Առողջապահություն 3.2011
Հանրապետությունում ծննդօգնության ոլորտում մեծ բարեփոխումներ են տեղի ունեցել
![Հանրապետությունում ծննդօգնության ոլորտում մեծ բարեփոխումներ են տեղի ունեցել Հանրապետությունում ծննդօգնության ոլորտում մեծ բարեփոխումներ են տեղի ունեցել](up/article/big/file_17286_8393753.jpg)
Հարցազրույց «Պերինատալոգիայի, մանկաբարձության և գինեկոլոգիայի ՀԻ» ՓԲԸ տնօրեն, ՀՀ ԳԱԱ թղթակից անդամ, ՀՀ վաստակավոր բժիշկ, ԱՆ գլխ. մանկաբարձ-գինեկոլոգ, Մ. Հերացու անվ. ՊԲՀ մանկաբարձության և գինեկոլոգիայի թիվ 2 ամբիոնի վարիչ, բ.գ.դ., պրոֆեսոր Ռազմիկ Աբրահամյանի հետ:
– Ի՞նչ հաջողություններ ձեռք բերվեցին մանկաբարձության և գինեկոլոգիայի բնագավառում ՀՀ անկախությունից հետո:
– ՀՀ անկախությունից հետո ամենամեծ ձեռքբերումը մեր անկախ Հայաստանն է, երբ մեր գործունեությունը, մեր ճակատագիրը որոշում ենք ինքներս, այդպես է նաև առողջապահության ոլորտում: Ակնհայտ է, որ մենք, որպես անկախ հանրապետություն, հասել ենք որոշ հաջողությունների առողջապահության, մասնավորապես մանկաբարձության և գինեկոլոգիայի ոլորտում: Բավական է նշել, որ եթե Խորհրդային տարիներին կային շրջանային և քաղաքային հիվանդանոցներ, անկախության տարիներին ձևավորվեցին մարզային, հանրապետական և նեղ մասնագիտական բուժկենտրոններ, ծննդօգնության հիմնարկներ` ըստ մակարդակների: Միայն 2010 թ. մի շարք հիվանդանոցներ, մասնավորապես մանկաբարձագինեկոլոգիական բաժանմունքներ (Արմավիրի, Հրազդանի, Իջևանի, Գորիսի, Արարատի) արդիականացվեցին, վերանորոգվեցին և ապահովվեցին անհրաժեշտ տեխնիկայով: Դրանց այսօրվա մակարդակը և հագեցվածությունը ոչ մի բանով չի տարբերվում եվրոպական ժամանակակից հիվանդանոցներից: Անկախությունից հետո մեծ հաջողություն էր, երբ միջազգային բոլոր ծրագրերում, ֆորումներում հանդես ենք գալիս որպես անկախ պետություն: Շատ կարևոր է համագործակցությունը միջազգային մի շարք կազմակերպությունների հետ:
Անկախությունից հետո ծննդօգնության ոլորտում տեղի ունեցան մի շարք բարեփոխումներ. բուժհիմնարկների պայմանների բարելավում` նյութատեխնիկական բազայի, նոր սարքավորումների ձեռք բերում, ժամանակակից մեթոդների ներդրում և ախտորոշում` լապարոսկոպիա, դոպլերոֆլուսոմետրիա, պտղի զարգացման արատների վաղ ախտորոշում և այլն:
Մշակվել են բազմաթիվ` վերարտադրողական առողջության բարելավման ազգային, արգանդի պարանոցի քաղցկեղի կանխարգելման և բուժման, դեռահասների առողջության բարելավման և այլ ծրագրեր: Առաջին անգամ հայերեն լեզվով լույս են տեսել «Մանկաբարձություն»,«Գինեկոլոգիա»,«երարտադրողական առողջություն»,«Ապացուցողական բժշկությունը պերինատոլոգիայում» դասագրքերը, մի շարք մենագրություններ, ուղեցույցներ և այլն:
