«Խելացի» բինտեր են ստեղծվել՝ օրգանիզմը անհրաժեշտ դեղերով ապահովելու համար. news.am

Մասաչուսեթսի տեխնոլոգիական ինստիտուտի գիտնականները վերքերի բուժման համար հատուկ բինտ են ներկայացրել, որն զգում է ջերմության փոփոխությունները եւ օրգանիզմն ապահովում անհրաժեշտ դեղերով: Բինտը ստեղծվել է գիտնականների կողմից մշակված հիդրոգելի հիման վրա, որը լավ ձգվում է եւ ի վիճակի է մարմնի մակերեւույթին փակցվել ջլերին հատուկ ուժով:

«Խելացի բինտը» ձգվում է մարմնի շարժումից` անշարժ պահելով դրա վրա ամրացված էլեկտրոդները: Տիտանային ամրալարերի ինկապսուլացիայի շնորհիվ մասնագետները ստուգել են հիդրոգելի էլեկտրականություն անցկացնելու կարողությունը:   

Էլեկտրոնային բաղադրիչներին ի հավելումն, գիտնականները հիդրոգելի վրա հավասարաչափ բաշխել են ջերմության տվիչներ եւ դեղերով պահեստարաններ, ինչպես նաեւ՝ փողրակներ, որոնք դեղերին հնարավորություն են տալիս հոսել վիրակապային նյութի միջով: Մարդու վրա փորձարկվելիս՝ վիրակապը հաջողությամբ մարմնի ջերմաստիճանի մոնիտորինգ է իրականացնում, եթե դրա համար տվիչների ցուցումներ կան:

Այդ վիրակապը կարելի է օգտագործել այրվածքային հիվանդների վերքերի եւ մաշկային ցանկացած հիվանդության բուժման համար:  Մասաչուսեթսի տեխնոլոգիական համալսարանի մեքենաշինության ամբիոնի դոցենտ Չժաո Հուանհեն ու իր գործընկերները ցանկանում են հիդրոգելն, ի վերջո, հարմարեցնել մարմնի ներսում օգտագործելու համար, օրինակ, վերահսկելու արյան մեջ գլյուկոզայի մակարդակը կամ որպես նեյրոնային զոնդ կիրառելու նպատակով:

Հարցեր, պատասխաններ, մեկնաբանություններ