Կայացավ «Վիկտորիա քոնսալթինգ» ընկերության կազմակերպած գիտական կոնֆերանսը նվիրված գերմանական Dr.Wolz ընկերության կենսակտիվ միջոցներին

Ապրիլի 25-ին «Վիկտորիա քոնսալթինգ»  ընկերությունը Հայ-Ամերիկյան առողջության կենտրոնում կազմակերպել էր  գիտական կոնֆերանս` նվիրված Dr.Wolz ընկերության յուրօրինակ կենսակտիվ միջոցներին: Կոնֆերանսի բանախոսներն էին Dr.Wolz ընկերության բժշկական գծով փոխնախագահ Մաթիաս Օլդհավերը, բիզնեսի զարգացման պատասխանատու Դոկտոր Գյոշկեն և ՀՀ գլխավոր էնդոկրինոլոգ Էդուարդ Թորոմոնյանը:

Dr.Wolz գերմանական ընկերության գործառույթների, առանձնահատկությունների մասին զրուցեցինք ընկերության բժշկական գծով փոխնախագահ Մաթիաս Օլդհավերի հետ:

	Dr.Wolz ընկերության բժշկական գծով փոխնախագահ Մաթիաս Օլդհավեր

–   Դոկտոր Օլդհավեր, խնդրում եմ հակիրճ ներկայացնել Dr.Wolz ընկերությունն ու նրա նպատակները:

–   Մեր ընկերությունը գոյություն ունի արդեն ավելի քան 40 տարի: Dr.Wolz ընկերությունը հոգում է մարդկանց առողջության, կյանքի երկարատևության մասին:

–   Ո՞րն է կոնֆերանսի թեման:

–   Դասախոսությունները վերաբերում են  կենսակտիվ բջիջներին, որոնց առաջին կարևորագույն գործառույթն է. չթողնել, սպառվեն օրգանիզմի բնական պաշարները: Երկրորդ հերթին նրանք արդյունավետորեն բարձրացնում են իմունային համակարգի դիմադրողականությունը: Եվ երրորդը` վնասազերծում են ազատ ռադիկալներն ու հեռացնում օրգանիզմից:

–   Ինչո՞վ են տարբերվում ընկերության ներկայացրած դեղամիջոցները շուկայում առկա դեղամիջոցներից:

–   Իմ նշած էնզիմ բջիջների հիմքով պատրաստված դեղամիջոցները կազդուրում են օրգանիզմն ու  լավացնում մարդկանց ինքնազգացողությունը: Բացի այդ կանխարգելում են ուռուցքային հիվանդությունները, երկարատև հիվանդությունների դեպքում օգնում օրգանիզմին պայքարել:

–   Ո՞րն է Dr.Wolz ընկերության կարգախոսը:

–   Մեր ընկերության միակ և հիմնական նպատակը մարդկանց օգնելն է, առաջին հերթին ուղղված է սթրեսի մեջ գտնվող, երկարատև հիվանդություններից տառապող անձանց:

Զրուցեցինք նաև «Վիկտորիա քոնսալթինգ» ընկերության գլխավոր տնօրեն Բագրատ Լալայանի հետ:

«Վիկտորիա քոնսալթինգ» ընկերության գլխավոր տնօրեն Բագրատ Լալայան

–   Պարոն Լալայան, ներկայացրեք, խնդրեմ, ձեր ընկերությունը և կոնֆերանսի նպատակն ու թեման:

–   «Վիկտորիա քոնսալթինգ»-ը Հայաստանում առաջին և միակ ընկերությունն է, որն աշխատում է տարբեր դեղագործական ընկերությունների հետ` որպես մարքեթինգային գործընկեր: Այսօր մեր հերթական կոնֆերանսն է, որը նվիրված է գերմանական է Dr.Wolz ընկերության արտադրանքին: Կոնֆերանսի հյուրերն ընկերության ղեկավարներն են, ովքեր ներկայացնելու են սեփական արտադրության կենսակտիվ միջոցները: Ելույթով հանդես եկավ ՀՀ գլխավոր էնդոկրինոլոգ Էդուարդ Թորոմոնյանը և ներկայացրեց Dr.Wolz ընկերության արտադրանքի նշանակությունը տարբեր տեսակի էնդոկրին հիվանդությունների բուժման հարցում: Dr.Wolz-ն առաջին անգամ է ներկայանում Հայաստանում և Հայաստան բերում իր որակյալ, յուրօրինակ արտադրանքը:  

–   Ինչո՞վ է առանձնանում «Վիկտորիա քոնսալթինգ»-ը դեղագործական շուկայում:

–   «Վիկտորիա քոնսալթինգ»-ը, ինչպես արդեն նշեցի, առաջին մարքեթինգային ընկերությունն է Հայաստանում, որը հնարավորություն է տալիս մեր ընկերության միջոցով ներմուծել Հայաստանի համար կարևոր նշանակության այն ընկերությունների դեղամիջոցները, որոնք դեռևս պատրաստ չեն իրենց ներկայացուցչությունները բացել Հայաստանում: Մեր գլխավոր նպատակներից է Հայաստանում ապահովել որակով, բայց և մատչելի դեղամիջոցների առկայությունը:  

Կայացավ «Վիկտորիա քոնսալթինգ» ընկերության կազմակերպած գիտական կոնֆերանսը նվիրված գերմանական Dr.Wolz ընկերության կենսակտիվ միջոցներին

–   Ո՞րն է ձեր ընկերության կարգախոսը:

–   Մենք հովանավորում ենք ձեր հաջողությունը:

Հարցեր, պատասխաններ, մեկնաբանություններ