Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջապահություն 3.2011

Առողջապահությունն այն ոլորտներից է, որը ԽՍՀՄ փլուզման հետ մեկտեղ չքայքայվեց: Հարցազրույց Հայկական հոգեբուժական ասոցիացիայի նախագահ, «Հոգեբուժական բժշկական կենտրոն» ՓԲԸ փոխտնօրեն Արմեն Սողոյանի հետ

Առողջապահությունն այն ոլորտներից է, որը ԽՍՀՄ փլուզման հետ մեկտեղ չքայքայվեց: Հարցազրույց Հայկական հոգեբուժական ասոցիացիայի նախագահ, «Հոգեբուժական բժշկական կենտրոն» ՓԲԸ փոխտնօրեն Արմեն Սողոյանի հետ

–  Ասացեք, խնդրեմ, պարոն Սողոյան, ի՞նչ ձեռքբերումներ եղան անկախության տարիներին հոգեբուժության ոլորտում:

 

–  Նախ` անկախության մասին. սկզբնական շրջանում, պայմանավորված խորհրդային դաստիարակությամբ, այն մեզ համար շատ անորոշ և ինչ-որ տեղ նաև վտանգավոր հասկացություն էր, այնուհետև, կարճ ժամանակում անկախությունը դարձավ գերնպատակ, ապա սկսեց ծառայել և այժմ էլ ծառայում է որպես միջոց: Եվ որպես միջոց այն չի կարող «մեղավոր» լինել, թե´ նրանից «օգտվողը» կարողանու՞մ է այն ճիշտ օգտագործել, թե´ ոչ: 21-րդ դարում արդեն անկախության հիմնական իմաստն այն է, որ տվյալ պետությունը ոչ միայն կարողանա ինքնուրույն սահմանել իր նպատակները և ինքն էլ որոշի դրանց հասնելու ճանապարհները, այլև կարողանա առավելագույնս դրսևորվել համաշխարհային գործընթացներում և իր լուման ներդնի գլոբալ հիմնախնդիրների լուծման գործում: 

 

Հայկական հոգեբուժական ասոցիացիան խորհրդային տարիներին գործող նյարդաբանների և հոգեբույժների միության իրավահաջորդն է, որը 1994 թ. վերանվանվել է «Հոգեբույժների և թմրաբանների ասոցիացիա»,այնուհետև`«Հայկական հոգեբուժական ասոցիացիա»,որի նպատակներից են հոգեբուժական օգնությունն արդի բժշկության պահանջներին համապատասխանեցնելը, միջազգային համագործակցության ընդլայնումը, առողջապահության ոլորտում ձեռք բերված նորարարությունները, գիտության և տեխնիկայի նվաճումները, միջազգային փորձի ներդրումը Հայաստանում, մասնագետների և հիվանդների շահերի պաշտպանությունը և այլն: Այն արդեն երրորդ տարին է հայերեն, ռուսերեն և անգլերեն լեզուներով հրատարակում է «Հոգեկան առողջության հայկական հանդես» պարբերականը: 

 

Հայկական հոգեբուժական ասոցիացիան 1999 թ. անդամագրվել է Համաշխարհային հոգեբուժական ասոցիացիային: Մենք շատ արագ ինտեգրվեցինք հոգեբուժության ոլորտում տեղի ունեցող միջազգային գործընթացներին և այժմ շատ ավելի լավ ենք ներկայացված այդ կառույցներում, քան նորանկախ պետություններից որևէ մեկը, այդ թվում նաև Ռուսաստանը: Օրինակ` 2008 թ. մենք նախաձեռնեցինք և ստեղծեցինք Համաշխարհային հոգեբուժական ասոցիացիայի պաշտոնական` անգլալեզու «Համաշխարհային հոգեբուժություն» ամսագրի ռուսերեն էլեկտրոնային տարբերակը, որի գլխավոր խմբագիրն եմ, իսկ 2011 թ.-ից այն սկսեցինք հրատարակել և անվճար տարածել Արևելյան Եվրոպայի մեր գործընկերների շրջանում: 

 

2011 թ. ապրիլին Երևանում կազմակերպեցինք Համաշխարհային հոգեբուժական տարածաշրջանային գիտաժողով, որին մասնակցեցին համաշխարհային հոգեբուժության գրեթե ողջ վերնախավը և 400-ից ավելի ներկայացուցիչներ` աշխարհի 36 երկրից: Համաշխարհային հոգեբուժական ասոցիացիայի նախագահի կողմից այդ գիտաժողովը գնահատվեց որպես լավագույնը մինչ այդ կազմակերպված տարածաշրջանային գիտաժողովներից:

 

–  Առողջապահության զարգացման ընթացքը տարակարծություններ է առաջացնում մասնագետների և ոչ մասնագետների մոտ: Կցանկանայի իմանալ Ձեր կարծիքը ոլորտի զարգացման պատմական ընթացքի վերաբերյալ: 

 

–  Առողջապահությունը, ինչպես և բոլոր ոլորտները, ցնցումներ ապրեց ԽՍՀՄ փլուզման հետ մեկտեղ, սակայն, ի տարբերություն շատ այլ բնագավառների, կարողացավ դիմակայել ինչպես անցումային շրջանի բոլոր դժվարություններին, այնպես էլ երկրաշարժի և պատերազմի արհավիրքներին, լուծել իր առջև դրված խնդիրները, և այդ ամենը շնորհիվ բժիշկների ու բուժաշխատողների անձնական նվիրվածության, մարդկային և մասնագիտական բարձր որակների:

 

Իհարկե, բազմաթիվ են հիմնախնդիրներն առողջապահության ոլորտում, սակայն հետևողական աշխատանքի արդյունքում հնարարավոր է աստիճանաբար բոլորին լուծում տալ: Այսօր առողջապահության մի շարք ճյուղեր` հիմնականում վիրաբուժական ուղղվածության, ոչնչով չեն զիջում տարածաշրջանի երկրներին:

 

–  Ի՞նչ ձեռքբերումներ և խնդիրներ կան հոգեբուժության ոլորտում անցած 20 տարիներին:

 

–  Խորհրդային Միության համեմատ` մեծ փոփոխություններ են տեղի ունեցել: Անկախության շրջանում հոգեբուժության ոլորտի բարեփոխումները միտված են զարգացնելու արտահիվանդանոցային ծառայությունները, նպաստելու բուժման նոր մեթոդների և տեխնոլոգիաների ներդրմանը, հիվանդների իրավունքների պաշտպանությանը և այլն: Շատ կարևոր է նաև հոգեկան խանգարումներ ունեցողների հանդեպ վերաբերմունքի փոփոխությունը և ստիգմայի նվազեցումը, որը, իհարկե, դեռ շատ հեռու է բավարար լինելուց, սակայն այն չէ, ինչ 20 տարի առաջ էր: 

 

Ինչ վերաբերում է հիվանդանոցային պայմաններին, ապա դրանք խորհրդային շրջանում ավելի բարեկեցիկ էին, քան այսօր, ավելի շատ էր ֆինանսավորումը` այսօր այն բավարար չէ: Ֆինանսական խնդիրների պատճառով հնարավորությունները քիչ են ավելի որակյալ բուժսպասարկում ապահովելու համար, որը խոչընդոտում է բարեփոխումների լիարժեք ընթացքին ու արդյունավետությանը: 

 

Այժմ մշակվել և նախարարություն է ներկայացվել հոգեբուժական ծառայության զարգացման ռազմավարական ծրագիր, որտեղ նախանշվում են հիմնական ուղղությունները, այդ թվում` Ֆինանսական միջոցների ավելացում արտահիվանդանոցային բուժման համար, ինչը կնվազեցնի հիվանդների հոսքը հիվանդանոց, կնպաստի հոգեկան խանգարումների վաղ հայտնաբերմանն ու ախտորոշմանը, ժամանակին ձեռնարկվող արդյունավետ բուժմանը, որի շնորհիվ կնվազի սրացումների և հաշմանդամության դեպքերի թիվը: 

 

–  «Առողջապահություն» հանդեսը 55 տարեկան է, ինչպե՞ս եք գնահատում նրա երկարամյա գործունեությունը ոլորտի կայացման և զարգացման գործում, ի՞նչ կմաղթեիք հանդեսին:

 

–  «Առողջապահությունը» այն սակավաթիվ հանդեսներից է, որը հաղթահարելով ժամանակի փորձությունը, կարողացավ պահպանել իր գոյությունը ցայսօր, իսկ վերջին տարիներին նաև զարգացում է ապրում: Այն կարողացել է համադրել տեսական, գիտական, մեթոդական, գործնական և հանրամատչելի հոդվածների տպագրությունը, բավարարելով թե´ տարբեր մասնագիտական խմբերի, և թե´ բնակչության լայն զանգվածների հետաքրքրությունները: 

