Կայացավ ՎԻԿՏՈՐԻԱ ՔՈՆՍԱԼԹԻՆԳ ընկերության սատելիտային սիմպոզիումը. Հայաստանի սրտաբանների IX վեհաժողով

Մայիսի 15-ին ՀՀ ԱՆ Առողջապահության Ազգային Ինստիտուտի դահլիճում տեղի ունեցավ  Հայաստանի սրտաբանների IX վեհաժողովի շրջանակներում կազմակերպած ՎԻԿՏՈՐԻԱ ՔՈՆՍԱԼԹԻՆԳ ընկերության սատելիտային սիմպոզիումը:

Ընկերության նպատակների, խնդիրների և սիմպոզիումի գլխավոր թեմայի մասին զրուցեցինք «Վիկտորիա քոնսալթինգ» ընկերության գլխավոր տնօրեն Բագրատ Լալայանի հետ:

–    Պարոն Լալայան, ի՞նչ գործառույթ է իրականացնում ընկերությունը Հայաստանի սրտաբանների 9-րդ վեհաժողովի շրջանակներում:  Ո՞րն է այսօրվա սիմպոզիումի գլխավոր նպատակը, թեման:

–    «Վիկտորիա քոնսալթինգ» ընկերությունը` որպես նորաստեղծ ըկերություն (մենք դեռ չենք տոնել մեր ընկերության առաջին տարեդարձը), հպարտ է, որ Հայաստանի սրտաբանների IX վեհաժողովի հովանավորներից էր: Սա մեր առաջին սատելիտային սիմպոզիումն էր: ՄԵր զեկուցման նպատակն էր բժիշկներին ներկայացնել ընկերությունը, կառուցվածքը, այն նպատակները, որ դրել ենք մեր առջև: Խոսեցինք մեր գործընկերներ դեղագործական կազմակերպությունների մասին, որոնց կողմից արտադրվող սրտաբանության բնագավառում կիրառվող դեղորայքը Հայաստանում ներկայացնում է «Վիկտորիա քոնսալթինգ»-ը: Այսօր Հայաստանում կան սրտային հիվանդությունների բուժման գործընթացում կիրառվող մեծ թվով դեղորայքներ, բայց, ինչպես գիտենք,  մահացությունների թիվը սրտանոթային համակարգի հիվանդություններից շարունակում է աճել: Հուսով ենք և ձգտում ենք այս բնագավառում մեր ներդրումն ունենալ` ներկայացված դեղամիջոցներով օգնել մասնագետներին` բուժման արդյունավետության և մահացությունը նվազեցնելու մեջ։ 

–    Ո՞րն է ընկերության նպատակը, գերակա խնդիրները: 

–    Քանի որ Հայաստանում դեղորայքային շուկան մեծ չէ, շատ ընկերություններ չունեն իրենց ներկայացուցչությունները Հայաստանում, ուստի մենք նպատակ ենք դրել մեր առջև` հասնել նրան, որ Հայաստանում լինեն մեծ թվով ինովացիոն, բայց նաև մեծ պահանջարկ ունեցող սրտաբանական դեղորայք: Այսօր հատկապես մեր ուշադրությունը սևեռել ենք մեր գործընկերներից իսրայելական «Dexcel Pharma» ընկերւթյան արտադրանքին, որը ներկայացնում է մոտ 10 սրտանոթային առաջնային օղակի դեղորայք: Շատ կարևոր գործոն է ընկերության արտադրանքի բարձր որակը, որը համապատասխանում է եվրոպական բոլոր չափանիշներին, իսկ մատչելի գինը պարզապես զարմացնելու է բժիշկներին: Մեր ընկերության գլխավոր նպատակներից մեկը միաժամանակ և՛ որակյալ, և՛ մատչելի դեղորայք ներկայացնելն է:

Կայացավ ՎԻԿՏՈՐԻԱ ՔՈՆՍԱԼԹԻՆԳ ընկերության սատելիտային սիմպոզիումը. Հայաստանի սրտաբանների IX վեհաժողով

–    Ինչո՞վ է առանձնանում «Վիկտորիա քոնսալթինգ»  ընկերությունը շուկայում գործող մի շարք դեղագործական ընկերություններից, ներկայացուցչություններից:

–    Մենք մեզ անվանում ենք գերներկայացուցչություն, եթե կարելի է այդպես ասել: Շուկայում գործող ընկերությունները ներկայացնում են կոնկրետ տվյալ ընկերության դեղամիջոցները և պաշտպանում տվյալ ընկերության շահերը։ Մենք, լինելով մեկ կազմակերպություն, աշխատում ենք բազմաթիվ արտադրող ընկերությունների հետ։ Այսպես. այսօր համագործակցում և ներկայացնում ենք մոտ 10 դեղագործական ընկերություն, որն էլ պատճառ է անվանելու մեզ գերներկայացուցչություն` ահա մեր հիմնական առանձնահատկությունը: Արդյունքում` օգնում ենք դեղարտադրող ընկերություններին մուտք գործել հայկական շուկա և ծավալել ակտիվ գործունեություն այն դեպքում, երբ դեռ իրենք պատրաստ չեն առանձին ներկայացուցչություններ ունենալ Հայաստանում: Մեր նորաստեղծ ընկերության մյուս կարևոր առանձնահատությունը. մեր թիմի կողմից  ողջունվում է յուրաքանչյուր աշխատակցի  ստեղծագործ մտքի թռիչքը, նոր գաղափարները, նախագծերը, որոնք էլ դառնում են ընկերության հաջողության գրավականը:

–    Ի՞նչ դեղամիջոցներ ներկայացվեցին մասնագետներին։

–    Զեկույցներով հանդես եկան սիմպոզիումի նախագահ, ԵՊԲՀ պրոֆեսոր Հմայակ Սիսակյանը և բ.գ.դ. Արամ Չիլինգարյանը: Պրոֆեսոր Սիսակյանը ներկայացրեց Վիկտորիա Քոնսալթինգի գործընկեր «Dexcel Pharma» -ի արտադրած Նիկորանդիլ (Nikorandil) դեղամիջոցը, որն այսօր իր բուժական ազդեցության մեխանիզմով միակն է Հայաստանում, և որ ապացուցել է սրտանոթային պատահարներից մահացության ցուցանիշի նվազումը սրտի կայուն  իշեմիկ հիվանդությունների ժամանակ: Սրտաբան Չիլինգարյանն այսօր ներկայացրեց «Dexcel Pharma»-ի դեղամիջոցները սրտաբանության ոլորտում:

Ներկայացվող զեկույցների մանրամասների մասին զրուցեցինք ՍՐՏԱԲԱՆՈՒԹՅԱՆ գիտահետազոտական ինստիտուտի սրտաբան, բ.գ.դ.  Արամ Չիլինգարյանի հետ:

–    Ներկայացրեք, խնդրեմ, Ձեր զեկույցի գլխավոր թեման և դրա կարևորությունը:

–    Խոսեցի «Dexcel Pharma» դեղագործական ընկերության դեղամիջոցների մասին: Ինձ բախտ է վիճակվել լինել այս ընկերությունում և տեսնել մի կարևոր փաստ. արտադրական գործընթացում գրեթե բացառված է մարդկային գործոնը, մատների վրա կարելի է հաշվել արտադրամասի աշխատողներին:  Տեսնելով արտադրանքի ողջ գործընթացը` կարող եմ բարձրաձայնել. սրանք դեղամիջոցներ են, որոնք համապատասխանում են եվրոպական ամենաբարձր և խստապահանջ  չափանիշներին:

–    Ինչո՞վ են առանձնանում դեղորայքային շուկայում:

–    Առաջին հերթին` որակով.Մոնոսորբ SR կողմնակի ազդեցությունը մինիմալի է հասցված, այն կարելի է նշանակել օրվա մեջ մեկ անգամ, կախվածություն դեղամիջոցից չի առաջանում, բուժական ազդեցությունը գործում է 40 րոպեի ընթացքում, ի տարբերություն ոլորտի այլ դեղամիջոցների, որոնց ազդեցություը 4 ժամվա ընթացքում է միայն զգալի լինում:

Ուզում եմ առանձնացնել խոլեսթերինի քանակն արդյունավետ նվազեցնող ատորվաստատին Dexcel դեղամիջոցը, որը նույնպես արտադրվում է «Dexcel Pharma» դեղագործական ընկերության կողմից։ Այն այսօրվա դրությամբ ամենատարածված դեղամիջոցն է, և քաջ հայտնի է սրտաբանության ոլորտում: 

–    Ի՞նչ գործոնների վրա է հիմնված սրտի առողջությունը:

–    Առաջին հերթին` առողջ ապրելակերպի, որին հետևելու դեպքում հնարավոր է նվազեցնել սրտանոթային հիվանդությունների քանակն անհամեմատելիորեն մեծ թվերով:  Երկրորդը սրտաբանությունն է` որպես գիտություն, որը կարող է կանխարգելել սրտանոթային հիվանդությունների առաջացումը: Առհասարակ,  սրտային հիվանդացության հարցում մարդիկ հիմնականում տուժում են վատ, անառողջ ապրելակերպից, գումարի բավարար քանակության առկայության բացակայությունից: Մարդիկ նախընտրում են չձեռնարկել ոչինչ հանուն առողջ կենսակերպի, առողջությունը վնասելուց և հիվանդության հայտնաբերումից հետո են միայն պատրաստ բուժում ստանալու նպատակով հսկայական գումարներ ծախսել։ Եվ երրորդը. ինվազիվ սրտաբանությունը, որն այսօր ամենահզորն է: Այն իսկապես ախտանշորեն թեթևացնում է իրավիճակը, սակայն շատ դեպքերում մահացության թվի կրճատման չի բերում: Բոլոր դեպքերում լավ է կանխարգելել, քան բուժել:

Հարցեր, պատասխաններ, մեկնաբանություններ