Tumor Board` «Արմենիա» հանրապետական բժշկական կենտրոնում. armeniamedicalcenter.am

«Արմենիա» ՀԲԿ-ն հավատարիմ է մնում ժամանակակից ուռուցքաբանության պահանջներին և ուռուցքային ախտաբանությամբ պացիենտների բուժման մարտավարութունն ընտրվում է տարբեր նեղ մասնագետների համատեղ խորհրդակցության արդյունքում: Յուրաքանչյուր պացիենտի համար կազմակերպվում է համատեղ քննարկում, որին պարտադիր մասնակցում են՝ վիրաբույժ-ուռուցքաբաններ, ռադիոլոգներ, ախտաբաններ, քիմիաթերապևտներ:

«Արմենիա» ՀԲԿ-ում տեղի ունեցավ հերթական Tumor Board-ը, որին մասնակցեցին կենտրոնի վիրաբույժները. վիրաբուժական կլինիկայի ղեկավար բ.գ.դ Գագիկ Աշոտի Համբարձումյանի գլխավորությամբ, ախտաբան Վարդան Ռազմիկի Դաբաղյանը, քիմիաթերապևտ Արմինե Զարգարյանը, ռադիոլոգներ Ելենա Ալբերտի Բաղդասարյանը և Կարինե Նորայրի Մանուկյանը:

Քննարկվեց ուռուցքային ախտաբանությամբ հերթական պացիենտի բուժման մարտավարությունը, ում մոտ համակարգչային և էնդոսկոպիկ հետազոտությամբ ախտորոշվել էր ուղիղ աղու նորագոյացություն, իսկ հյուսվածաբանական հետազոտության արդյունքում ախտորոշվել էր ուղիղ աղու ադենոսկվամոզ քաղցկեղ G3:

Հարցեր, պատասխաններ, մեկնաբանություններ