 

Մաղթում եմ, որ հանդեսը լինի սպասված, հետաքրքիր և շարունակի իր ընթացքը` դեպի կատարելություն տանող անվերջանալի ճանապարհով:

 

 Հարցազրույցից հետո Ա. Սողոյանը նշանակվել է ՀՀ ԱՆ աշխատակազմի լիցենզավորման գործակալության պետ:

Սկզբնաղբյուր. Առողջապահություն 3.2011 (292)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

«Առողջապահություն» հանդեսի 55-ամյա տարեդարձը
«Առողջապահություն» հանդեսի 55-ամյա տարեդարձը

Սիրելի ընթերցո′ղ,

Այս տարին կրկնակի հոբելյանական է` համընկել են մեր երկրի անկախության 20-ամյակը և «Առողջապահություն» հանդեսի 55-ամյա տարեդարձը...

Իրադարձություններ Հայաստանում
Մեր նպատակը բուժօգնության որակի բարձրացումն ու մատչելիության ապահովումն է
Մեր նպատակը բուժօգնության որակի բարձրացումն ու մատչելիության ապահովումն է

Հարցազրույց ՀՀ առողջապահության նախարար, բժշկական գիտությունների դոկտոր, պրոֆեսոր Հարություն Քուշկյանի հետ:

Հետաքրքիր, բուռն և ստեղծարար ուղի է անցել ՀՀ առողջապահության նախարար, առողջապահության...

Հրատապ թեմա Հայաստանում
55-ամյա «Առողջապահություն» հանդեսը
55-ամյա «Առողջապահություն» հանդեսը

Տպաքանակը միշտ էլ եղել է պարբերականի գնահատման և հեղինակության ցուցանիշ: Միութենական ամենաբարձր ատյանների թույլտվությանբ, ԽՍՀՄ առողջապահության նախարարության որոշմամբ և Հայաստանի...

Պատմության էջերից
Լուրջ ձեռքբերումներն ակնհայտ են այս ոլորտում
Լուրջ ձեռքբերումներն ակնհայտ են այս ոլորտում

Հարցազրույց ՀՀ ԱԺ առողջապահության, մայրության և մանկության հարցերի մշտական հանձնաժողովի նախագահ, «Արաբկիր» բժշկական կենտրոնի գիտական ղեկավար, ՀՀ մանկական բժիշկների ասոցիացիայի նախագահ Արա Բաբլոյանի հետ...

Հրատապ թեմա Հայաստանում Բժիշկներ
Անկախության 20-ամյակին ընդառաջ մենք ունենք կայացած առողջապահական համակարգ
Անկախության 20-ամյակին ընդառաջ մենք ունենք կայացած առողջապահական համակարգ

ՀՀ առողջապահության նախարարության աշխատակազմի ղեկավար Սուրեն Քրմոյանի հետ...

Հրատապ թեմա Հայաստանում Բժիշկներ
Անկախությունն իրավական պետության կայացման կարևոր ուղենիշ է
Անկախությունն իրավական պետության կայացման կարևոր ուղենիշ է

Հարցազրույց ՀՀ ԲԳԱ նախագահ, ՌԴ ԲԳԱ ակադեմիկոս, ՀՀ գիտության վաստակավոր գործիչ, պրոֆեսոր Լևոն Մկրտչյանի հետ...

Բժիշկներ
Առաջնահերթը` առողջապահության համակարգի հետագա ամրապնդման, պահպանման խնդիրն է
Առաջնահերթը` առողջապահության համակարգի հետագա ամրապնդման, պահպանման խնդիրն է

Հարցազրույց «Սուրբ Գրիգոր Լուսավորիչ» բժշկական կենտրոնի տնօրեն, բ.գ.դ., պրոՖեսոր Արա Մինասյանի հետ...

Հրատապ թեմա Հայաստանում Բժիշկներ
Առողջապահությունը հասանելի չէ ժողովրդական լայն զանգվածներին
Առողջապահությունը հասանելի չէ ժողովրդական լայն զանգվածներին

Հարցազրույց ՀՀ Գիտությունների ազգային ակադեմիայի բնական գիտությունների բաժանմունքի ակադեմիկոս-քարտուղար Վիլեն Հակոբյանի հետ...

