Կլինիկական դեպք. աուտիզմով հիվանդի առողջացում, Հռիփսիմե Փարսադանյան. armeniamedicalcenter.am

Բարոթերապիան` հիմնական բուժման հետ զուգակցված (վիտամիններ, նյութափոխանակությունը կարգավորող դեղեր և այլն) , բավականին արդյունավետ է աուտիզմի ժամանակ:

Եվ դա միայն մեր փորձը չէ: Իտալացի բժիշկ Նիկոլո Անջելո Դին յուրաքանչյուր տարի` 1-2 անգամ Կիևում կամ Մոսկվայում ընդունում է աուտիզմով հիվանդների: Նա ինքն էլ ունի այդպիսի երեխա, և իր փորձից ելնելով` բուժման կոմպլեքսում ներառել է բարոթերապիայի անընդմեջ 40 սեանս:

Տարիներ առաջ մեզ մոտ բերեցին աուտիզմով տառապող 3 տարեկան տղա երեխայի: Ծնողները շատ ուշադիր էին, անում էին բառացիորեն այն ամենն, ինչ կարող էր օգնել երեխային: Տղան շատ ագրեսիվ էր, որևէ մեկւ  հետ կոնտակտ չուներ, չէր խաղում, չէր խոսում:

Երեխան ստացավ բարոթերապիայի կուրս` տարվա ընթացքում երկու անգամ. աշնանը և գարնանը` 20-ական սեանսով:

Վերոնշյալ կուրսերը երեխան ստացավ մինչև 7 տարեկանը: Բուժման արդյունքում նա  կարողացավ դպրոց գնալ: Փաստորեն, բոլորովին չխոսող, չշփվող երեխան արդեն խոսում էր, շփվում բոլորի հետ և ընդունակ էր դասերի հաճախել... Երազում էր ֆինանսիստ դառնալ:

Հռիփսիմե Փարսադանյան,
բարոթերապևտ
Արմենիա հանրապետական բժշկական կենտրոն

Հարցեր, պատասխաններ, մեկնաբանություններ