Վիեննայում տեղի է ունեցել դիաբետի ուսումնասիրման եվրոպական միավորման 45-րդ ամենամյա գիտաժողովը

Ներկայացնում ենք առավել հետաքրքիր նորությունները:

Նանոբյուրեղ դիաբետիկների համար

Ճապոնացի մասնագետներն արյան մեջ գլյուկոզայի մակարդակի մշտական մոնիտորինգի նոր մեթոդ են առաջարկել: Նրանք առաջարկում են դաստակի մաշկի տակ հատուկ բյուրեղ ներդնել, որը շատ զգայուն արձագանքում է արյան մեջ շաքարի մակարդակի բարձրացմանը: 

Նանոտեխնոլոգիայի այս հրաշքը կարող է հատուկ ալիքներ ուղարկել, որոնք որսում է ձեռքի վրա ժամացույցի պես կապած սենսորային սարքը: Նոր մեթոդը թույլ կտա դիաբետիկներին գլյուկոզայի մակարդակի բարձրացման, ինչպես նաև նվազման դեպքում շատ արագ դեղորայք ընդունել: 

Օգտակար լինզաներ

Ամերիկացի գիտնականները կոնտակտային լինզաներ են մշակել շաքարային դիաբետով հիվանդ մարդկանց համար: Դրանց առանձնահատկությունը, այսպես կոչված,«լուսային բյուրեղներն» են, որոնք անմիջապես փոխում են իրենց գույնը, երբ արյան մեջ բարձրանում է գլյուկոզայի մակարդակը: 

Գլյուկոզայի բարձր մակարդակը բյուրեղին կարմիր գույն է հաղորդում, իսկ շաքարի նորմալ մակարդակի դեպքում «լուսային բյուրեղները» կանաչ գույն են ստանում: Գիտնականներն առաջարկել են ՙլուսային բյուրեղները՚ տեղադրել կոնտակտային լինզաների ոչ մեծ հատվածի վրա: 

Մարդու արցունքի մեջ գլյուկոզայի մակարդակն այնքան է, որքան արյան մեջ: Այդ պատճառով էլ արցունքի բաղադրակազմով լինզան կարող է 15 րոպեում որոշել մարդու համար վտանգ կա թե` ոչ: Գլյուկոզայի բարձր մակարդակի դեպքում լինզայի վրա վառ լուսավորված կետ է հայտնվում: Եվ մարդը կարող է միայն հայելուն նայելով որոշել թե ինչ վիճակում է գլյուկոզայի մակարդակը:

Պարացետամոլ և գլյուկոմետր

Գիտնականները նշել են, որ գլյուկոմետրերը կարող են ոչ ճիշտ տվյալներ արձանագրել այն մարդկանց մոտ, ովքեր պարացետամոլ են ընդունել, հայտնի ջերմիջեցնող և ցավազրկող դեղամիջոցը: Այդ պատճառով էլ գերմանացի գիտնականները  նոր գլյուկոմետր են մշակել, որոնց մեջ հաշվի է առնված այդ հանգամանքը: Այժմ չափման դեպքում արդյունքները չեն խեղաթյուրվում, որը շատ կարևոր է ինքնազգացողության գնահատականի համար: Նոր գլյուկոմետրի օգտակար հատկություններից է նաև գաղտնագրի բացակայությունը:  Նախկինում, նոր գլյուկոմետր գնելիս, հիվանդը ձեռքով սարքի մեջ հատուկ գաղտնագիր էր հավաքում: Իսկ այժմ այն ավելի պարզեցված է, որը շատ օգտակար է տարեց հիվանդների համար, ովքեր նոր տեխնիկայից այնքան էլ լավ չեն հասկանում: 

Ոչ սթրեսներին

Շվեյցարացի գիտնականները կարծում են, որ սթրեսը դիաբետով հիվանդների մոտ նշանակալիորեն դանդաղեցնում է գլյուկոզայի մակարդակի նվազումը և շաքարային դիաբետի բուժման արդյունավետությունը: Հատկապես վտանգավոր են նյարդային ցնցումներն ուտելուց հետո: Բացի շաքարի մակարդակի վրա ազդեցությունից, սթրեսները բարձրացնում են զարկերակային արյան ճնշումը, ավելացնում սրտի կծկումների հաճախականությունը: Դա շատ կարևոր է երկրորդ տեսակի շաքարային դիաբետով հիվանդների համար: Քանի որ նրանց մոտ հիվանդությունն ընթանում է հիպերտոնիայի և սրտի իշեմիկ հիվանդության հետ ՙձեռք-ձեռքի՚ տված: Իհարկե, կյանքն առանց սթրեսների հնարավոր չէ: Բայց սովորել դրանց ճիշտ արձագանքել, անհրաժեշտ է: Շվեյցարացի մասնագետները խորհուրդ են տալիս, ամենից առաջ, հոգեթերապիա և աուտոտրենինգ, իսկ հետո արդեն հանգստացնող ազդեցությամբ դեղորայք: 

Տարիքային մարտավարություն   

Եվրոպացի և ռուս գիտնականները եզրակացության են հանգել, որ տարեց պացիենտների  մոտ դիաբետը պետք է բուժել հատուկ մեթոդներով:

35-45 տարեկան մարդկանց համար անհրաժեշտ է դեղամիջոցներն այնպես ընտրել, որպեսզի գլյուկոզայի և, այսպես կոչված, գլիկոլիզացված հեմոգլոբինի ցուցանիշները նորմային ավելի մոտ լինեն: Իսկ առավել տարեց մարդկանց  բուժման մարտավարությունը բոլորովին այլ պետք է լինի: Տարեց մարդկանց շաքարային դիաբետի խիստ ագրեսիվ բուժումը կյանքի երկարատևության չի հանգեցնում: Նրանց համար կարևոր է հետևել զարկերակային արյան նորմալ ճնշմանը և խոլեստերինի մակարդակին: Իսկ գլյուկոզայի ցուցանիշները կարող են մի քիչ նորմայից բարձր լինել:   

Հարցեր, պատասխաններ, մեկնաբանություններ