Լուրեր
Նախադեպը չունեցող հիբրիդ-վիրահատություն «Արմենիա» ՀԲԿ-ում. armeniamedicalcenter.am

56 տարեկան տղամարդն ընդունվել է մարզային բժշկական կենտրոն` կորոնավիրուսային վարակի կապակցությամբ: Բուժման ընթացքում նրա մոտ ի հայտ են եկել ստորին վերջույթների ցավ, կապտություն, որի պատճառով նա տեղափոխվել է «Արմենիա» ՀԲԿ անոթային վիրաբուժության բաժանմունք՝ Քովիդ-19-ի դրական թեստով, երկկողմանի թոքաբորբով:
Ի՞նչ կլինիկական ախտանշաններով է պացիենտն ընդունվել վիրաբուժական բաժանմունք:
Պացիենտն ընդունվել է զույգ սրունք-թաթային հոդերում և մատներում ակտիվ շարժումների և ոտնաթաթերի ու մատների խորանիստ զգացողության բացակայությամբ, ոտնաթաթերի առաջին, երկրորդ, երրորդ մատների ցիանոզով, հանգստի ժամանակ ցավի առկայությամբ, որը չէր անցնում ոչ ստերոիդային ցավազրկողներից: Պացիենտի մոտ առկա էին նաև ստորին վերջույթների սուր իշեմիա, ստամոքսի խոց, երկրորդ տիպի շաքարային դիաբետ` ծանր աստիճանի, քովիդ-19- նկատմամբ դրական ՊՇՌ թեստ։
Բուժառուն բաժանմունքում մեկուսացվել է, կատարվել են համապատասխան լաբորատոր և գործիքային հետազոտություններ (ներառյալ` ՀՏ-անգիոգրաֆիա)՝ վիրաբուժության մարտավարությունը որոշելու նպատակով: Արդունքում ախտորոշվել է որովայնային աորտայի զույգ ընդհանուր զստային զարկերակների, արտաքին զստային զարկերակների, ծնկափոսային զարկերակների սուր թրոմբոզ օկլուզիա:
Թիմի կողմից որոշում է կայացվել բուժումն իրականացնել վիրահատական ճանապարհով: Վիրահատությունն իրականացրել են անոթային վիրաբուժության բժիշկներ՝ Վիրաբ Մանուկի Աղաբեկյանը, Վրեժ Արթուրի Հովակիմյանը, ես՝ Կամո Վաչիկի Հարությունյանս, Արամ Արշավիրի Գասպարյանը:
Ի՞նչ վիրահատություն է կատարվել:
Որովայնային աորտայի զստային և ծնկափոսային զարկերակների քովիդ-19 ասոցացված թրոմբոզի կապակցությամբ իրականացվել է հիբրիդ-վիրահատություն, որը տվյալ դեպքում բաց և փակ վիրահատական միջամտությունների զուգակցում է:
Ինչպե՞ս է իրականացվել վիրահատությունը:
Հաշվի առնելով հիվանդի բաց վիրահատման հնարավոր ռիսկերը, որոշվել է կատարել հիբրիդ-վիրահատություն` զուգակցելով բաց ու փակ վիրահատական միջամտությունները:
Վիրահատությունն իրականցվել է մի քանի էտապով.
Բաց միջամտությամբ կատարվել է երկկողմանի ընդհանուր ազդրային զարկերակների բաց մուտք:
Հաջորդիվ, աջ բազկային զարկերակում տեղադրվել է JR 5F 125 սմ կատետոր: Այնուհետև կատարվել է անգիոգրաֆիա, որի տվյալներով կրկին հաստատվել է ախտորոշումը, և, արդյունքում, իրականացնել է որովայնային աորտայի և զստային զարկերակների անուղղակի անտեգրադ թրոմբէկտոմիա, ծնկափոսային զարկերակների անուղղակի ռետրոգրադ թրոմբէկտոմիա:
Ընթացքում վիրաբույժներն առնչվել են ներվիրահատական տեխնիկական խնդրի. զստային զարկերակների ծռվածության պատճառով: Ֆոգարտի կատետորը, որով պետք է կատարվեր թրոմբէկտոմիան, չի անցել անոթներով: Պահի թելադրանքով կայացվել է մինչ այդ չկիրառված լրացուցիչ միջամտության որոշում. զարկերակի մեջ ներդրվել է 7F 25 սմ երկարության շիթ, որի միջոցով անցկացվել է Ֆոգարտի կատետորը /introducer 0,035 wire 260 7 Fogarty/, որից հետո միայն հնարավոր է եղել իրականացնել թրոմբէկտոմիա` զգալի թրոմբային զանգվածի հեռացմամբ: Որովայնային աորտայի, զստային և ազդրային զարկերակների անցանելիությունը լիարժեք վերականգնվել է, որը վերահսկվել է հերթական անգիոգրաֆիայի օգնությամբ:
Սակայն անգիոգրաֆիկ պատկերում՝ ձախ ստորին վերջույթի ծնկափոսային զարկերակի մակարդակում նկատվել է կրիտիկական նեղացում, ինչը շտկելու նպատակով կատարվել է նշված սեգմենտի բալոնային անգիոպլաստիկա և ստենտավորում:
Հաջորդիվ, հերթական անգիոգրաֆիայով դիտվել է, որ անոթի լուսանցքը լիարժեք բացված է, և արյան հոսքն ընդհանուր ազդրային զարկերակներում երկու կողմից վերականգնվել է:
Ներվիրահատական դիտվել է նաև սրունքային շրջանների սուբֆասցիալ այտուց, կատարվել է ֆասցիոտոմիա՝ մկանային խմբերի բացազատում:
Վիրահատությունը տևել է 3 ժամ:
Ինչպե՞ս է ընթացել հետվիրահատական շրջանը:
Վիրահատությունից հետո սահմանվել է բուժառուի դինամիկ հսկողություն: Իշեմիկ հատվածում հաճախ որոշակի հյուսվածքներ անդառնալիորեն փոխվում են, և երբ վերականգնվում է արյան հոսքը և հյուսվածքի սնուցումը, ձևավորվում է դեմարկացիոն զոննա՝ առանձնանում են առողջ և անդառնալիորեն փոխված, մեռուկացած հյուսվածքները: Վիրահատության մոտավորապես 3-4-րդ օրն արդեն նկատելի էր, որ ձախ ոտնաթաթի 1-5 մատները սևացել և դարձել են ոչ կենսունակ: Բնականաբար, կատարվել է այդ մատների հեռացում:
Հետվիրահատական շրջանի մոտավորապես 10-րդ օրը բուժառուն փակ վերքերով դուրս է գրվել:
6 ամիս անց, կրկնակի այցի ժամանակ, բուժառուն ինքնուրույն բաձրացել է երրորդ հարկ: Կատարվել է կրկնակի ՀՏ-անգիոգրաֆիա. անոթների անցանելիությունը լիովին պահպանված էր:
Բուժառուն մինչև այդ ծխող էր, սակայն այս դեպքից հետո՝ բժիշկների խորհրդով, թողեց ծխելը:
Առայսօր հսկողությունը շարունակվում է, ժամանակ առ ժամանակ կատարվում է կրկնակի դուպլեքս հետազոտություն, ստանում է համապատասխան դեղորայքային բուժում, որպեսզի վիրահատության բավարար արդյունքը պահպանվի:
Ո՞րն է իրականացված վիրահատության յուրահատկությունը:
Հայաստանում նման վիրահատական միջամտություն` իր տեսակով, աննախադեպ է: Նման զուգակցված վիրահատությունները քիչ տրավմատիկ են և հնարավորություն են տալիս վիրահատել անգամ ուղեկցող ծանր հիվանդություններ ունեցող պացիենտներին:
Այս կլինիկական դեպքը ներկայացվել է Անոթային վիրաբույժների ասոցիացիայի ամենամյա նիստում՝ 2022 թ. դեկտեմբերի 11-ին:


