«Medical Consilium» բժիշկների ակումբի նոր նախագիծը՝ «Այց դեպի հեռավոր գյուղեր»

«Medical Consilium» բժիշկների ակումբի կողմից «Այց դեպի հեռավոր գյուղեր» բարեգործական նախագծի շրջանակներում մի խումբ բժիշկներ սույն թվականի սեպտեմբերի 8-ին այցելեցին  Շիրակի մարզի Փանիկ գյուղ:'

Ակումբի նպատակն էր նեղ մասնագիտացված բժշկական օգնության ծառայություններ մատուցել տեղի գյուղական ազգաբնակչությանը: Այցին նախորդել էին մեծածավալ հասարակական իրազեկման աշխատանքներ. պատրաստվել և բաժանվել էին թռուցիկներ, բուկլետներ, փակցվել էին պաստառներ, կազմակերպվել էին հանդիպումներ բուժհաստատության ղեկավարության, սպասարկող բուժանձնակազմի հետ:  
 
Նախագծի շրջանակներում թվով 11 նեղ մասնագետների կողմից մատուցվեցին բժշկական խորհրդատվություն ծառայություններ, իրականացվեցին համապատասխան գործիքային հետազոտություններ (ուլտրաձայնային հետազոտման, էլեկտրասրտագրության, գաստրոսկոպիայի, ամբուլատոր վիրաբուժության): 

Մինչ բժիշկների ժամանումը բուժհաստատությունում արդեն հավաքվել էին բժշկական օգնության կարիք ունեցողների հոծ զանգված: Նրանցից յուրքանչյուրը ստացավ իր պահանջին համապատասխան բուժօգնություն, որոշ դեպքերում էլ՝ մինչև 6 նեղ մասնագետի խորհրդատվություն, ինչպես նաև համապատասխան գործիքային հետազոտություններ:

Ընդհանուր առմամբ թվով 185 քաղաքացու մատուցվել է 287 նեղ մասնագիտացված խորհրդատվություն և գործիքային հետազոտություն, այդ թվում՝

Ամբուլատոր վիրահատական միջամտություն - 3
Գաստրոսկոպիա - 4
ՈՒՁՀ հետազոտություն - 49
Նյարդաբանի խորհրդատվություն - 43
Վիրաբույժի խորհրդատվություն - 25
Սրտաբանի խորհրդատվություն - 37
Մանկաբույժի խորհրդատվություն - 17
Գաստրոէնտերոլոգի խորհրդատվություն - 12
ՔԿԱՕ բժշկի ի խորհրդատվություն - 30
Օրթոպեդի խորհրդատվություն - 14
Էնդոկրինոլոգի խորհրդատվություն - 30
Գինեկոլոգի խորհրդատվություն - 26

Ի սկզբանե կանխատեսվում էր, որ ծառայություններից կօգտվեն միայն Փանիկի ԱԿ ՓԲԸ-ի կողմից սպասարկվող ազգաբնակչությունը, սակայն բժշկական ծառայության աշխարհագրությունը ընդլայնվեց՝ ընդգրկելով թվով 9 գյուղական համայնքներ և Արթիկ քաղաքը:

Նախաձեռնությունը ողջունեց և անձամբ ներկա գտնվեց առողջապահության նախարարի տեղակալ Սերգեյ Խաչատրյանն, ով իր պատրաստակամությունը հայտնեց հետագայում ևս աջակցել նախագծին:

Նախագծին միացավ նաև «Շնչող Պատեր» բարեգործական ակցիայի թիմը և  նկարազարդեց Փանիկ գյուղի բուժկենտրոնի պատերը:

Հարցեր, պատասխաններ, մեկնաբանություններ