Վադիմ Զելանդ. Իմաստուն մտքեր, որ կօգնեն ավելի հեշտ ապրել. tert.am

Վադիմ Զելանդը՝ խորհրդավոր մի մարդ, ում մասին  քիչ բան է հայտնի, կարողացել է ընդհանրացնել գիտելիքները, որոնք իմաստունները հավաքագրել են դարեր շարունակ: Նրա տեսության հիմնական գաղափարն է՝ «իրականությունը գոյություն ունի՝ անկախ ձեր կամքից և քանի դեռ դուք համաձայն եք դրա հետ»: cluber.com-ը ներկայացնում է նրա ամենահաջողված մտքերը:

1. Սովորեք հաճույք ստանալ վատ եղանակից, հերթերից, խցանումներից, ցանկացած բացասական երևույթից և կենտրոնանալ միայն այդ ամենից օգուտ ստանալու վրա:
   
   
2. Երբ մարդիկ դադարում են պարզապես ցանկանալ ինչ-որ բան և սկսում են ձգտել դրան, ապա դա իրականություն է դառնում:
   
   
3. Ամենից դժվարը սպասելու կարողությունն է՝ միևնույն ժամանակ հանգստություն պահպանելով: Պետք է կարողանալ դիմակայել դադարի այն ժամանակահատվածին, երբ ոչինչ չի կատարվում:
   
   
4. Թույլ տվեք ձեզ՝ ներդաշնակ լինել ձեր սեփական անձի հետ. դա նշանակում է՝ ընդունել սեփական թերությունները:
   
   
5. Մարդն իր իրական կյանքում ունենում է այն ֆիլմը, որը պտտվում է նրա «պրոեկտորում»՝ ինչ տեսնում է, այն էլ նկարում է:
   
   
6. Հրաշքներ կկատարվեն միայն այն ժամանակ, երբ մարդիկ սկսեն կոտրել իրենց կարծրատիպերը և սկսեն մտածել ո՛չ թե նպատակների իրագործման միջոցների, այլ՝ իրենց առջև դրված նպատակների մասին:
   
   
7. Այն ինչ պետք չէ անել՝ դա սեփական կյանքից հիասթափվելն է. պետք չէ մտածել, որ այն չի ստացվել: Այս կյանքում ոչինչ հենց այնպես չի լինում, և ամեն ինչ դեռ նոր է սկսվում:
   
   
8.  Անհրաժեշտ է մոռանալ դժգոհությունների մասին և թեթև ապրել՝ չդժգոհել, չընկճվել, չկորցնել, չափսոսալ և նախքան որևէ բան անելը սթափ և երկար մտածել:

Հարցեր, պատասխաններ, մեկնաբանություններ