Կարդացեք նաև

Դեպքը գրանցվել է 42 տարեկան երիտասարդ կնոջ մոտ, ում մոտ հայտնաբերվեց և հեռացվեց ձվարանի հսկայական գոյացություն՝ ցիստադենոմա...



Երևանում բացվել է բժշկական գիտությունների դոկտոր, պրոֆեսոր , ՀՀ վաստակավոր բժիշկ՝ Ալեքսանդր Մալայանի ավան տեսողության վերականգնման կենտրոնը: Պրոֆեսոր Ա.Մալայանը Հայաստանում աչքի...



Մինչ բոլորը ձգտում են հասնել եվրոպական ստանդարտներին` «Նաիրի» ԲԿ-ի օկոգինեկոլոգիական ծառայության ղեկավար, ուռուցքաբան, գինեկոլոգ Արտեմ Ստեփանյանը մասնակցում է այդ ստանդարտների մշակմանը...



«Էրեբունի» ԲԿ վերականգնողական ծառայությունում իրականցվում է վերականգնողական և ֆիզիոթերապևտիկ բուժում` նորագույն և արդյունավետ մեթոդների, սարքավորումների կիրառմամբ...



«Էրեբունի» ԲԿ ակնաբուժական ծառայությունում հերթական հաջողությունն է գրանցվել. 23 տարվա երկարատև հիվանդությունից հետո կինը բուժվել է...



Իսկ դուք գիտե՞ք, որ սքրինինգային հետազոտությունները թույլ են տալիս կանխարգելել քաղցկեղը։
Օրինակ՝ կոլպոսկոպիայի շնորհիվ հնարավոր է միանգամայն ճշգրիտ ախտորոշել...



