9 մարդ, որ հրաշքով հարություն է առել մահվանից հետո. tert.am

Երբեմն տեղեկատվություն է տարածվում այն մասին, որ ինչ որ մեկը հարություն է առել, այնինչ բժիշկներն արդեն արձանագրել էին նրա մահը:

Bigpicture.ru-ն ներկայացնում է զարմանալի պատմություններ, որոնք իրարամերժ զգացողություններ են առաջացնում:

1. Մանդլոն` Զիմբաբվեից մի մարմնավաճառ, մահացել է 2013 թվականին` աշխատանքի ժամանակ: Երբ կնոջ մարմինը դագաղի մեջ են դրել, նա ճչացել է` «Դուք ուզում եք սպանել ինձ»:

2. Լյուդմիլա Ստեբլիցկայա. 2011 թվականին բժիշկներն արձանագրել էին 61-ամյա տիկնոջ մահը, սակայն նա հարություն է առել 3 օր շարունակ դիահերձարանում մնալուց հետո:

3. Համդի Հաֆեզ Ալ Նուբի. Եգիպտոսում մատուցող աշխատող տղան աշխատանքի ժամանակ սրտի նոպա է ունեցել, որից հետո նրան մահացած են համարել: Ընտանիքը նախապատրաստել է նրա մարմինը թաղման, որն ըստ իսլամական ավանդույթի՝ պետք է տեղի ունենար նույն օրը՝ երեկոյան, սակայն մահվան վկայական ստանալու համար նրանք ստիպված են եղել բժիշկ կանչել տուն, ով արձանագրել է, որ 28-ամյա տղան մահացած չէ:

 4. Բրայթոն Դամա Զանտե. տղամարդը Զիմբաբվեում մահացել է 34-տարեկանում: Նրա մարմինը փաթաթել են ծածկոցի մեջ և ուղարկել դիահերձարան: Հաջորդ օրը դիահերձարանում հավաքված նրա բարեկամներն ու ընկերները սարսափահար են եղել, երբ նա սկսել է շարժել ոտքերը: Նրանք փախել են՝ վախենալով, որ մահացածի մեջ չար ոգի է մտել, և շուտով նա կհարձակվի իրենց վրա: Ավելի ուշ վախը հաղթահարած հարազատները նրան տեղափոխել են հիվանդանոց:

5. Թոնի Յախլե. Ամերիկյան Օհայո նահանգի բնակիչը կլինիկական մահ է տարել, և նրա սիրտը չի բաբախել 45 րոպե: Երբ բժիշկները արձանագրել են նրա մահը և պատրաստվել դուրս տանել նրան հիվանդանոցային պալատից, որդին բղավել է՝ «Հայրի՛կ, դու չես պատրաստվում մահանալ», որին ի պատասխան տղամարդը կյանքի նշաններ է ցույց տվել: Ապշահար բժիշկները մինչ օրս չեն կարողանում բացատրել պատահածը:

6. Կառլոս Կամեխո. 2007 թվականին Վենեսուելացի տղամարդը վթարի է ենթարկվել, որից հետո բժիշկներն արձանագրել են նրա մահը: Երբ դիահերձման ժամանակ բժիշկները կտրվածք են արել նրա դեմքին, արյուն է հոսել: Հասկանալով, որ տղամարդը ողջ է, բժիշկներն արագ կարել են նրա դեմքը և նրան տեղափոխել հիվանդանոց:

7. Յասմինա Գոմես. 2013 թվականին Ջենիֆեր դա Սիլվա Գոմեսը Յասմինա անունով դուստր է ունեցել: Բժիշկները որոշել են, որ երեխան մահացած է ծնվել, և երբ փոքրիկի մարմինը պետք է դիահերձարան տեղափոխեին, ծնունդն ընդունած մանկաբարձուհին նրան հիվանդանոցի փոքրիկ մատուռ է տեղափոխել, և 3 ժամ անց Յասմինա Գոմեսը կյանքի նշաններ է ցույց տվել:

8. Լի Սյուֆեն. Չինական Բեյլու գյուղական շրջանի 95-ամյա բնակչուհին ցնցել է իր հարևաններին: Հարևանները փորձել են ուշքի բերել ուշագնաց Սյուֆենին, սակայն վերջինս կյանքի նշաններ ցույց չի տվել, իսկ հարևանները որոշել են, որ նա մահացել է, և պատրաստվել թաղման արարողության, սակայն 6 օր անց նա հարություն է առել:

9. Թասլիմա Ռաֆիկ. 4 երեխայի մայր 52-ամյա բրիտանուհին երկրորդ կյանք է ստացել: Երբ սրտի կաթվածից հետո նրան տեղափոխել են հիվանդանոց, բժիշկները շուրջ 45 րոպե փորձել են վերականգնել նրա սրտի աշխատանքը, սակայն չի հաջողվել: Բժիշկները զգուշացրել են հարազատներին, որ ադրենալինի ներարկման հետևանքով կինը կարող է ակամա շարժումներ կատարել: Ի զարմանս բժիշկների, ովքեր կնոջը մահացած են համարել, որոշ ժամանակ անց նա պատասխանել է դստեր խոսքին՝  «Մայրի՛կ, եթե ես որևէ բան եմ արել, ինչը բարկացրել է քեզ, ասա»:

Հարցեր, պատասխաններ, մեկնաբանություններ