Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջապահություն 3.2011

Անարդարության դեմ պայքարը կառավարության գործունեության այսօրվա հրամայականն է: Հարցազրույց ՀՀ աշխատանքի և սոցիալական հարցերի նախարարության աշխատակազմի ղեկավար Արտակ Գրիգորյանի հետ

Անարդարության դեմ պայքարը կառավարության գործունեության այսօրվա հրամայականն է: Հարցազրույց ՀՀ աշխատանքի և սոցիալական հարցերի նախարարության աշխատակազմի ղեկավար Արտակ Գրիգորյանի հետ

–  Պարոն Գրիգորյան, Դուք մասնագիտությամբ բժիշկ եք, ինչպե՞ս հայտնվեցիք սոցիալական խնդիրներով զբաղվող ոլորտում:

 

–  Այո, մասնագիտությամբ վիրաբույժ եմ, սակայն ասպիրանտուրան ավարտելուց հետո ավարտել եմ նաև պետական կառավարման ակադեմիան, իսկ մեկ տարի անց` 2004 թ, Մոսկվայի քաղաքական հետազոտությունների դպրոցը: Օրդինատուրան ավարտելուց հետո բժշկական մայր-բուհում ուսանողական խորհրդի նախագահն էի, ինչն այն տարիներին հաստիքային աշխատանք էր համարվում: Ի դեպ, ով անցնում էր այդ «պաշտոնով», հետագայում քաղաքական գործիչ էր դառնում: Ինձ հետ միասին քաղաքական ասպարեզ մտան նաև Գարեգին Հարությունյանը, Արտակ Զեյնալյանը, Արմեն Սողոյանը, իսկ հետագայում նաև` Արմեն Աշոտյանը, Մհեր Ղազարյանը, Կարեն Ավագյանը: 

 

–  «Սովորել, սովորել, սովորել», դա Ձեր նշանաբա՞նն է, թե՞ ...


–  Ոչ, կյանքն էր ստիպում, իրավիճակը: Արդեն 1999 թ.-ին Ազգային Ժողովի պատգամավոր էի, բայց գիտելիքների պահանջարկը ստիպեց, որ ընդունվեմ պետական կառավարման ակադեմիա: 

 

–  Փաստորեն, որպես վիրաբույժ չե՞ք աշխատել:

 

–  Աշխատել եմ կլինիկական օրդինատուրայում և ասպիրանտուրայում, ինչը համընկավ Ազգային Ժողովում պատգամավորության հետ և ստիպված էի համատեղել:

 

–  Չե՞ք ափսոսում, որ թողել եք վիրաբուժությունը:

 

–  Երբեմն ափսոսում եմ:

 

–  Ե՞րբ:


–  Երբ ընկնում եմ մտորումների ու խորհրդածությունների գիրկը, բայց պետք է ասեմ, որ չեմ փոշմանել, որովհետև դա իմ ընտրությունն է եղել ու երբ հետադարձ հայացք եմ նետում այդ ճանապարհին, տեսնում եմ թողածս հետքը, ինչի համար հպարտություն եմ ապրում: Բացի այդ, իմ անցած ճանապարհի ամենամեծ մասը առողջապահության ոլորտում է ընթացել: 

 

–  Ձեր անցած ճանապարհահատվածը համընկել է նաև ՀՀ անկախության 20-ամյակի հետ, երբ ստեղծվում էր ոչ միայն նոր պետություն, այլև մշակվում էին նոր օրենքներ, մասնավորապես, առողջապահության ոլորտում: Որքանո՞վ եք մասնակից եղել այդ նոր իրականության կայացմանը և որքանո՞վ է այն հաջողվել:

 