Շատ կարևոր էր ծննդօգնության պետական հավաստագրի ծրագրի ներդրումը, որով կատարվեցին բազմաթիվ բարեփոխումներ: Մենք հարուստ պետություն չենք, սակայն նույնիսկ այս պայմաններում պետությունը ծննդօգնության ֆինանսավորումը, անհետաձգելի գինեկոլոգիական օգնությունը, հղիության ախտաբանությունը, պոլիկլինիկական ծառայությունները, 0-7 տարեկան երեխաների սպասարկման ծառայությունները վերցրեց իր վրա` որպես պետական մենաշնորհ:
Այսօր հանրապետությունում ծնվում է տարեկան 42-45 հազար երեխա: Զգալիորեն նվազել է մայրական մահացությունը: Եթե տարիներ առաջ մահանում էր 30-40 կին, ապա այժմ դրանց թիվը 3-4-ից չի անցնում, որոնք էպիզոդիկ դեպքեր են` պայմանավորված որևէ այլ հիվանդությամբ:
Մեծ նվաճում էր հղիության ընդհատումների նվազեցումը: Եթե նախկինում մեկ ծննդաբերությանը բաժին էր ընկնում հղիության 4 ընդհատում, այժմ հակառակն է` 4 ծննդաբերությանը` հղիության մեկ ընդհատում: Շատ մեծ ձեռքբերում էր նորածնային մահացության նվազեցումը` շնորհիվ ժամանակին կատարված կեսարյան հատումների և նորածինների վերակենդանացման ու ինտենսիվ բուժման նոր տեխնոլոգիաների կիրառման:
– Այս բոլորը ձեռքբերումների մասին, այժմ անդրադառնանք թերություններին և բացթողումներին:
– Իհարկե, եթե անկախ ենք, դա դեռ չի նշանակում, որ ամեն ինչ գտնվում է կատարյալ վիճակում: Թերի կողմերից մեկն այն է, որ կապված ծննդօգնության հիմնարկների հնարավորությունների հետ, առկա են որոշ խնդիրներ: Մեր ցանկությունն է, որ բոլոր մասնագետներն անցնեն վերապատրաստում զարգացած երկրներում, որ ներդրվեն ամենաարդիական տեխնոլոգիաներ, իսկ դրա համար ֆինանսական միջոցներ են անհրաժեշտ: Իհարկե, արվում է առավելագույնը, որպեսզի կապեր ստեղծվեն արտերկրների հետ, ուստի համագործակցման ուղիներ ենք փնտրում:
– Ի՞նչն է խոչընդոտում ոլորտի զարգացմանը, ի՞նչը կցանկանայիք փոխված տեսնել:
– Ես կցանկանայի, որ համալիր ուշադրություն դարձվեր ծննդօգնությանը: Մեր նպատակը պետք է լինի ծնելիության աճը, առողջ ծնվող երեխաների թվի ավելացումը, ինչը մեր երկրի անվտանգության հիմնաքարերից մեկն է, ազգի ապագան: Շատ կարևոր են լիարժեք ֆինանսավորումը, կադրերի պատրաստումը, նյութատեխնիկական բազայի հարստացումը: Կենտրոնացված միջոցներով պետք է ձեռք բերել ժամանակակից սարքավորումներ և տրամադրել ծննդօգնության ոչ միայն պետական, այլև մասնավոր հիմնարկներին: Պետք է նաև բազմազավակությունը խրախուսելուն, արտագաղթը կանխելուն (արտագաղթում են հիմնականում վերարտադրողական տարիքի անձինք), երեխաների կրթությունը և սոցիալ-տնտեսական պայմանները ապահովելուն ուղղված համալիր ծրագրեր մշակել: Հատուկ ուշադրություն պետք է դարձնենք հղիության ախտաբանություններին և նորածինների հսկողությանը, հատկապես ցածր քաշով և անհաս նորածինների խնամքին, դրանց ֆինանսավորմանը, ինչը համարվում է մեր հանրապետությունում երեխաների քանակի ավելացման ռեզերվներից մեկը:
– Այժմ անդրադառնանք «Առողջապահություն» հանդեսին, որը 55 տարեկան է: Ի՞նչ կմաղթեիք հանդեսին, ինչպիսի՞ն կցանկանայիք այն տեսնել:
