ԵՊԲՀ. Հայ մասնագետների հոդվածը՝ հեղինակավոր International Journal of Environmental Research and Public Health ամսագրում

Հայ բժիշկ-գիտնականները Բնապահպանական հետազոտությունների և հանրային առողջության միջազգային հեղինակավոր, բարձր ազդեցության գործոն ունեցող (3,364 -Q1) ամսագրում...| (International Journal of Environmental Research and Public Health) հրապարակել են հոդված՝ «Մորֆոլոգիական փոփոխությունները բերանի լորձաթաղանթի մեջ վիրուսային Հեպատիտ C-ով հիվանդների մոտ. խաչաձեւ ուսումնասիրություն» խորագրով։

Հոդվածի համահեղինակների թվում են համալսարանական մասնագետները՝ Ստոմատոլոգիական ֆակուլտետի դեկան, Թերապևտիկ ստոմատոլոգիայի ամբիոնի վարիչ, պրոֆեսոր Լազար Եսայանը, Թերապևտիկ ստոմատոլոգիայի ամբիոնի դոցենտ Վահե Ազատյանը, Ախտաբանական անատոմիայի և կլինիկական մորֆոլոգիայի ամբիոնի պրոֆեսոր Աննա Խաչատրյանը, Ինֆեկցիոն հիվանդությունների ամբիոնի դոցենտ, բժիշկ-վարակաբան Մելանյա Շմավոնյանը, Կլինիկական լաբորատոր ախտորոշման ամբիոնի դասախոս Գայանե Մելիք-Անդրեասյանը, Մանկական ստոմատոլոգիայի և օրթոդոնտիայի ամբիոնի պրոֆեսոր Միքայել Մանրիկյանը։

Ներկայացնելով հոդվածի հիմնական ասելիքը և ընդգծելով դրա կարևորությունը՝ Վահե Ազատյանը նշեց, որ կատարվել է վիրուսային Հեպատիտ C-ով պացիենտների բերանի խոռոչի զննում:

«Հայտնաբերվել են պաթոգնոմոնիկ ախտահարումներ, որոնք բնորոշ են տվյալ հիվանդությանը, անցկացվել է համեմատություն Հեպատիտ C չունեցող պացիենտների հետ, որոնք նույնպես ունեին բերանի լորձաթաղանթի փոփոխություններ, և հիմնավորվել հիմնավորվել է բերանային հեղուկում պաթոմորֆոլոգիական հետազոտություններով, ինտերլեյկինների որոշմամբ: Կատարել ենք նաև իմունոհիստոքիմիական հետազոտություն, որով իսկ ապացուցել ենք T և B լիմֆոցիտների շեղումները, այսինքն` հումորալ և բջջային իմունիտետի որոշ խանգարումներ»,- պարզաբանեց մասնագետը, ում դոկտորական ատենախոսության հիմնական դրույթներից մեկը ևս վերաբերում է գիտական հոդվածում ներկայացված թեմային:

Հարկ է ընդգծել, որ տպագրված հոդվածի, կատարված ծավալուն աշխատանքի և ոլորտում ակնառու ներդրման հիման վրա հայ բժիշկ-գիտնականները հրավիրվել են՝ մասնակցելու Ճապոնիայի Սապպորո քաղաքում 2023 թվականի հունվարի 9-11-ը կայանալիք Գեների 12-րդ համաշխարհային կոնվենցիայի (WGC-2023) աշխատանքներին։

Հարցեր, պատասխաններ, մեկնաբանություններ