«Իզմիրլյան» բժշկական կենտրոնի գործունեությունը գնահատեց Շվեյցարիայի «Իզմիրլյան» ֆոնդի գործադիր տնօրեն Գրեգորի Ջերեջյանը. izmirlianmedicalcenter.com

«Իզմիրլյան» բժշկական կենտրոնում հյուրընկալվեց Շվեյցարիայի «Իզմիրլյան» ֆոնդի գործադիր տնօրեն Գրեգորի Ջերեջյանը և Հայաստանում «Իզմիրլյան» ֆոնդի տնօրեն Լուսինե Գալաջյանը: Յուրաքանչյուր տարի «Իզմիրլյան» ֆոնդի գործադիր տնօրենը Հայաստան կատարած այցի շրջանակներում այցելում է նաև բժշկական կենտրոն, ծանոթանում ընթացող աշխատանքների, ձեռքբերումների ու հնարավոր խնդիրների հետ:

Գրեգորի Ջերեջյանը պատմեց իր ակնկալիքների և  «Իզմիրլյան» հիվանդանոցից ստացած տպավորությունների մասին.
«Շատ տպավորված եմ կենտրոնի առաջադիմությամբ: Այս 12 ամիսների ընթացքում հսկայական փոփոխություններ են տեղի ունեցել:

Սպասելիքներս գերազանցված են: Վիրահատությունների քանակի զգալի աճը թույլ է տալիս ենթադրել, որ այստեղ, իսկապես, լավ մասնագետներ են աշխատում, որ լավագույն սարքավորումներն են կիրառվում: Այստեղ նույն չափանիշներն են, ինչ Նյու Յորքում կամ Հոնկոնգում։

«Իզմիրլյան» բժշկական կենտրոնի զարգացման ծրագրերի և հեռանկարների մասին պրոֆեսոր Արմեն Չարչյանը նշեց, որ առաջինը` բժշկական որակի ապահովումն է, բարձրակարգ բուժօգնությունը մեր բոլոր պացիենտներին, երկրորդը` նոր ուղղությունների զարգացումն է: Մեր առաջիկա գործունեությունում ներառված են շատ հավակնոտ ծրագրեր:

Այստեղ փորձառու են թե՛ մասնագետները, թե՛ ղեկավարները, այդ պատճառով շեշտը դրվում է ոչ այնքան գումար աշխատելու, որքան մարդկանց օգնելու վրա: Բարձր որակ ապահովող կլինիկա է, որտեղ մարդիկ հաճույք են ստանում իրենց աշխատանքից, որտեղ պացիենտները ժպիտով են հեռանում:

Հարցեր, պատասխաններ, մեկնաբանություններ