– «Առողջապահություն» հանդեսը մեր ամենահարգված, բնակչության լայն զանգվածների կողմից ընդունված բժշկական ավանդական հանդեսն է, որի հետ մենք բոլորս անմիջականորեն կապված ենք: Տարեցտարի նկատվում է հանդեսի բովանդակության, որակի և ձևավորման փոփոխություն: Շնորհիվ խմբագրական կոլեկտիվի` մենք ընթերցում ենք հետաքրքիր և արդիական գիտագործնական հոդվածներ: Մենք շարունակելու ենք համագործակցել և ակնկալում ենք, որ մեր ծառայության ձեռքբերումները և թերացումները կլուսաբանվեն հանդեսում:
– Ի՞նչ եք կարծում` հանդեսը կարողացա՞վ լուծել իր առջև դրված խնդիրները: Որքանո՞վ այն նպաստեց առողջապահության ոլորտի զարգացմանը:
– Հանդեսն, իհարկե, կարողացավ լուծել իր առջև դրված խնդիրները: Եթե Խորհրդային Միությունում օգտվում էինք բազմաթիվ ամսագրերից և ձեռքի տակ ունենում ուսումնական մասնագիտական մամուլ, անկախությունից հետո մեր հիմնական բժշկագիտական լրատվամիջոցը դարձավ «Առողջապահությունը», քանզի միայն այստեղ էին մասնագիտական նյութեր տպագրվում: Այն դարձավ առողջապահության ավանդական հայալեզու ամսագրերից մեկը: Այսօր մենք ևս պետք է սատար կանգնենք, որ հանդեսը լինի ավելի որակյալ և մեծ ժողովրդականություն վայելի:
Օգտվելով հաճելի առիթից,«Առողջապահության» խմբագրակազմին շնորհավորում եմ հանդեսի 55-ամյակի առթիվ, ցանկանում քաջառողջություն, երկար տարիների եռանդուն գործունեություն:
![](images/calendar.png)
Կարդացեք նաև
![«Առողջապահություն» հանդեսի 55-ամյա տարեդարձը «Առողջապահություն» հանդեսի 55-ամյա տարեդարձը](up/article/small/picture_17275.jpg)
Սիրելի ընթերցո′ղ,
Այս տարին կրկնակի հոբելյանական է` համընկել են մեր երկրի անկախության 20-ամյակը և «Առողջապահություն» հանդեսի 55-ամյա տարեդարձը...
![](images/calendar.png)
![Մեր նպատակը բուժօգնության որակի բարձրացումն ու մատչելիության ապահովումն է Մեր նպատակը բուժօգնության որակի բարձրացումն ու մատչելիության ապահովումն է](up/article/small/file_17276_7521210.jpg)
Հարցազրույց ՀՀ առողջապահության նախարար, բժշկական գիտությունների դոկտոր, պրոֆեսոր Հարություն Քուշկյանի հետ:
Հետաքրքիր, բուռն և ստեղծարար ուղի է անցել ՀՀ առողջապահության նախարար, առողջապահության...
![](images/calendar.png)
![55-ամյա «Առողջապահություն» հանդեսը 55-ամյա «Առողջապահություն» հանդեսը](up/article/small/file_17278_6542733.jpg)
Տպաքանակը միշտ էլ եղել է պարբերականի գնահատման և հեղինակության ցուցանիշ: Միութենական ամենաբարձր ատյանների թույլտվությանբ, ԽՍՀՄ առողջապահության նախարարության որոշմամբ և Հայաստանի...
![](images/calendar.png)
![Լուրջ ձեռքբերումներն ակնհայտ են այս ոլորտում Լուրջ ձեռքբերումներն ակնհայտ են այս ոլորտում](up/article/small/picture_17279.jpg)
Հարցազրույց ՀՀ ԱԺ առողջապահության, մայրության և մանկության հարցերի մշտական հանձնաժողովի նախագահ, «Արաբկիր» բժշկական կենտրոնի գիտական ղեկավար, ՀՀ մանկական բժիշկների ասոցիացիայի նախագահ Արա Բաբլոյանի հետ...
