«Ձեր մասին տեղեկացել ենք Ձեր հիվանդներից». «Նաիրի» ԲԿ այցելած շվեդ հիվանդների արձագանքը.

Երեք տարի առաջ Շվեդիայից «Նաիրի» ԲԿ պլաստիկ և էսթետիկ վիրաբուժության ծառայություն դիմած 58 տարեկան կնոջ  մոտ միաժամանակ իրականացվել էր մեծ որովայնի պլաստիկ վիրահատություն (փոքրացվել էր` վերականգնելով գեղագիտական տեսքը) և մեծ կրծքերի փոքրացում: Ախտորոշման ժամանակ կնոջ մոտ հայտնաբերվել է կրծքագեղձի քաղցկեղ և կրծքերի փոքրացման վիրահատության ընքացքում հեռացվել էր քաղցկեղը: Այս վիրահատությանը մասնակցել էր նաև ուռուցքաբանը:  Նման վիրահատության բնույթը համարվում է սիմուլտանտ, որը կատարվում է մեկ ընդհանուր անզգայացման տակ: Վիրահատության տևողությունը, որի ընթացքում միաժամանակ կատարվել էր երեք վիրահատություն, տևել էր շուրջ յոթ ժամ:

Վիրահատության արդյունքում հիվանդն ունեցավ նոր՝ առողջ ու  էսթետիկ կուրծք, նաև անցյալում մնաց մեծ որովայնը, ինչը երկար ժամանակ նրան խանգարում էր:

Հիվանդը Հայաստանից Շվեդիա վերադարձավ վիրահատությունների  արդյունքներից գոհ և առողջ: Կնոջ  մոտ հետվիրահատական բարդություններ չեն առաջացել:

Նրա Շվեդիա վերադառնալուց հետո բազմաթիվ շվեդ հիվանդներ տարբեր խնդիրներով վիրահատությունների համար դիմեցին «Նաիրի» ԲԿ:
   
«Նաիրի» ԲԿ պլաստիկ և էսթետիկ վիրաբուժության ծառայություն նրանց այցի իրական պատճառը եղել է. «Ձեր մասին  տեղեկացել ենք Ձեր հիվանդներից» անկեղծ խոսքերը: Այս օրերին  «Նաիրի» ԲԿ-ում վիրահատվել են Շվեդիայից  և Կիևից ժամանած հերթական հիվանդները:

Պլաստիկ և էսթետիկ վիրաբուժության ծառայությունում իրականացվող վիրահատությունների աշխարհագրությունը մեծ է, այցելում են ԱՄՆ-ից, Կանադայից, Մեքսիկայից, Դոմինինկյան հանրապետությունից, Միջին Ասիայից, Աֆրիկայից, Եգիպտոսից, Իրանից, Թուրքիայից, Ռուսաստանից, Ֆրանսիայից  և այլ երկրներից:
   
«Նաիրի» ԲԿ պլաստիկ  և էսթետիկ վիրաբուժության ծառայության ղեկավար Հայկ Ենոքյան

Հարցեր, պատասխաններ, մեկնաբանություններ