Հազվագյուտ հանդիպող ախտաբանության վիրահատական բուժում «Իզմիրլյան» ԲԿ-ում. izmirlianmedicalcenter.com

«Իզմիրլյան» ԲԿ-ում կատարվել է հազվագյուտ հանդիպող ախտաբանության՝ Լերրի (մելոռեոստոզ), վիրահատական բուժում «Իզմիրլյան» ԲԿ տնօրեն, պրոֆեսոր Արմեն Չարչյանի և բաժանմունքի վարիչ Սահակ Սարիբեկյանի կողմից

Օրեր առաջ «Իզմիրլյան» ԲԿ տնօրեն, պրոֆեսոր Արմեն Չարչյանին դիմել է պացիենտ 19 տարեկան Գ․Ա․-ն` Արցախից, գանգատվելով աջ ստորին վերջույթի արտահայտված  դեֆորմացիայից և ֆունկցիայի խանգարումից։

Կատարված հետազոտությունների արդյունքում պացիենտի մոտ ախտորոշվել է՝ ոսկրային հազվագյուտ հանդիպող պաթոլոգիա՝ Լերիի (մելոռեոստոզ) հիվանդությամբ։

Գ․Ա․ վիճակը գնահատվեց և որոշում կայացվեց բուժումը կազմակերպել մի քանի փուլով։

Առաջին փուլով կատարվեց՝ կոնքի ոսկրերի և ազրոսկրերին հպվող ոսկրային զանգվածի հեռացում, ինչը խիստ խոչընդոտում էր կոնք-ազդրային հոդի շարժումներին։

Ներկայում պացիենտի վիճակը բավարար է և գտնվում է վերականգնողական փուլում։

Վիրահատությունն իրականացրել են «Իզմիրլյան» ԲԿ տնօրեն, պրոֆեսոր Արմեն Չարչյանն ու Օրթոպեդիայի, վնասվածքաբանության և սպորտային վնասվածքաբանության բաժանմունքի վարիչ  Սահակ Սարիբեկյանը։

Հարցեր, պատասխաններ, մեկնաբանություններ