![](images/calendar.png)
![Անկախությունն իրավական պետության կայացման կարևոր ուղենիշ է Անկախությունն իրավական պետության կայացման կարևոր ուղենիշ է](up/article/small/file_17283_3956788.jpg)
Հարցազրույց ՀՀ ԲԳԱ նախագահ, ՌԴ ԲԳԱ ակադեմիկոս, ՀՀ գիտության վաստակավոր գործիչ, պրոֆեսոր Լևոն Մկրտչյանի հետ...
![](images/calendar.png)
![Առաջնահերթը` առողջապահության համակարգի հետագա ամրապնդման, պահպանման խնդիրն է Առաջնահերթը` առողջապահության համակարգի հետագա ամրապնդման, պահպանման խնդիրն է](up/article/small/file_17284_8623020.jpg)
Հարցազրույց «Սուրբ Գրիգոր Լուսավորիչ» բժշկական կենտրոնի տնօրեն, բ.գ.դ., պրոՖեսոր Արա Մինասյանի հետ...
![](images/calendar.png)
![Առողջապահությունը հասանելի չէ ժողովրդական լայն զանգվածներին Առողջապահությունը հասանելի չէ ժողովրդական լայն զանգվածներին](up/article/small/file_17285_4899742.jpg)
Հարցազրույց ՀՀ Գիտությունների ազգային ակադեմիայի բնական գիտությունների բաժանմունքի ակադեմիկոս-քարտուղար Վիլեն Հակոբյանի հետ...
![](images/calendar.png)
![Անարդարության դեմ պայքարը կառավարության գործունեության այսօրվա հրամայականն է: Հարցազրույց ՀՀ աշխատանքի և սոցիալական հարցերի նախարարության աշխատակազմի ղեկավար Արտակ Գրիգորյանի հետ Անարդարության դեմ պայքարը կառավարության գործունեության այսօրվա հրամայականն է: Հարցազրույց ՀՀ աշխատանքի և սոցիալական հարցերի նախարարության աշխատակազմի ղեկավար Արտակ Գրիգորյանի հետ](up/article/small/file_17287_5923160.jpg)
– Պարոն Գրիգորյան, Դուք մասնագիտությամբ բժիշկ եք, ինչպե՞ս հայտնվեցիք սոցիալական խնդիրներով զբաղվող ոլորտում...
![](images/calendar.png)
![Բժիշկը նախ ի´նքը պետք է հարգի իր սպիտակ խալաթը: Հարցազրույց ՀԲԱ հիմնադիր նախագահ, Սրտաբանության ԳԻ փոխտնօրեն, Կանխարգելիչ սրտաբանության կենտրոնի տնօրեն Պարունակ Զելվեյանի հետ Բժիշկը նախ ի´նքը պետք է հարգի իր սպիտակ խալաթը: Հարցազրույց ՀԲԱ հիմնադիր նախագահ, Սրտաբանության ԳԻ փոխտնօրեն, Կանխարգելիչ սրտաբանության կենտրոնի տնօրեն Պարունակ Զելվեյանի հետ](up/article/small/file_17288_1135422.jpg)
– Համեմատեք, խնդրեմ, Հայաստանի երեք հանրապետությունների ժամանակ ունեցած առողջապահական համակարգերը` շեշտը դնելով անկախության 20 տարիների վրա...
![](images/calendar.png)
![Նա անվերապահորեն սիրում էր իր հայրենիքը և անմնացորդ նվիրվեց նրան Նա անվերապահորեն սիրում էր իր հայրենիքը և անմնացորդ նվիրվեց նրան](up/article/small/file_17290_7776705.jpg)
Արցախյան ազատամարտի տարիներին ռազմադաշտում էին նաև Ղարաբաղյան շարժման առաջամարտիկներից շատերը, որոնք ոգևորված անկախության գաղափարով` պատրաստ էին իրենց կյանքը տալ հանուն այդ վեհ գաղափարի: Այդ նվիրյալներից էր նաև Գարեգին Հարությունյանը...
