«Հեռաուսուցում և խորհրդատվություն» ծրագիրը՝ Բոստոնի ԲԿ Կաթվածների ծառայության ղեկավար, նյարդաբան Վ. Բաբիկյանի հետ համատեղ կկազմակերպի դասախոսությունների շարք՝ նվիրված նյարդաբան ԴԱՐԲԻՆՅԱՆԻ հիշատակին

Դեկտեմբերի 24-ին «Հեռաուսուցում և խորհրդատվություն» ծրագրի շրջանակներում Հանրապետական գիտա-բժշկական գրադարանում տեղի ունեցավ 2014 թվականի եզրափակիչ տեսակոնֆերանսը՝ «Ուղեղային օքսիմետրիա» թեմայով:

Գիտա-բժշկական գրադարանի լսարանում հավաքվել էին Երևանի Համալսարանական հիվանդանոցի, «Մալաթիա» բժշկական կենտրենի տասնյակ բժիշկներ:

Տեսազանգի միջոցով եռակողմ կապ հաստատվեց Գիտա-բժշկական գրադարանում հավաքված բժիշկների, «Քլիվլենդ» կլինիկայի բժիշկ-անեսթեզիոլոգ Րաֆի Ավիտսյանի և Բոստոնի բժշկական կենտրոնի կաթվածների ծառայության ղեկավար նյարդաբան Վիգեն Բաբիկյանի միջև:

Րաֆի Ավիտսյանը նախ ներկայացրեց «Քլիվլենդ» կլինիկան, նշելով, որ այն համարվում է լավագույն և առաջատար կլինիկաներից մեկը ԱՄՆ-ում, և հայտնեց, որ կլինիկայի շատ մասնագետներ ցանկություն են հայտնել «Հեռաուսուցում և խորհրդատվություն» ծրագրի շրջանակներում կիսվել իրենց փորձով Հայաստանի բժիշկների հետ:

Կարևորելով Ուղեղային օքսիմետրիան, Րաֆի Ավիտսյանը ներկայացրեց ժամակակակից օքսիմետրերը, դրանցից ստացված տվյալների մեկնաբանությունները՝ ըստ «Քլիվլենդ» կլինիկայի ալգորիթմների, ինչպես նաև բժշկի հետագա տակտիկան: Դասախոսության ավարտին հնչեցված հարցադրումներին զուգահեռաբար պատասխանեցին և՛ Րաֆի Ավիտսյանը, և՛ Վիգեն Բաբիկյանը:

Ավարտին Համալսարանական հիվանդանոցի նյարդաբան, կլինիկական նյարդաֆիզիոլոգ Բելլա Գրիգորյանը Վիգեն Բաբիկյանին առաջարկեց «Հեռաուսուցում և խորհրդատվություն» ծրագիրի շրջանակում 2015-ին համատեղ կազմակերպել դասախոսությունների շարք՝ նվիրված նյարդաբան ԴԱՐԲԻՆՅԱՆԻ հիշատակին: Վիգեն Բաբիկյանը ո՛չ միայն ընդունեց դասախոսությունների հրավերքը, այլ նաև առաջարկեց իր խորհրդատվությունը ցանկացած ներկայացված կոնկրետ հիվանդի վարման դեպքում:

Հարցեր, պատասխաններ, մեկնաբանություններ