GMP Pharmaceuticals դեղագործական ընկերության սատելիտային սիմպոզիումը Հայաստանի սրտաբանների IX վեհաժողովի շրջանակում

ՀՀ ԱՆ Առողջապահության ազգային ինստիտուտում Հայաստանի սրտաբանների IX վեհաժողովի շրջանակում կայացավ GM Pharmaceuticals դեղագործական ընկերության սատելիտային սիմպոզիումը:

Ընկերության գործառույթների և սիմպոզիումի ընթացքում ներկայացված թեմայի կարևորության մասին զրուցեցինք  GMP դեղագործական ընկերության հայաստանյան ներկայացուցչության մենեջեր Վահագն Բաբայանի հետ:

–   Ներկայացրեք, խնդրեմ, «GMP» ընկերությունը և նրա դերը սրտաբանության բնագավառում:

–   «GMP»-ն շվեցարա-վրացական համատեղ ընկերություն է, որն իր գործունեությունը սկսել է վրացական տարածաշրջանում: Արդեն շուրջ 5 տարի է, ինչ ընկերության արտադրության դեղամիջոցները շրջանառվում են Հայաստանում և իրենց կայուն տեղն են գրավել հայկական դեղագործական շուկայում: Շուրջ 3 տարի է,ինչ մեր ընկերությունը համագործակցում է նաև Սրտաբանների ասոցիացիայի հետ: Մենք ներկայացնում ենք հակահիպերտենզիվ, մետաբոլիկ հիվանդությունների բուժմանը նախատեսված դեղամիջոցներ, հակագրեգանտներ ,որոնք վայելում են բժիշկների և հիվանդների վստահությունը: Այս ընթացքում մեր ընկերության կողմից արտադրվող Տրիմեկոր-ՄՌ և Ստազեքս սրտաբանության բնագավառում կիրառվող դեղամիջոցների շուրջ կատարվել է երկու լայնածավալ կլինիկական հետազոտություն, որոնց մասնակցել են հայ սրտաբաններն ու ընտանեկան բժիշկները, ինչի շնորհիվ մեր մասնագետների մոտ ձևավորվել է սեփական կարծիք թե՛ ընկերության, թե՛ դեղամիջոցների հանդեպ:

GM Pharmaceuticals դեղագործական ընկերության սատելիտային սիմպոզիումը Հայաստանի սրտաբանների IX վեհաժողովի շրջանակում

–   Ո՞րն է «GMP» ընկերության  կարգախոսը:

–   Բարձր որակ և մատչելի գին` համադրություն:

–   Ի՞նչ ներկայացվեց սիմպոզիումի շրջանակում:

–   Ներկայացվեց Հայաստանում կատարված բազմակենտրոն հետազոտության արդյունքները` «Ստազեքս» դեղամիջոցի արդյունավետությունը սուր կորոնար համախտանիշով տառապող պացիենտների բուժման գործընթացում: Արդյունքները մինչ այս պահն անգամ ինձ հայտնի չէին: Անակնկալ էր սիմպոզիումի բոլոր մասնակիցներին: Ի ուրախություն` արդյունքները դրական են:

Զրուցեցինք նաև «ՍՏԱԶԵՔՍ դեղամիջոցի արդյունավետությունը սուր կորոնար համախտանիշի դեպքում» թեմայի զեկուցող, Կանխարգելիչ Սրտաբանության Կենտրոնի ստացիոնար ծառայության ղեկավար բ.գ.թ. Գևորգ Պոդոսյանի հետ:

–   Ներկայացրեք, խնդրեմ, Ձեր զեկույցի թեման, նպատակը և կարևորությունը:

–   Թեման հրատապ ու հետաքրքիր էր, քանի որ քննարկվեցին ներկայումս ծավալուն կիրառություն ունեցող դեղամիջոցի շատ կարևոր հետազոտության արդյունքներ: Խոսվեց կրծքահեղձուկի, սրտամկանի ինֆարկտի ժամանակ ամենակիրառելի դեղամիջոցներից մեկի` «Ստազեքս»-ի բժշկական պրակտիկայում արդյունավետության մասին: Թեման ակտուալ է, քանի որ մենք գիտենք` սրտանոթային հիվանդությունները ներկայումս մահացությունների թվում առաջատար տեղ են զբաղեցնում և գնալով ավելի են երիտասարդանում:

–   Ի՞նչ կտա բժիշկներին այս սիմպոզիումը:

–   Առաջին հերթին բժիշկները ծանոթացան իրենց իսկ մասնակցությամբ կատարված կլինիկական հետազոտության արդյունքներին: Եվս մեկ անգամ փաստվեց դեղամիջոցի արդյունավետությունն ու անվտանգությունը, ինչն այսօր, անխոս, հիմնական վեկտորներն են այս կամ այն դեղամիջոցի ընտրության հարցում:

Հարցեր, պատասխաններ, մեկնաբանություններ