Հարավային կովկասում թմրամիջոցների հակազդման ծրագիր Ֆինանսավորվում է Եվրամիության և իրականացվում ՄԱԿ-ի զարգացման ծրագրի կողմից

Մամլո հաղորդագրություն

Սույն թվականի դեկտեմբերի 3-ին  ՄԱԿ-ի  հայաստանյան գրասենյակում տեղի ունեցավ Հարավային Կովկասում

Թմրամիջոցների Հակազդման Ծրագրի  5-րդ փուլի, ՀԿԹՀԾ-  5 մեկնարկին նվիրված շնորհանդեսը: ՀԿԹՀԾ-ն ֆինանսավորվում է Եվրամիության  և  իրականացվում  է   ՄԱԿ-ի  զարգացման ծրագրի կողմից:

ՀԿԹՀԾ-5-ի  համընդհանուր  նպատակն  է  թմրամիջոցներին առնչվող  քաղաքականության ոլորտում իրականացվող բարեփոխումների միջոցով նպաստել շահառու մարմինների կողմից Եվրամիության  լավագույն փորձի աստիճանաբար ընդունմանը:

ՀԿԹՀԾ-ն  աշխատանքներ  կիրականացնի  ինչպես  թմրամիջոցների առաջարկի, այնպես էլ պահանջարկի նվազեցման ուղղությամբ և կնպաստի Եվրոպական  Հարևանության Քաղաքականության գործողությունների ծրագրի թմրամիջոցներին առնչվող բաղադրիչների իրականացմանը:

2007 – 2009 թթ. ընթացքում ՀԿԹՀԾ-ն կօժանդակի Հայաստանի, Ադրբեջանի և Վրաստանի կառավարություններին Եվրամիության լավագույն փորձի ընդունմանը հետևյալ ոլորտներում`Իրավական օժանդակություն:: Կնախագծվեն  և  կընդունվեն թմրամիջոցների ոլորտը  կարգավորող  ազգային  ռազմավարական փաստաթղթեր,  թմրամիջոցների  հսկման  ազգային  օրենսդրական

դաշտը կհամապատասխանեցվի միջազգային չափանիշներին, թմրամիջոցների օգտագործումը կապաքրեականացվի և այդ   իրավախատման համար կսահմանվի վարչական պատասխանատվություն:

Թմրամիջոցներին առնվող համաճարակաբանություն:Կհիմնվի պետական կայուն մի  կառույց, որը կկարողանա «Թմրամիջոցների և Թմրամոլության Մոնիտորինգի Եվրոպական Կենտրոնի» (ԹԹՄԵԿ)  ուղեցույցներից  ելնելով  հավաքագրել, վերլուծել և տրամադրել թմրամիջոցներին առնչվող տեղեկատվությունը:

Թմրամիջոցների կանխարգելում: Լրատվամիջոցների կողմից պատրաստած մեդիա-ծրագրերի շնորհիվ հանրապետությունում կբարձրացվի բնակչության տեղեկացվածության աստիճանը թմրամիջոցների հասցրած վնասների մասին, իսկ հանրապետության հանրակրթական ծառայություններին օժանդակություն կտրամադրվի դպրոցներում թմրամիջոցների կանխարգելմանն ուղղված ծրագրերի ներդրման և իրականացման համար:

Բուժական ծառայությունների տրամադրում թմրամոլներին:

Բուժ – ետվերականգնողական ծառայություններ կմատուցվեն ինչպես բաց հասարակությունում, այնպես էլ կալանավայրերում գտնվող թմրամոլներին:

Իրավապահ մարմինների տարածաշրջանային դասընթացներ:Կամրապնդվի Հարավային Կովկասի իրավապահ

մարմինների և Եվրամիության նրանց գործընկերների միջև օպերատիվ համագործակցությունը, աստիճանաբար կներդաշնակեցվեն թմրամիջոցների ապօրինի շրջանառության դեմ պայքարի մեթոդներն ու եղանակները, իսկ տարածաշրջանի իրավապահ մարմինների միջև եղած կապերը որոշակի չափով կնպաստեն տարածաշրջանում առկա լարվածությունների թուլացմանը:

ՀԿԹՀԾ-5 խարսխված է Եվրամիության թմրամիջոցների հակազդման  ռազմավարության  վրա,  որն  իր  հերթին հիմնված է Եվրամիությունում գործող օրենքների հիմնարար սկզբունքների վրա:

Դա նախ և առաջ Եվրամիության այն արժեքային համակարգն է, որի հիմքում ընկած է մարդկային արժանապատվության, անձին նկատմամբ  հարգանքի,  նրա  ազատությունների, ժողովրդավարության,  միասնության, օրենքի գերակայության  և մարդու իրավունքների պաշտպանությունը: Այդ սկզբունքները ուղղված են նաև պաշտպանելու և բարելավելու հասարակության և առանձին վերցրած ցանկացած անձի բարեկեցությունը` միտված հանրային առողջության բարելավմանը,ընդհանուր բնակչության անվտանգության մակարդակի բարձրացմանը և թմրամիջոցների հետ կապված խնդիրների լուծման հավասարակշռված մոտեցումների ձևավորմանը: Ավելին, 1998 թ. ՄԱԿ-ի Գլխավոր Քարտուղարության թմրամիջոցներին նվիրված հատուկ նստաշրջանում կարևորվեց և հավանության արժանացավ թմրամիջոցների նկատմամբ միասնական և հավասարակշռված մոտեցման անհրաժեշտությունը, որի դեպքում պահանջարկի և առաջարկի նվազեցումները պետք է հանդիսանան փոխլրացնող տարրեր:

ՀԿԹՀԾ-5 նաև կիրականացի հետազոտություններ, թմրամիջոցներին առնչվող համաճարակաբանական ուսումնասիրություններ` նպատակ ունենալով հիմնել և զարգացնել թմրամիջոցներին առնչվող տեղեկատվության ազգային համակարգը: Ծրագիրը  նաև   կկազմակերպի  սեմինարներ  դատավորների  և դատախազների համար` էքստրադիցիայի, արտերկրում բռնագրավման, փոխադարձ իրավական օժանդակության և վերահսկվող առաքումների վերաբերյալ, դասընթացներ կանցկացնի թմրամիջոցներից կախվածություն ունեցող անձանց բուժման նորարարական մեթոդների կիրառման վերաբերյալ, կաջակցի վնասի նվազեցման ծրագրերի իրականացմանը, կնպաստի իրավապահ մարմինների միջև  տարածաշրջանային համագործակցության ամրապնդմանը, վերապատրաստման դասընթացներ կկազմակերպի մանկավարժների, ԶԼՄ   և ՀԿ ներկայացուցիչների համար: ՀԿԹՀԾ-ն տեխնիկական օժանդակություն կապահովի դատափորձագիտական և քրեափորձագիտական լաբորատորիաների, ինչպես նաև թմրամիջոցներից կախվածություն ունեցող անձանց համար նախատեսվող  ետվերականգնողական  կենտրոնների  հիմնման համար:

Հարցեր, պատասխաններ, մեկնաբանություններ