Ինչպես ճիշտ կողմնորոշվել անաֆիլակտիկ շոկի դեպքում. erebunimed.com

Ինչպես ճիշտ կողմնորոշվել անաֆիլակտիկ շոկի դեպքում, եւ որոնք են ժամանակակից բուժման ամենավերջին պրոտոկոլները: Անաֆիլակտիկ շոկի բուժման հիմնահարցերին նվիրված կոնֆերանսի ընթացքում «Էրեբունի» ԲԿ ալերգոլոգիական ծառայության ղեկավար Քրիստինա Ջամալյանը գործընկերներին է ներկայացրել խնդրի բուժման հիմնահարցերը:Անաֆիլակտիկ շոկի բուժումը շարունակում է մնալ ալերգոլոգիական ամենաբարդ խնդիրներից, քանի որ առ այսօր այն համարվում է ամենավտանգավոր ալերգիկ ռեակցիաներից մեկն ամբողջ աշխարհում՝ հաճախակի մահվան դեպքերոով:

Անաֆիլակտիկ շոկը զարգանում է կայծակնային, ուղեկցվում է զարկերակային ճնշման կտրուկ անկմամբ եւ գիտակցության կորստով: Պատճառ կարող են հանդիսանել ինչպես տարբեր դեղամիջոցները, սնունդը(ալերգիա ծովամթերքից, կաթնամթերքից, ընդեղենից), այնպես էլ միջատի խայթոցը: Հիվանդության բուժման համար խիստ կարեւոր է վայրկայնների արագությամբ ճիշտ բուժօգնության ցուցաբերումը:

Կոնֆերանսին մասնակցել են «Էրեբունի» ԲԿ անհետաձգելի բուժօգնության ծառայության բժիշկները, թերապեւտները՝ նյարդաբանները, նեֆրոլոգները, էնդոկրինոլոգները, սրտաբանները, գաստրոէնտերոլոգները եւ վիրաբույժները:

Հարցեր, պատասխաններ, մեկնաբանություններ