ԵՊԲՀ. Ամանորի միջոցառում «Մուրացան» համալսարանական հիվանդանոցում

Դեկտեմբերի 26-ին Երևանի Մ.Հերացու անվան պետական բժշկական համալսարանի «Մուրացան» հիվանդանոցային համալիրում տեղի ունեցավ Ամանորի տոնական միջոցառում: Մինչ այդ ԵՊԲՀ կլինիկական աշխատանքների գծով պրոռեկտոր Արմեն Մինասյանը և «Մուրացան» համալսարանական հիվանդանոցի գլխավոր բժիշկ Բագրատ Բավեյանը անցակցրեցին տարեվերջյան դիսպետչերական, որի ընթացքում ամփոփվեցին 2014թ.-ին կատարված աշխատանքները, տեսանելի նվաճումները և պլանավորվեցին առաջիկա անելիքները:

Այնուհետև պրոռեկտորը և գլխավոր բժիշկը շնորհավորեցին հիվանդանոցի աշխատակազմին գալիք տոների կապակցությամբ՝ շնորհակալություն հայտնելով համատեղ աշխատանքի համար և մաղթելով առողջություն, բեղմնավոր գործունեություն ու բազում հաջողություններ:

Շնորհավորանքներից հետո ելույթ ունեցան Պարարվեստի և Գեղարվեստի ուսումնարանների սաները՝ իրենց պարային և երաժշտական կատարումներով հիացնելով ներկաներին:

Ամանորի տոնական միջոցառումն անցավ ջերմ և անմիջական մթնոլորտում:

Հարցեր, պատասխաններ, մեկնաբանություններ