Տաթևիկ Հովհաննիսյանի հոդվածը տպագրվել է բժշկական աշխարհահռչակ ամսագրում է. nairimed.com
«Նաիրի» ԲԿ-ի օնկոգինեկոլոգիական բաժանմունքի գինեկոլոգ, ՈՒՁՀ մասնագետ Տաթևիկ Հովհաննիսյանի մասնակցությամբ՝ բժշկական աշխարհահռչակ ամսագրում հոդված է տպագրվել է...



Թեև գինեկոլոգիական ուռուցքներին առնչվելը մասնագիտական գործունեության ընթացքում, ինքնին, արտասովոր երևույթ չէ, սակայն «Արմենիա» ՀԲԿ-ում վերջին շաբաթն առանձնանում է գրանցված եզակի երկու դեպքով...



Նորածնային բաժանմունքում սովորականից աշխույժ է, նեոնատոլոգները դուրսգրումից առաջ վերջին հետազոտություններն են կատարում, բուժքույրերն՝ օգնում նորածնի մայրիկին: 127 օր ինտենսիվ թերապիայի բաժանմունքում...



Հանրահայտ ֆրանսիացի բժիշկ, Փարիզի «Կրեմլին-Բիսետրե» համալսարանական կլինիկայի պրոֆեսոր Հերվե Ֆերնանդեսը կրկին Մոր և մանկան առողջության պահպանման գիտահետազոտական կենտրոնում էր...



Նեյրոբորելյոզ կամ Լայմի հիվանդություն
«Արմենիա» ՀԲԿ էր դիմել մարզում բնակվող 40 տարեկան տղամարդ` հետևյալ գանգատներով...



Քթային արյունահոսությունը, դժվարաշնչությունը, հոտառության կորուստը 69-ամյա քաղաքացուն հասցրել էին «Նաիրի» ԲԿ։ Համապատասխան հետազոտություններ անցնելուց հետո՝ պացիենտի մոտ ախտորոշվել էր...



Գլխուղեղի զարկերակային անևրիզմայի ներանոթային բուժում
Ավարտին մոտեցավ ևս մեկ նյարդա-անոթային էնդովասկույլար շաբաթ «Արմենիա» ՀԲԿ-ում...



«Նաիրի» ԲԿ- ի լաբորատոր ախտորոշման բաժանմունքի ժամանակակից սարքերի ու վերջին սերնդի անալիզատորների շնորհիվ՝ իրականացվում են կենսաքիմիական, կլինիկական, իմունոլոգիական, հորմոնալ և շճաբանական...



«Էրեբունի» ԲԿ-ում աշխատում են Siemens Healthineers ընկերության ACUSON Sequoia նորագույն ուլտրաձայնային համակարգով: Ուլտրաձայնային այս սարքը էսքպերտ դասի համակարգ է, որն առաջատարներից է աշխարհում...






ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Հղիություն. 2-րդ ամիս
- 4-7 ամսական երեխաների սնուցումը
-
Ինչպես ազատվել անցանկալի մազերից
-
Ընկերության մասին
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Դդում
-
Պարզվում է ապագա երեխայի սեռը կախված է մայրիկի սնունդից
-
Կոճապղպեղ՝ նիհարելու համար (կոճապղպեղի թեյ)
-
Ամուսնական առաջին գիշերը
-
Սեռական գրգռում
-
Հիվանդություն, որը փոխում է մեր կյանքը` կրծագեղձի քաղցկեղ
-
Արգանդի միոմա. նախանշանները, պատճառներն ու բուժումը
-
Երիցուկ դեղատնային - Ромашка аптечная - Matricaria chamomilla L.
-
Չիչխանի օգտակար հատկությունները
-
Ինչպես ազատվել բերանի վատ հոտից`պարզ միջոց
-
Քարավուզ (նույն ինքը՝ նեխուր)
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
-
Կրծքի ցավե՞ր ունեք. ինչ անել
-
Ընտրություն ըստ հորոսկոպի
-
Հղիություն. 1-ին ամիս
-
Հիվանդություն, որի համար պետք չէ ամաչել (թութք)
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
-
Հեշտոցային արտադրության պատճառները. մասնագետի անդրադարձը
-
Հղիությունը և նախապատրաստվելը դրան
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Լեղաքարային հիվանդություն. բուժման մեթոդները
- Խոսենք այդ մասին. ձեռնաշարժություն
-
Սեռական թուլության առաջին նախանշանները. news.am
-
Էկզեմայի տեսակները և բուժումը
-
ՈւՆԱԲԻ: Արևելյան բժշկության գաղտնիքները
-
Իրիդիոսքրինինգ
-
Ուլտրաձայնային դոպլերոգրաֆիա (երկակի (դուպլեքս) անոթների)
-
Գամմա-դանակը նշտարի փոխարեն