Կագոցել. վիրուսային հիվանդությունների բուժման վստահելի միջոց

Հոկտեմբերի 7-ին ԵՊԲՀ-ում տեղի ունեցավ Ընտանեկան բժշկության  4-րդ միջազգային գիտաժողովը` նվիրված ԸԲԱՄ 10-ամյակին: Գիտաժողովին ներկա էին փորձառու  մասնագետներ Հայաստանից, Մեծ Բրիտանիայից, Շվեդիայից, Ռուսաստանի Դաշնությունից, Բելառուսից, Վրաստանից, Ամերիկայի Միացյալ Նահանգներից: Գիտաժողովի ընթացքում ներկաները հնարավորություն ունեցան ծանոթանալու ընտանեկան բժշկության զարգացման միջազգային միտումներին և հեռանկարներին, քննարկեցին արդի հիմնախնդիրները, ինչպես նաև փոխանցեցին միմյանց փորձը: Այս գիտաժողովին առանձնակի շեշտադրված էր  գրիպի և վիրուսային հիվանդությունների բարդությունները:

Նիարմեդիկ դեղագործական ընկերության տարածարշրջանի մենեջեր Լիանա Ավետիսյանի հետ զրույցում տեղեկացանք, թե նորագույն բժշկությունն ի՞նչ դեղորայք է առաջարկում շուկայում գրիպի  արդյունավետ բուժման համար:

–   Կազմակերպված գիտաժողովը որքանո՞վ էր  կարևոր:

–   Նման կարգի գիտաժողովների կազմակերպումը շատ կարևոր է, քանի որ բժիշկները հնարավորություն են ունենում ծանոթանալու ժամանակակից բժշկության նորագույն մեթոդներին ու տեխնոլոգիաներին: Գիտաժողովին արտերկրից ժամանած հեղինակավոր բժիշկներն իրենց ներկայացրած դասախոսություններով ծանոթացնում են արդի խնդիրներին և ոլորտի առաջընթացին:

–   Գիտաժողովի ընթացքում ի՞նչ խնդիրներ ներկայացվեցին և շեշտադրումը հատկապես ի՞նչ ուղղվածություն ուներ: 

–   Գրիպի, առհասարակ, սուր ռեսպիրատոր վիրուսային վարակների ակտիվությունը կրում է սեզոնային բնույթ և մեր երկրում հատկապես այն ընդգծված է հոկտեմբեր-մարտ ժամանակահատվածում: Հաշվի առնելով խնդրի արդիականությունը՝  գիտաժողովը նվիրված էր գրիպի և տարբեր սուր ռեսպիրատոր վիրուսային վարակների հետևանքով առաջացած խնդիրների ժամանակակից  բժշկական մոտեցումների կիրառմանը՝ ինչպես հետազոտման, այնպես էլ բուժման մեթոդներին:

–   Ժամանակից բժշկության մեջ գրիպի և վարակների բուժման ի՞նչ մեթոդ ներկայացրեց Ձեր ընկերությունը:

–   Ռուսական արտադրության Կագոցել դեղը շուրջ հինգ տարի է շրջանառվում է տեղական շուկայում և այս տարիների ընթաքում գրանցվել են միայն դրական արդյունքներ: Այն նախատեսված է ինչպես գրիպի և սուր ռեսպիրատոր վիրուսային վարակների բուժման, այնպես էլ կանխարգելամն նպատակով, ինչը միաժամանակ նաև անվնաս է:  Դեղն օգտագործելուց հետո բուժման արդյունքը երկար սպասեցնել չի տալիս: Երբեմն առաջնային օղակի բժիշկները դժվարությամբ են ախտորոշում, թե հիվանդի մոտ գրիպի և սուր ռեսպիրատոր վիրուսային վարակների ո՞ր տեսակն է:  Այդ պարագայում բոլոր դեպքերի համար կիրառելի է լայն սպեկտրի համար նախատեսված Կագոցելը: Այս դեղի առավելությունը նրանում է, որ թույլատրելի է բժշկի ցուցումով օգտագործել նույնիսկ գրիպի չորորդ օրը: Կագոցելն արդյունավետ է նաև հերպեսի բուժման գործընթացում:  

