Երկար ճանապարհն սկսվում է առաջին քայլից. ճապոնական իմաստնության պատառիկներ

Ճապոնական առեղծվածային և հետաքրքիր մշակույթի մասին կարելի է անվերջ խոսել: AdMe.ru-ն ներկայացնում է ճապոնական ասացվածքների մի շարք:

1. Եթե խնդիրը կարելի է լուծել, ապա չարժի այդ պատճառով անհանգստանալ, իսկ եթե այն լուծում չունի, անհագստանալը, պարզապես, անիմաստ է:
   
   
2. Մտածի´ր, որոշու´մ կայացրու, իսկ վճիռն ընդունելուց հետո այլևս մի´ մտածիր:
   
   
3. Մի´ պահիր գնացողին, մի´ վանիր եկողին:
   
   
4. Արագը դանդաղի առանց ընդմիջումների տարբերակն է:
   
   
5. Ավելի լավ է՝ լինել լավ մարդու թշնամին, քան վատ մարդու ընկերը:
   
   
6. Նա, ով ամեն գնով մտածում է բարձրանալու մասին, աստիճան է հնարում:
   
   
7. Ամուսինն ու կինը պետք է աչքերի և ձեռքերի նման լինեն՝ երբ ձեռքերն են ցավում, աչքերն են արտասվում, իսկ երբ աչքերում արցունքներ կան, ձեռքերն են սրբում:
   
   
8. Արևը չի´ ճանաչում ճշմարիտ մարդկանց, արևը չի´ ճանաչում դավաճաններին, արևը լուսավորում է՝ առանց որևէ մեկին տաքացնելու ակնկալիքի: Ինքն իրեն գտածը նման է արևի:
   
   
9. Երկար ճանապարհն սկսվում է առաջին քայլից:
   
   
10. Ով խմում է, չգիտի գինու վնասի մասին, ով խմում է, չգիտի գինու օգտակարության մասին:
    
    
11. Գեղեցիկ ծաղիկները լավ բերք չեն տալիս:
    
    
12. Դժբախտությունը, ինչպես պատռված հագուստը, պետք է տանը թողնել:
    
    
13. Եթե կա սեր, ապա ժանտախտի ցանը նույնքան գեղեցիկ է, որքան թշիկների փոսիկները:
    
    
14. Մեկ բարի խոսքը կարող է ջերմացնել 3 ցրտաշունչ ձմռան ամիս:
    
    
15. Երբ ճյուղեր ես նկարում, պետք է լսել քամու շունչը:
    
    
16. Յոթ անգամ ստուգիր՝ մինչև որևէ մեկի մասին կասկած հայտնելը:
    
    
17. Հաղթանակը բաժին է հասնում նրան, ով կես ժամ ավել է դիմանում, քան իր հակառակորդը:
    
    
18. Չիմանալն ամոթ է մեկ վայրկյան, իսկ չհարցնելը՝ ողջ կյանքում:
    
    
19. Խորը գետերն անձայն են հոսում:

Հարցեր, պատասխաններ, մեկնաբանություններ