Չամուսնացածներն ավելի երջանիկ են իրենց ամուսնացած ընկերուհիներից

Մեծ Բրիտանիայի Սեռական առողջության կենտրոնի հետազոտողներն ուրախացրել են նրանց, ովքեր դեռ չեն գտել իրենց երկրորդ կեսին: Նրանք հայտարարել են. այն կանանց կյանքը, ովքեր դեռ չեն հասցրել ամուսնանալ, ավելի լեցուն ու ուրախ է, քան նրանց ամուսնացած ընկերուհիների:

Հետազոտողները, նշելով այդ բոլոր առավելությունները,  սահմանել են  դեպրեսիայի  բացակայության և լավ տրամադրության  չորս հիմնական պատճառներ: Եվ այսպես.

1. Փողի խնայողություն: Անհրաժեշտություն չկա ամուսնուն, սկեսուրին և մնացած բարեկամներին նվերներ  առնելու համար գումար ծախսել: Չամուսնացած աղջիկն իր վաստակածը հաճույքով է ծախսում իր և սիրելի մարդկանց վրա:

2. Տնային ազատ ժամանակ: Կարիք չկա նախաճաշ, ճաշ և ընթրիք պատրաստել, լվացք և արդուկ անել երեխաների և ամուսնու համար:

3. Շփման և ոճի ազատություն: Առանց ամուսնու կարծիքը հարցնելու, կինը կարող է հագնել այն, ինչ իրեն է դուր գալիս, սրտի ուզածի չափ զվարճանալ ընկերուհիների հետ, առանց մտահոգվելու, թե ուշ կհասնի տուն և ստիպված կլինի բացատրություններ տալ:

4. Եվ, վերջապես, չամուսնացած կանայք հնարավորություն և ժամանակ ունեն զբաղվել իրենցով. բարձրացնել կրթական մակարդակը, զբաղվել սիրած հոբբիով, կարդալ, ճամփորդել և նորանոր մարդկանց հետ ծանոթանալ:

Կանայք կորցնում են մազերը

Ինչպես ցույց են տվել նոր հետազոտությունները, ժամանակակից կյանքի սթրեսները ստիպում են կանանց կորցնել… մազերը: Յուրաքանչյուր երրորդ երիտասարդ կին, 25 տարեկանում խնդիրներ ունի մազաթափման հետ, իսկ դա ոչ հեռավոր անցյալում բնորոշ էր միայն տարեց հասակի կանանց:

Փորձագետները կարծում են, որ դրա գլխավոր պատճառը    նիհարելու սևեռուն գաղափարն է, ինչն հատուկ է ժամանակակից հասարակությանը: Գեղեցիկ ու հանրաճանաչ դառնալու ցանկությունն ստիպում է կանանց քիչ ուտել: Որպես հետևանք, օրգանիզմ չի ներմուծվում անհրաժեշտ սննդարար նյութեր, այստեղից էլ մազերը բարակում են ու սկսում թափվել: Հետազոտողները նշում են, որ միայն Մեծ Բրիտանիայում  25 տարեկան երիտասարդ կանանց 37%-ը մազաթափման հետ կապված խնդիրներ ունի: Բացի այդ,  մազերի կորստի հետ կապված սթրեսը միայն արագացնում է մազաթափման գործընթացը: Հարցվածների ավելի քան 100%-ը նշել են, որ ամաչում են խոստովանել, որ կորցնում են մազերը:

Հոգեբաններն ասում են.«Արևմտյան մշակույթում մազերն անքակտելի կապված են կանացիության և սեռական հրապուրանքի  հասկացության հետ, դրա համար էլ մազաթափման խնդիրը հարկ է մանրամասն ուսումնասիրել»:

Հարցեր, պատասխաններ, մեկնաբանություններ