–  Երբ Ազգային Ժողովի պատգամավոր էի, մեր հեղինակած օրենքների զգալի մասն առնչվում էր առողջապահության ոլորտին: Հպարտ եմ, որ այդ օրենքների մշակմանը մասնակցություն եմ ունեցել: Բնականաբար, միանգամից անհնար է ընդունել կատարյալ օրենքներ և արդեն այս փուլում երկրորդ սերնդի վերափոխված օրենքների պահանջ է զգացվում: Այժմ իմ ղեկավարությամբ նախարարության աշխատակազմը վերանայման և բարեփոխման ընթացքն է կազմակերպում սոցիալական բնագավառում:

 

–  Ո՞ ն է, ըստ Ձեզ, այսօրվա ամենացավոտ հարցը սոցիալական ոլորտում, որը հրատապ լուծում է պահանջում:


–  Մեզ համար դա սոցիալական արդարության խնդիր է: Մեր ժողովուրդը դժգոհում է ոչ այնքան անապահով գոյությունից, որքան անարդարությունից: Անարդարության դեմ պայքարը Կառավարության գործունեության այսօրվա հրամայականն է:

 

–  Երբ փողոց եք դուրս գալիս, իրականությունը շա՞տ է տարբերվում այն պատկերացումից, որ աշխատասենյակի պատերի ներսում է: 

 

–  Երբեմն տարբերվում է, սակայն նույնիսկ փողոցում քայլելիս շատ պրոբլեմներ չես տեսնում: Երբեմն պրոբլեմների գերակշռող մասն ավելի տեսանելի է աշխատասենյակում:

 

–  Կմտաբերե՞ք որևէ դեպք, որ առանձնապես է տպավորվել նախարարությունում աշխատած ժամանակահատվածում:


–  Անցած տարի գյուղերից մեկում չորս թե հինգ եղբայր ձևակերպել էին իրենց ունեցվածքը մեկի վրա` հողամասերը, անասունները, մեքենաները, տները: Այնպես էր ստացվում, թե մեկը մեծահարուստ է, իսկ մյուսները` ծայրահեղ չքավոր: Այդ «չքավորները», որ փաստաթղթերով իրոք ոչինչ չունեին, մեկ տարուց ավելի նպաստ էին ստացել, դեռ «օլիգարխին» էլ բաժին հանել իրենց ստացածից:

 

- Ո՞րն եք համարում Ձեր ամենամեծ ձեռքբերումն այս տարիների ընթացքում:


–  Ոլորտը բավական բարդ է, պահանջում է մեծ համբերատարություն և կամային հատկանիշներ, քանի որ առնչվում ես մարդկային խնդիրներին, հոգսերին: Դժվարություններից մարդիկ չարանում են, ընկնում ծայրահեղությունների մեջ, շատ մեծ ճկունություն է պահանջվում, բայց այս ասպարեզի աշխատողը պետք է լինի համբերատար, ըմբռնող:

 

–  Ըմբռնող և համբերատար լինել սովորել եք Ձեր ավարտած բազմաթիվ ուսումնական հաստատություններու՞մ, թե՞ դա Ձեր էությունն է:

 

–  Եթե հաջողվել է նման հատկանիշներ ձեռք բերել, ապա դա կյանքի փորձն է: 

 

–  Ինչպե՞ս եք աշխատում բնակչության բողոքների հետ:


–  Բողոքների 90 տոկոսն անհիմն է, սակայն կան նաև արդարացի բողոքներ: Բայց այսօր փաստորեն անհնար է ապօրինի որոշում կայացնել: Մենք այժմ կայացնում ենք տեղեկատվական բազայի մշակման և արդիականացման գործընթացը, որի շնորհիվ հնարավորություն կունենանք անձի, այսպես կոչված «սոցիալական քարտեզը» կազմել, այսինքն, նրա սոցիալական վիճակի բնութագրումը կախված չի լինի անպարկեշտ չինովնիկներից և անպարկեշտ քաղաքացուն ևս թույլ չի տա խաբել պետությանը կեղծ և չստուգված տեղեկանքներով: Այդպիսով կվերացվեն նաև կոռուպցիոն ռիսկերը: 

