«Ի՞նչ է անում մայրիկը, երբ ջերմում է փոքրիկը» մրցույթին մասնակից երեխաները դիտեցին ներկայացում և անակնկալ նվերներ ստացան

Ի՞նչ է անում մայրիկը, երբ ջերմում է փոքրիկը: Այս հարցին  մեզնից յուրաքանչյուրն ունի իր պատասխանը, սակայն հետաքրքիր է, թե ինչպես են այս հարցի պատասխանը տեսնում հենց իրենք` փոքրիկները: Հենց այդ պարզելու համար «ՆՈՒՐՈՖԵՆ» ապրանքանիշը ներկայացնող ընկերությունը դեռևս նախորդ տարվա դեկտեմբերին մի հետաքրքիր մրցույթ-ակցիա կազմակերպեց:

Մրցույթին մասնակցելու համար փոքրիկները պետք է նկարեին «Ի՞նչ է անում մայրիկը, երբ ջերմում է փոքրիկը» թեմայով նկար: Հետաքրքիր է` մրցույթը մեծ արձագանք ստացավ սոցիալական ցանցերում և Մեդ-Պրակտիկ կայքում, սակայն մասնակիցների թիվը սպասվածից քիչ էր: 34 երեխա թեմայի շուրջ թղթին է հանձնել իր երևակայությունը և ուղարկել Մեդ-Պրակտիկ թիմին: Իսկ հունվարի յոթին մրցույթին մասնակցած բոլոր փոքրիկները  Հ. Պարոնյանի անվան երաժշտական կոմեդիայի պետական թատրոնում դիտելեցին  Հ. Թումանյանի Ոսկի քաղաքը հեքիաթի բեմադրությունը: Ներկայացումից առաջ  լավագույն նկարների հեղինակները անակնկալ նվերներ ստացան ՆՈՒՐՈՖԵՆ ապրանքանիշը ներկայացնող  ընկերության կողմից:

Մրցույթի մասնակիցներից 6-ամյա Տարոնը սիրում է հեքիաթներ, բայց «Ոսկի քաղաքը» հեքիաթի մասին չի լսել: Փոքրիկ Տարոնը համոզված է, որ հեքիաթն իրեն դուր կգա, չէ՞ որ հեղինակը Հովհաննես Թումանյանն է: Այն մասին, թե ինչ է ցանկանում նոր տարում, Տարոնը պատասխանեց. թուր` ինչպես հեքիաթներում լինում է:

6-ամյա Գոհարիկը ամենաշատը սիրում է հենց Հովհաննես Թումանյանի հեքիաթները: Գոհարիկի մայրիկն իր համար կարդացել է «Ծիտիկը», «Չաղ-չաղ թագավորը» հեքիաթները: Իսկ Ամանորին Գոհարիկը Ձմեռ պապիկից հեքիաթների գիրք էր խնդրել, Ձմեռ պապն էլ չէր մերժել և Հ. Թումանյանի հեքիաթների գիրքն է նվիրել:

Մրցույթի մասնակից 7 տարեկան Աշոտը երազում է ոստիկան դառնալու մասին, բայց մեծանալ չի շտապում: Շատ է սիրում Խնկո Ապոր և Հովհաննես Թումանյանի հեքիաթները, հատկապես «Շունն ու կատուն»:

6-ամյա Երազիկը երազում է մատանահարդար դառնալու մասին և գուցե հենց աշխատանքի բերումով կարողանա վերարտադրել իր կարդացած հեքիաթները: Ամենից շատ  Երազիկը սիրում է «Ոսկե ձկնիկը» հեքիաթը:

Երազիկ	Արման Ալեքսանյան	Տարոն Աղոյան

Մրցույթի մասնակից Հովհաննեսը Ձմեռ պապիկին տեսել է և նվերներ է ստացել նրանից: Չնայած շատ է սիրում «Պոչատ աղվեսը» հեքիաթը, բայց «Ոսկի քաղաքը» ևս հաճույքով դիտեց և այն դարձավ նրա ամենասիրելի հեքիաթներից մեկը:

Էլեն Սարգսյան	Դավիթ Միրոյան	Միլենա Գեղամյան

Ներկայացման ավարտին փոքրիկներին հյուր եկան Ձմեռ պապն ու Ձյունանուշը: Նոր տարվա հրաշքին սպասող փոքրիկները հենց բեմում պարեցին և երգեցին Ձմեռ պապի և Ձյունանուշի հետ:

Հարցեր, պատասխաններ, մեկնաբանություններ