Հրատապ թեմա Հայաստանում Բժիշկներ
Հանրապետությունում ծննդօգնության ոլորտում մեծ բարեփոխումներ են տեղի ունեցել
Հանրապետությունում ծննդօգնության ոլորտում մեծ բարեփոխումներ են տեղի ունեցել

Հարցազրույց «Պերինատալոգիայի, մանկաբարձության և գինեկոլոգիայի ՀԻ» ՓԲԸ տնօրեն, ՀՀ ԳԱԱ թղթակից անդամ, ՀՀ վաստակավոր բժիշկ, ԱՆ գլխ. մանկաբարձ-գինեկոլոգ, Մ. Հերացու անվ. ՊԲՀ մանկաբարձության և գինեկոլոգիայի...

Պերինատոլոգիա, մանկաբարձություն և ուրո-գինեկոլոգիա Բժիշկներ
Բժիշկը նախ ի´նքը պետք է հարգի իր սպիտակ խալաթը: Հարցազրույց ՀԲԱ հիմնադիր նախագահ, Սրտաբանության ԳԻ փոխտնօրեն, Կանխարգելիչ սրտաբանության կենտրոնի տնօրեն Պարունակ Զելվեյանի հետ
Բժիշկը նախ ի´նքը պետք է հարգի իր սպիտակ խալաթը: Հարցազրույց ՀԲԱ հիմնադիր նախագահ, Սրտաբանության ԳԻ փոխտնօրեն, Կանխարգելիչ սրտաբանության կենտրոնի տնօրեն Պարունակ Զելվեյանի հետ

–  Համեմատեք, խնդրեմ, Հայաստանի երեք հանրապետությունների ժամանակ ունեցած առողջապահական համակարգերը` շեշտը դնելով անկախության 20 տարիների վրա...

Հրատապ թեմա Հայաստանում Բժիշկներ
Նա անվերապահորեն սիրում էր իր հայրենիքը և անմնացորդ նվիրվեց նրան
Նա անվերապահորեն սիրում էր իր հայրենիքը և անմնացորդ նվիրվեց նրան

Արցախյան ազատամարտի տարիներին ռազմադաշտում էին նաև Ղարաբաղյան շարժման առաջամարտիկներից շատերը, որոնք ոգևորված անկախության գաղափարով` պատրաստ էին իրենց կյանքը տալ հանուն այդ վեհ գաղափարի: Այդ նվիրյալներից էր նաև Գարեգին Հարությունյանը...

Պատմության էջերից
Հիգիենիկ և հակահամաճարակային ծառայությունը զարգացում է ապրում: Հարցազրույց ՀՀ ԱՆ աշխատակազմի պետական հիգիենիկ և հակահամաճարակային տեսչության պետ Արտավազդ Վանյանի հետ
Հիգիենիկ և հակահամաճարակային ծառայությունը զարգացում է ապրում: Հարցազրույց ՀՀ ԱՆ աշխատակազմի պետական հիգիենիկ և հակահամաճարակային տեսչության պետ Արտավազդ Վանյանի հետ

–  Կցանկանայի զուգահեռներ անցկացնեիք ԽՍՀՄ սանիտարահակահամաճարակային և ՀՀ ԱՆ պետական հիգիենիկ և հակահամաճարակային ծառայությունների գործունեության միջև...


Warning: mysqli::query(): (HY000/1): Can't create/write to file '/var/tmp/MYTtt4M9' (Errcode: 28 - No space left on device) in /sites/med-practic.com/classes/DatabaseManager_2.1.php on line 1381

Fatal error: Uncaught Error: Call to a member function fetch_assoc() on bool in /sites/med-practic.com/classes/DatabaseManager_2.1.php:1384 Stack trace: #0 /sites/med-practic.com/classes/article_class.php(102): TableManager->querySelectClassic('SELECT a.id, a....', Array) #1 /sites/med-practic.com/includes/include_footer_amen_kard_hod.php(5): Article->SelectAmenakardacvatsArticles(1) #2 /sites/med-practic.com/includes/include_bottom.php(9): require_once('/sites/med-prac...') #3 /sites/med-practic.com/bottom.php(7): require_once('/sites/med-prac...') #4 /sites/med-practic.com/article_more.php(151): require_once('/sites/med-prac...') #5 {main} thrown in /sites/med-practic.com/classes/DatabaseManager_2.1.php on line 1384