 

–  55-ամյա «Առողջապահություն» հանդեսին ի՞նչ կմաղթեիք:


–  Բարձր գնահատելով հանդեսի նշանակությունը ոչ միայն մեր բնակչության, այլև բուն առողջապահական ոլորտի մասնագետների համար, ամենայն բարիք և առողջություն եմ ցանկանում աշխատակազմին, երկարակեցություն` ամսագրին, նոր շունչ, նոր եռանդ նրա հեղինակներին և հնարավորինս ընթերցողների լայն զանգված:

Սկզբնաղբյուր. Առողջապահություն 3.2011 (292)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

«Առողջապահություն» հանդեսի 55-ամյա տարեդարձը
«Առողջապահություն» հանդեսի 55-ամյա տարեդարձը

Սիրելի ընթերցո′ղ,

Այս տարին կրկնակի հոբելյանական է` համընկել են մեր երկրի անկախության 20-ամյակը և «Առողջապահություն» հանդեսի 55-ամյա տարեդարձը...

Իրադարձություններ Հայաստանում
Մեր նպատակը բուժօգնության որակի բարձրացումն ու մատչելիության ապահովումն է
Մեր նպատակը բուժօգնության որակի բարձրացումն ու մատչելիության ապահովումն է

Հարցազրույց ՀՀ առողջապահության նախարար, բժշկական գիտությունների դոկտոր, պրոֆեսոր Հարություն Քուշկյանի հետ:

Հետաքրքիր, բուռն և ստեղծարար ուղի է անցել ՀՀ առողջապահության նախարար, առողջապահության...

Հրատապ թեմա Հայաստանում
55-ամյա «Առողջապահություն» հանդեսը
55-ամյա «Առողջապահություն» հանդեսը

Տպաքանակը միշտ էլ եղել է պարբերականի գնահատման և հեղինակության ցուցանիշ: Միութենական ամենաբարձր ատյանների թույլտվությանբ, ԽՍՀՄ առողջապահության նախարարության որոշմամբ և Հայաստանի...

Պատմության էջերից
Լուրջ ձեռքբերումներն ակնհայտ են այս ոլորտում
Լուրջ ձեռքբերումներն ակնհայտ են այս ոլորտում

Հարցազրույց ՀՀ ԱԺ առողջապահության, մայրության և մանկության հարցերի մշտական հանձնաժողովի նախագահ, «Արաբկիր» բժշկական կենտրոնի գիտական ղեկավար, ՀՀ մանկական բժիշկների ասոցիացիայի նախագահ Արա Բաբլոյանի հետ...

Հրատապ թեմա Հայաստանում Բժիշկներ
Անկախության 20-ամյակին ընդառաջ մենք ունենք կայացած առողջապահական համակարգ
Անկախության 20-ամյակին ընդառաջ մենք ունենք կայացած առողջապահական համակարգ

ՀՀ առողջապահության նախարարության աշխատակազմի ղեկավար Սուրեն Քրմոյանի հետ...

Հրատապ թեմա Հայաստանում Բժիշկներ
Անկախությունն իրավական պետության կայացման կարևոր ուղենիշ է
Անկախությունն իրավական պետության կայացման կարևոր ուղենիշ է

Հարցազրույց ՀՀ ԲԳԱ նախագահ, ՌԴ ԲԳԱ ակադեմիկոս, ՀՀ գիտության վաստակավոր գործիչ, պրոֆեսոր Լևոն Մկրտչյանի հետ...

Բժիշկներ
Առաջնահերթը` առողջապահության համակարգի հետագա ամրապնդման, պահպանման խնդիրն է
Առաջնահերթը` առողջապահության համակարգի հետագա ամրապնդման, պահպանման խնդիրն է

Հարցազրույց «Սուրբ Գրիգոր Լուսավորիչ» բժշկական կենտրոնի տնօրեն, բ.գ.դ., պրոՖեսոր Արա Մինասյանի հետ...