![](images/calendar.png)
![Առողջապահությունն այն ոլորտներից է, որը ԽՍՀՄ փլուզման հետ մեկտեղ չքայքայվեց: Հարցազրույց Հայկական հոգեբուժական ասոցիացիայի նախագահ, «Հոգեբուժական բժշկական կենտրոն» ՓԲԸ փոխտնօրեն Արմեն Սողոյանի հետ Առողջապահությունն այն ոլորտներից է, որը ԽՍՀՄ փլուզման հետ մեկտեղ չքայքայվեց: Հարցազրույց Հայկական հոգեբուժական ասոցիացիայի նախագահ, «Հոգեբուժական բժշկական կենտրոն» ՓԲԸ փոխտնօրեն Արմեն Սողոյանի հետ](up/article/small/file_17295_3426864.jpg)
– Ասացեք, խնդրեմ, պարոն Սողոյան, ի՞նչ ձեռքբերումներ եղան անկախության տարիներին հոգեբուժության ոլորտում...
![](images/calendar.png)
![Հիգիենիկ և հակահամաճարակային ծառայությունը զարգացում է ապրում: Հարցազրույց ՀՀ ԱՆ աշխատակազմի պետական հիգիենիկ և հակահամաճարակային տեսչության պետ Արտավազդ Վանյանի հետ Հիգիենիկ և հակահամաճարակային ծառայությունը զարգացում է ապրում: Հարցազրույց ՀՀ ԱՆ աշխատակազմի պետական հիգիենիկ և հակահամաճարակային տեսչության պետ Արտավազդ Վանյանի հետ](up/article/small/file_17297_1737219.jpg)
– Կցանկանայի զուգահեռներ անցկացնեիք ԽՍՀՄ սանիտարահակահամաճարակային և ՀՀ ԱՆ պետական հիգիենիկ և հակահամաճարակային ծառայությունների գործունեության միջև...
![](images/calendar.png)
![](images/white_bl.gif)
![](images/white_br.gif)
![](images/white_tr.gif)
![](images/white_tl.gif)
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Հղիություն. 2-րդ ամիս
- 4-7 ամսական երեխաների սնուցումը
-
Ամուսնական առաջին գիշերը
-
Ընկերության մասին
-
Ինչպես ազատվել անցանկալի մազերից
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Պարզվում է ապագա երեխայի սեռը կախված է մայրիկի սնունդից
-
Դդում
-
Կոճապղպեղ՝ նիհարելու համար (կոճապղպեղի թեյ)
-
Հիվանդություն, որը փոխում է մեր կյանքը` կրծագեղձի քաղցկեղ
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Երիցուկ դեղատնային - Ромашка аптечная - Matricaria chamomilla L.
-
Չիչխանի օգտակար հատկությունները
-
Քարավուզ (նույն ինքը՝ նեխուր)
-
Ինչպես ազատվել բերանի վատ հոտից`պարզ միջոց
-
Դիմակներ` մազերի համար
-
Հղիություն. 1-ին ամիս
-
Կրծքի ցավե՞ր ունեք. ինչ անել
-
Ընդհանուր տեղեկություններ մարմնի համակարգերի մասին
-
Ընտրություն ըստ հորոսկոպի
-
Հեշտոցային արտադրության պատճառները. մասնագետի անդրադարձը
-
Հիվանդություն, որի համար պետք չէ ամաչել (թութք)
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
-
Հղիությունը և նախապատրաստվելը դրան
- Խոսենք այդ մասին. ձեռնաշարժություն
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Էկզեմայի տեսակները և բուժումը
-
Ուլտրաձայնային դոպլերոգրաֆիա (երկակի (դուպլեքս) անոթների)
-
ՈւՆԱԲԻ: Արևելյան բժշկության գաղտնիքները
-
Իրիդիոսքրինինգ
-
Գամմա-դանակը նշտարի փոխարեն