Նման եղեք ինքներդ ձեզ. մյուս բոլոր դերերն արդեն զբաղված են. մեջբերումներ Օսկար Ուայլդից. tert.am

Կան դասական գրողներ, որոնց երբեք չեն դադարի մեջբերել, և նրանցից մեկն, անշուշտ, Օսկար Ուայլդն է: Էսթետ, սկանդալային գրող, հմուտ պատմիչ և աֆորիզմների վարպետ Ուայլդը մտքերին կարճ ու ավարտուն տեսք հաղորդելու կարողությամբ ապշեցնում էր ընթերցողներին և զրուցակիցներին: Բացի այդ, նա վարպետորեն տիրապետում էր հեգնանքի արվեստին: Այս մասին գրում է AdMe.ru-ն` ներկայացնելով իռլանդացի գրողի մտքերը, որոնցից շատերը հիանալիորեն նկարագրում են 21-րդ դարի մարդուն:

1. Ինչ լավ բան կա աշխարհում՝ կա՛մ անբարո է, կա՛մ անօրեն, կա՛մ բերում է ճարպակալման:

2. Մենք տանել չենք կարողանում մարդկանց, ովքեր նույն թերություններն ունեն, ինչ՝ մենք:

3. Ես չեմ ուզում իմանալ` ինչ են խոսում մեջքիս ետևից, ես առանց այդ էլ շատ մեծ կարծիքի եմ իմ մասին:

4. Ես միշտ  բարեկամաբար եմ մոտենում այն մարդկանց, ում հանդեպ անտարբեր եմ:

5. Կյանքում երկու մեծ ողբերգություն կա՝ երբ չես ստանում, ինչ ցանկանում ես, և երբ ստանում ես:

6. Նման եղեք ինքներդ ձեզ. մյուս բոլոր դերերն արդեն զբաղված են:

7. Ես այնքան զրպարտություն եմ լսել ձեր մասին, որ կասկած չունեմ՝ դուք հիանալի անձնավորություն եք:

8. Ես շատ բծախնդիր չեմ. ամեն ինչում անհրաժեշտ է միայն լավագույնը:

9. Երբեք մի՛ սիրեք նրան, ով ձեզ վերաբերում է ինչպես սովորական մեկին:

10. Ներե՛ք ձեր թշնամիներին. դա նրանց հունից հանելու լավագույն եղանակն է:

11. Սիրո մասին գրելը շահավետ է. պահանջարկն է մեծ:

12. Երբ մարդ երջանիկ է, նա միշտ լավն է լինում, բայց միշտ չէ, որ լավ մարդիկ երջանիկ են լինում:

13. Ինչպես ասել է սրամիտ մի ֆրանսիացի` կանայք միշտ ոգեշնչում են մեզ՝ մեծ գործեր անելու և մշտապես խանգարում են իրագործել դրանք:

14. Եսասիրությունն այն չէ, որ մարդ ապրում է՝ ինչպես ինքն է ուզում, այլ երբ ստիպում է ուրիշներին՝ ապրել իր սկբունքներով:

Հարցեր, պատասխաններ, մեկնաբանություններ