2013թ. մայիսի 17. «Պֆայզեր» դեղագործական ընկերության սատելիտային սիմպոզիումը Հայաստանի սրտաբանների IX վեհաժողովի շրջանակում

Մայիսի 17-ին Հայաստանի սրտաբանների IX Կոնգրեսի շրջանակներում ՀՀ ԱՆ Առողջապահության Ազգային Ինստիտուտի դահլիճում տեղի ունեցավ «Պֆայզեր» դեղագործական ընկերության սատելիտային սիմպոզիումը: Սիմպոզիումի հիմնական թեման էր «Ատորվաստատինի բարձր դեղաչափերի դերը սրտանոթային բարդությունների կանխարգելման և վարման մեջ»: Սիմպոզիումի շրջանակում ներկայացվեց սուր կորոնար համախտանիշով, սրտամկանի կաթվածով հիվանդների, ինվազիվ միջամտության ենթարկված պացիենտների մոտ ատորվաստատինի (Լիպրիմար 40 մգ, ինչպես նաև վերջերս Հայաստանում գրանցված և դեղատներում առկա Լիպրիմար 80 մգ) կիրառման անվտանգությունն ու արդյունավետությունը:

Սիմպոզիումի զեկուցողը Ա.Լ. Մյասնիկովի անվ. Կլինիկական սրտաբանության ԳՀԻ առաջատար գիտաշխատող բ.գ.դ. Սուսեկով Անդրեյ Վլադիմիրովիչն է, ում հետ զրուցեցինք զեկույցին հարող միքանի հարցերի շուրջ:

–    Պարոն Սուսեկով, ինչի՞ն էր նվիրված Ձեր զեկույցը:

–    Մեծ սիրով ելույթ ունեցա Հայաստանի սրտաբանների 9-րդ վեհաժողովին: Իմ նպատակը աթերոսկլերոզով հիվանդների բուժման և ախտորոշման ժամանակակից մոտեցումների մասին գործընկերներիս հետ կիսվելն ու քննարկելն էր: Զեկույցս նվիրված էր նաև ստատիններին. դեղամիջոցներ, որոնք երկարեցնում են կյանքի տևողությունը: Մասնավորապես. Խոսեցինք Լիպրիմարի մասին, որը գրանցվել է ԱՄՆ-ում դեռևս 90-ականներին, և այսօր ստատիններից ամենամեծ ապացուցողական հիմքն ունի: Լիպրիմարը սրտանոթային բարդութունների երկրորդային կանխարգելման հիմքն է ամբողջ աշխարհում:

–    Ինչպիսի՞ խնդիրներ եք տեսնում ժամանակակից սրտաբանության մեջ:

–    Ժամանակակից սրտաբանության մեջ կարևորագույն խնդիրն անհամապատասխանութունն է ամբիոնից հնչող խոսքի և կլինիկաներում տիրող իրավիճակի միջև:  Միջազգային ասպարեզում անընդհատ խոսվում է  բուժման և կանխարգելման տարբերակների մասին, սակայն կլինիկական պրակտիկայում դրանք քիչ կիրառելի են փաստվում: Մեր խնդիրն այդ անհմապատասխանության վերացումն է, նորագույն մոտեցումների կիրառումը: Այս ամենը վերաբերում է ոչ միայն աթերոսկլերոզին, շաքարային դիաբետին, զարկերակային գերճնշմանը, այլև սրտանոթային ռիսկի գործոններին: Մշտական վերահսկողության տակ պետք  է առնվեն բոլոր ռիսկի գործոնները: Բժշկության կարևորագույն խնդիրներից են մնում վարակիչ հիվանդությունների դեմ պայքարը: Այս խնդիրն արդիական է հատկապես հետամնաց երկրներում, ինչպիսին, օրինակ, Աֆրիկան է: Կարևորագույն խնդիր է բժիշկների վերապատրաստման, կատարելագործման հարցը, ինչի հնարավորու-թյունը մեզ կարող է տալ համացանցը: Երրորդ խնդիրը կապված է ոչ վարակիչ հիվանդությունների հետ, ինչպիսիք են, օրինակ, շաքարային դիաբետը, աթերոսկլե-րոզը և այլն: Ամբողջ աշխարհում սրտաբանության մեջ հայտնի են բազմաթիվ խնդիրներ, սրանք մի քանիսն են, որոնք ես առանձնացրի:

«Պֆայզեր» դեղագործական ընկերության սատելիտային սիմպոզիումը Հայաստանի սրտաբանների IX վեհաժողովի շրջանակում

Սիմպոզիումի թեմայի շուրջ զրուցեցինք «Պֆայզեր» դեղագործական ընկերության հայաստանյան ներկայացուցչության տնօրեն Տիգրան Ուզունյանի հետ:

–   Պարոն Ուզունյան, ի՞նչ է ներկայացվելու այսօր սրտաբաններին և ինչպիսի՞ն է ձեր ընկերության դերը սրտաբանության ոլորտում:

–    Պետք է ասել, որ մեր դեղագործական ընկերությունն առաջինն է ներդրել և ապացուցողական տեղեկատվությամբ հասել ստատինների լայն կիրառմանը Հայաստանում`սկսած 2000 թվականից: Ողջ այդ ընթացքում երբեք տեղում չենք դոփել, պարբերաբար ներկայացրել, և շարունակում ենք ներկայացնել ժամանակակից բժշկության նորագույն տվյալները, ստատիններին վերաբերող վերջին նվաճումները:

–    Իչքանո՞վ է արդիական նշված թեման և նրա կարևորությունը մեր օրերում:

–    Սիմպոզիումի թեման ավելի քան արդիական է, քանի որ դեռ վաղուց ապացուցված է ստատինների կիրառման բարձր արդյունավետությունը սրտանոթային հիվանդությունների բարդությունների կանխարգելման և բուժման գործընթացում հատկապես առաջնային օղակի բժշկական պրակտիկայում։ Հիմա արդեն շատ արդիական է դառնում սիրտանոթային բարդությունների երկրորդային կանխարգելման փուլում, այսինքն. ստատինների մաքսիմալ դեղաչափերի օգտագործմամբ սուր կորոնար համախտանիշով, սրտամկանի կաթվածով, ինվազիվ միջամտության ենթարկված հիվանդների վարումը` դրանով իսկ հասնելու բարդությունների կանխարգելմանը և մահացության նվազեցմանը: Այսօր խոսվեց նաև ստատինների բարձր դեղաչափերի անվտանգության մասին, ինչը նույնպես արդիական խնդիր է: Հայ բժիշկների շրջանում ստատինների կասկածյալ վտանգավորությունն աստիճանաբար հերքվում է, և բոլորը գալիս են այն եզրակացության, որ ստատինները բավականին անվտանգ դեղամիջոցներ են`նունիսկ բարձր դեղաչափերով:   

–    Վերջերս կայացած կոնֆերանսներից մեկում ստատինները նշվեցին որպես բժշկության վերջին 10 տարիների նվաճումներից մեկը, համաձա՞յն եք, որ ստատիններն իսկապեսն վաճում են բժշկության մեջ:

–    Իրոք դա այդպես է: Բոլորս էլգ իտենք, որ սրտանոթային հիվանդացությունների ու մահացությունների թիվն ամենաբարձրն են ամբողջ աշխարհում, իսկ ստատիններն իսկապես նվաճում համարվեցին, քանի որ այդ դեղորայքային խումբն ամենամեծ ազդեցությունն ունեցավ և մեծ հեղաշրջում կատարեց սիրտ-անոթային հիվանդություններից մահացությունների տոկոսի նվազեցման հարցում:

Հարցեր, պատասխաններ, մեկնաբանություններ