հարցում, իսկ ասիական 3 երկիր՝ Չինաստանը, Ճապոնիան և Հարավային Կորեան այն առաջատար երկրների շարքում են, որոնցում ամենից հաճախ են քթի վիրահատություն անում:

Աշխարհում ամենամեծ ժողովրդականություն վայելող նեյրովիրաբուժական ընթացակարգը բոտոքսի ներարկումն է, որն արտահայտում է ծերացման արտաքին դրսևորումների դեմ պայքարի միտումը: Իսկ ահա ամենատարածված վիրաբուժական միջամտությունը լիպոսակցիան է, որի միտումն աճում է, քանի որ տարբեր երկրներում մեծանում է պայքարը ճարպակալման համաճարակի դեմ:

The Economist-ը եզրափակում է, որ ԱՄՆ-ն առաջատար է կոսմետիկ վիրահատությունների ընդհանուր թվաքանակով, սակայն ըստ բնակչության թվի ու վիրահատությունների համադրության առաջատարներ են Հարավային Կոերան, Հունաստանը և Իտալիան:

Հարցեր, պատասխաններ, մեկնաբանություններ