Հերթական հանդիպումը շվեյցարացի գործընկերներ հետ. arabkirjmc.am

«Արաբկիր»  Բժշկական Համալիր-Երեխաների և Դեռահասների Առողջության Ինստիտուտի և Ցյուրիխի մանկական համալսարանական հիվանդանոցի հետ համագործակցության շրջանակում նոյեմբերի 7-ին «Արաբկիր»  ԲՀ-ԵԴԱԻ-ում  տեղի  ունեցավ պրոֆեսորների և աջատար մասնագետների հերթական  քննարկում-հանդիպումը: Մասնակցում էին Շվեցարիայից ժամանած պրոֆեսոր Էռնստ Լյոմանը, Քրիստինա Լյոմանը, առաջատար բժիշկ աուդիոլոգ Դորոտե Վերագուտը, զարգացման մանկաբույժ Ռայներ Թրունինգերը  և «Արաբկիր»  ԲՀ-ԵԴԱԻ-ի  առաջատար մասնագետները:

Հանդիպման ժամանակ քննարկվեցին «Արաբկիր» ԲՀ-ԵԴԱԻ-ում գործող լաբորատոր, ճառագայթային ախտորոշիչ, սուրդոլոգիայի և այլ ծառայությունների զարգացման  ծրագրերը և հեռանկարները: Այնուհետև հաստատվեցին մանկաբուժական բաժանմունքների որոշ մասնագետների  շարունակական կրթական ծրագրերը:

Անդրադարձ եղավ նաև բժշկական համալիրում մեծահասակներին տրամադրվող  բուժօգնության և սպասարկման կազմակերպման կարևորությանը`  մասնավորապես երիկամաբանության, ճառագայթային ախտորոշիչ և լաբորատոր ծառայությունների ընդլայմանը և զարգացմանը:

Հարցեր, պատասխաններ, մեկնաբանություններ