–   Ո՞ր տարիքից է ցուցված Կագոցելի կիրառումը:

–   Թույլատրելի է`սկսած երեք տարեկանից: Կլինիկական բազմաթիվ հետազոտություններն ու փորձարկումները բազմիցս ապացուցել են այս դեղի արդյունավետությունն ու անվտանգությունը, ընդ որում, ունի օրգանական ծագում: Կագոցելը խթանում է օրգանիզմի իմունային համակարգի գործունեություն` օգնելով օրգանիզմին բնական ճանապարհով պայքարել հիվանդության դեմ:

Ընտանեկան բժշկության  4-րդ միջազգային գիտաժողովին հրավիրված էր նաև Վրաստանի Ռեսպիրատոր ասոցիացիայի փոխնախագահ, պրոֆ., բ.գ.թ.

Կ. Վաչարաձեն, ով իր ելույթում ներկայացրեց բրոնխոսկոպիայի դերը թոքերի հիվանդությունների ախտորոշման և բուժման գործընթացում:

–   Նախ  ցանկանում եմ իմ շնորհակալությունը հայտնել  «Ընտանեկան բժշկության ակադեմիական միավորմանը» և Նիարմեդիկ դեղագործական ընկերությանն այս գիտաժողովին իմ ներկայության համար: Սա հնարավորություն էր Հայաստանի իմ գործընկերներին ներկայացնելու թոքային հիվանդությունների բուժման ժամանակակից մոտեցումները և Վրաստանի փորձը: Առհասարակ, բժշկությունն այն գիտությունների շարքում է, որը ներառում է շարունակական կրթություն և նոր տեխնոլոգիաների ներդրում: Նման կարգի գիտաժողովները մասնագիտական  փորձի փոխանակման լավ հնարավորություն է: 

–   Ձեր ելույթն ի՞նչ  շեշտադրում ուներ:

–   Իմ ելույթը վերաբերում էր թոքային հիվանդությունների էնդոբրոնխիալ բուժմանը, ինտերվենցիոն թոքաբանությանը, ինչպես նաև վիրուսային հիվանդությունների բուժման և կանխարգելման մեր մոտեցումներին: Նաև ներկայացրել եմ ներկա պահին Վրաստանում կիրառվող այլ տեխնոլոգիաները:  25 տարի զբաղվում եմ թոքային հիվանդությունների բուժմամբ, ինտենսիվ թոքաբանությամբ: 

–   Վիրուսային հիվանդություններն ի՞նչ տարածվածություն ունեն և դրանց բուժման ժամանակակից մոտեցումներից ո՞րն է առավել արդյունավետ:

–   Նոր դեղորայքի ստեղծումը շատ կարևոր է բժշկության մեջ: Վիրուսային հիվանդություններն ամենալայն տարածումն ունեն: Տարեկան 3-5 մլն մարդ հիվանդանում է գրիպով կամ այլ սուր ռեսպիրատոր վիրուսային վարակներով:  Վիրուսային հիվանդությունները, եթե  չբուժեն  այն կարող է ունենալ  բակտերիալ բարդացում: Շատ կարևոր է, վիրուսային հիվանդությունները բուժել հակավիրուսային դեղերով և ոչ մի դեպքում չչարաշահել հակաբատերիալ դեղորայքը: Հակաբակտերիալ դեղորայքները  ոչ միայն չեն բուժում, այլև վնասակար: Հակավիրուսային բուժման վերջին խոսքն է Նիարմեդիկ դեղագործական ընկերության Կագոցել  հակավիրուսային դեղը, որն պատկանում է ինտերֆերոնի ինդուկտորների խմբին և խթանում է օրգանիզմի սեփական իմունիտետը:

Վրաստանում մեծ ուշադրություն ենք դարձնում վիրուսային հիվանդությունների կանխարգելմանը, մասնավորապես, տարբեր քրոնիկական հիվանդություններ ունեցող հիվանդների մոտ: Մեր պրակտիկայում մեծամասամբ օգտագործում ենք ինտերֆերոնի ինդուկտոր Կագոցել  դեղը, ինչը հարմար է նշանակել թե՛ մեծահասակներին և թե՛ երեխաներին:

Հարցեր, պատասխաններ, մեկնաբանություններ