Հրատապ թեմա Հայաստանում Բժիշկներ
Առողջապահությունը հասանելի չէ ժողովրդական լայն զանգվածներին
Առողջապահությունը հասանելի չէ ժողովրդական լայն զանգվածներին

Հարցազրույց ՀՀ Գիտությունների ազգային ակադեմիայի բնական գիտությունների բաժանմունքի ակադեմիկոս-քարտուղար Վիլեն Հակոբյանի հետ...

Հրատապ թեմա Հայաստանում Բժիշկներ
Հանրապետությունում ծննդօգնության ոլորտում մեծ բարեփոխումներ են տեղի ունեցել
Հանրապետությունում ծննդօգնության ոլորտում մեծ բարեփոխումներ են տեղի ունեցել

Հարցազրույց «Պերինատալոգիայի, մանկաբարձության և գինեկոլոգիայի ՀԻ» ՓԲԸ տնօրեն, ՀՀ ԳԱԱ թղթակից անդամ, ՀՀ վաստակավոր բժիշկ, ԱՆ գլխ. մանկաբարձ-գինեկոլոգ, Մ. Հերացու անվ. ՊԲՀ մանկաբարձության և գինեկոլոգիայի...

Պերինատոլոգիա, մանկաբարձություն և ուրո-գինեկոլոգիա Բժիշկներ
Բժիշկը նախ ի´նքը պետք է հարգի իր սպիտակ խալաթը: Հարցազրույց ՀԲԱ հիմնադիր նախագահ, Սրտաբանության ԳԻ փոխտնօրեն, Կանխարգելիչ սրտաբանության կենտրոնի տնօրեն Պարունակ Զելվեյանի հետ
Բժիշկը նախ ի´նքը պետք է հարգի իր սպիտակ խալաթը: Հարցազրույց ՀԲԱ հիմնադիր նախագահ, Սրտաբանության ԳԻ փոխտնօրեն, Կանխարգելիչ սրտաբանության կենտրոնի տնօրեն Պարունակ Զելվեյանի հետ

–  Համեմատեք, խնդրեմ, Հայաստանի երեք հանրապետությունների ժամանակ ունեցած առողջապահական համակարգերը` շեշտը դնելով անկախության 20 տարիների վրա...

Հրատապ թեմա Հայաստանում Բժիշկներ
Նա անվերապահորեն սիրում էր իր հայրենիքը և անմնացորդ նվիրվեց նրան
Նա անվերապահորեն սիրում էր իր հայրենիքը և անմնացորդ նվիրվեց նրան

Արցախյան ազատամարտի տարիներին ռազմադաշտում էին նաև Ղարաբաղյան շարժման առաջամարտիկներից շատերը, որոնք ոգևորված անկախության գաղափարով` պատրաստ էին իրենց կյանքը տալ հանուն այդ վեհ գաղափարի: Այդ նվիրյալներից էր նաև Գարեգին Հարությունյանը...

Պատմության էջերից
Հիգիենիկ և հակահամաճարակային ծառայությունը զարգացում է ապրում: Հարցազրույց ՀՀ ԱՆ աշխատակազմի պետական հիգիենիկ և հակահամաճարակային տեսչության պետ Արտավազդ Վանյանի հետ
Հիգիենիկ և հակահամաճարակային ծառայությունը զարգացում է ապրում: Հարցազրույց ՀՀ ԱՆ աշխատակազմի պետական հիգիենիկ և հակահամաճարակային տեսչության պետ Արտավազդ Վանյանի հետ

–  Կցանկանայի զուգահեռներ անցկացնեիք ԽՍՀՄ սանիտարահակահամաճարակային և ՀՀ ԱՆ պետական հիգիենիկ և հակահամաճարակային ծառայությունների գործունեության միջև...


Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