Բրիտանիան ցանկանում է արգելել պլաստիկ վիրաբույժների մոտ անվճար խորհրդակցությունները

Բրիտանական կոսմետոլոգիայի կլինիկաները, հավանաբար, այլևս չեն կարողանա իրենց պոտենցիալ այցելուներին անվճար խորհրդատվություն տրամադրել։ Նման նախաձեռություն են քննարկում Միացյալ թագավորության իշխանությունները. տեղեկացնում է Russia Today-ը։

Հարցն այն է, որ վերջին շրջանում շատացել են դեպքերը, երբ կրծքի պլաստիկ վիրահատությունն աղմկոտ սկանդալով է ավարտվել։

Անվճար խորհրդատվությունից հետո մարդիկ հաճախ ստիպված են լինում գնալ վիրահատության, չնայած դրա համար հիմքեր չեն ունենում. ասում են Առողջապահության ազգային ծառայության ներկայացուցիչները։

Օրենսդրական փոփոխությունից հետո, ենթադրվում է, որ վիրաբույժները ավելի մանրամասն կներկայացնեն հնարավոր բարդությունները, սպիների, առողջությանը սպառնացող վտանգների մասին։

Վերջերս բացահայտվել էր, որ 40.000 բրիտանուհիների կրծքի վիրահատության համար օգտագործվել է Poly Implant Protheses ընկերության անորակ արտադրանքը և նրանց մոտ էական բարդություններ են առաջացել։ Պարզվել էր, որ իմպլանտի ներսում ոչ թե բժշկական սիլիկոն է, այլ այնպիսի սիլիկոն, որն օգտագործվում է կենցաղում։

Ենթադրվում է, որ բրիտանական իշխանությունները վերջնական որոշում կկայացնեն մարտին։

Հարցեր, պատասխաններ, մեկնաբանություններ