Հանրապետության բժիշկների հանգստյան օրը գունավորեց «Շտադա» դեղագործական ընկերությունը

Փետրվարի 1-ին Կ.Ս. Ստանիսլավսկու անվան պետական ռուսական դրամատիկական թատրոնում հյուրընկալվել էին հանրապետության բժիշկները` դիտելու «Ա՜խ, այս ֆրանսիական հնարքները» ներկայացումը և պարզապես վայելելու միմյանց ներկայությունը:

Երեկոյի մասին հոգացել էր գերմանական «Շտադա» դեղագործական ընկերության հայաստանյան ներկայացուցչությունը: Գեղեցիկ ավանդույթ դարձած այս միջոցառումը բժիշկներին մշտապես հաճելի անակնկալ է մատուցում տարբեր առիթներով և անգամ՝ առանց առիթի: Հանրապետության բժիշկներից մի քանիսը մեզ հետ զրույցում խոսեցին իրենց տպավորությունների մասին:

Երևան քաղաքի գլխավոր Էնդոկրինոլոգ Էլզա Հայրապետյան.

«Շատ կարևոր է,  որպեսզի բժիշկները հնարավորություն ունենան միմյանց հետ շփվելու, քննարկելու աշխատանքային խնդիրները, փորձով փոխանակվելու, բայց գնահատելի է, երբ դա արվում է այսպիսի մթնոլորտում: Միջոցառումից միջոցառում ընկած ժամանակահատվածում բժիշկները կարողանում են ուսումնասիրել դեղամիջոցները, տեսնել դրանց արդյունավետությունը և այսպիսի հանդիպումների ժամանակ քննարկել դրանք: Ամեն ինչ շատ ճիշտ և օպտիմալ է կազմակերպված: Այսինքն` սկզբում մենք դիտում ենք թատրոնը, իսկ ընդմիջմանը զրուցում ենք միմյանց հետ, շփվում: Շտադա ընկերության այն դեղամիջոցները, որոնք ես ինքս օգտագործում եմ իմ աշխատանքային պրակտիկայում, արդյունավետ են, ես տեսնում եմ դրանց ազդեցությունն ու արդյունքը հիվանդի առողջության վրա»:

Սեքսոպաթոլոգիայի քաղաքային վերականգնողական կենտրոնի ղեկավար Կարեն Թոփչյան.

«Չեմ կարծում, թե սա կաշառք է բժիշկներին (ծիծաղում է): Սա իսկապես ուշադրություն է բժիշկների հանդեպ: Եթե մյուս դեղագործական ընկերություններն էլ այսպիսի նախաձեռնությամբ հանդես գային, գովելի կլիներ: Բժիշկներին համախմբելու փորձ է սա, բոլորը հաճելի զրուցում են, քննարկում, ծանոթություններ են հաստատում: Շատ ճիշտ նախաձեռնություն է հենց այսպիսի միջոցառումներով բժիշկների ուշադրությունը գրավել»:

Նատալի Ֆարմ Մալաթիա բժշկական կենտրոնի պոլիկլինիկական ծառայության ղեկավար Նարինե Իգիթյան.

«Այս դեղագործական կազմակերպությունն աչքի է ընկնում իր շատ որակյալ և քիչ կողմնակի ազդեցություն ունեցող դեղորայքով: Տարիների փորձ ունի մեր  համագործակցությունը: Ես նշեցի նրանց որակյալ դեղամիջոցների մասին, բայց ես ամենից շատ այս պահին կարևորում եմ նրանց վերաբերմունքը բժշկի աշխատանքի հանդեպ: Հենց այսպիսի գեղեցիկ միջոցառումով մեզ` մասնագետներիս, հնարավորություն են տալիս կտրվել առօրյա զբաղվածությունից, վայելել միմյանց ներկայությունը և պարզապես հանգստանալ»:

 Մալաթիա բժշկական կենտրոնի միջամտական սրտաբան Նարինե Գոջաբաշյան.

«Այս գաղափարը ես համարում եմ նաև հիանալի հետամանորյա նվեր բոլորիս: Սա հիանալի առիթ է կտրվելու աշխատանքային առօրյայից: Քանի որ բավականին ծանր աշխատանքային օրեր ենք ունենում, գրեթե չենք հասցնում թատրոն գալ, առհասարակ դուրս գալ առօրյա կյանքի ռիթմից: Շատ գործընկերներ կան, որոնց հետ առիթ չենք ունենում հանդիպելու, զրուցելու, իսկ այստեղ արդեն հասցրեցինք ողջունել միմյանց, զրուցել: Ուզում եմ շնորհակալություն հայտնել այս երեկոյի համար «Շտադա» ընկերությանը»:

ԵՊԲՀ Սեքսոլոգիայի ամբիոնի և Սեքսոպաթոլոգիայի կլինիկայի բժիշկ-սեքսոպաթոլոգ, բ.գ.թ. Վրեժ Շահրամանյան.

Ուզում եմ իմ խորին շնորհակալությունը հայտնել Շտադա ընկերությանը, որովհետև մենք՝ բժիշկներս, այնքան ենք տարվում մեր աշխատանքով, որ մոռանում ենք, թե ինչ է հանգիստը: Սա այն եզակի հնարավորություններից է, երբ մենք իրար տեսնում և կարողանում ենք շփվել: Ներկայացումներին պարբերաբար ներկա գտնվելը ստիպում է հիշել, որ բացի աշխատանքից կարող ես ունենալ նաև հետաքրքիր կազմակերպված առօրյա: Արդեն երկար տարիներ է, ինչ իմ աշխատանքային պրակտիկայում վստահորեն նշանակում եմ Շտադա ընկերության դեղամիջոցները՝ համոզված լինելով նրանց արդյունվետության և անվտանգության վրա:

Սուրբ Աստվածամայր բժշկական կոնտրոնի թերապևտ Ռուզաննա Եսայան.

«Նման միջոցառումները շատ ավելի մտերմիկ են դարձնում թե՛ բժիշկների հարաբերությունները, թե՛ բժիշկ-դեղագործական ընկերություն հարաբերությունը: Շատ ողջունելի են նմանատիպ միջոցառումները, որոնք բժշկին կարողանում են կտրել առօրյա ծանրաբեռնվածությունից, թույլ են տալիս վայելել հիանալի ներկայացում»:

Իսկ միջոցառման խորհրդի, նպատակի մասին զրուցեցինք գերմանական Շտադա դեղագործական ընկերության հայաստանյան ներկայացուցչության տնօրեն Աշոտ Այվազյանի հետ:

«Ինչպես և խոստացել էինք, այս միջոցառումը բարի ավանդույթ է դարձել: Ինչպես միշտ` փորձել ենք մեր բժիշկներին փոքր-ինչ կտրել աշխատանքային ծանր առօրյայից, որովհետև նրանք իսկապես կարիք ունեն այսպիսի երեկոների, հաճելի միջավայրի: Նախորդ կազմակերպած միջոցառումներից այնպիսի ջերմ արձագանք ստացանք բժիշկների կողմից, որ փորձում ենք ավելի հաճախ կազմակերպել այսպիսի երեկոներ: Սա արվեստին մոտ կանգնելու մեր փորձն է, չէ՞ որ շատ հաճախ բժիշկները չեն գտնում այդ ժամանակը` տրամադրելու ոչ աշխատանքային զրույցներին, հաճելի երեկոներին, արվեստին»:

Հարցեր, պատասխաններ, մեկնաբանություններ