«Էրեբունի» բժշկական կենտրոնի ծննդատան նոր, հարմարավետ հարկի բացումը. erebunimed.com

2018 թվականի հուլիսի 20-ին «Էրեբունի» ԲԿ ղեկավարության աջակցությամբ, ի դեմս գլխավոր տնօրեն, պրոֆեսոր Հարություն Քուշկյանի, «Էրեբունի» ԲԿ ծննդատան 9-րդ հարկում բացվեց նոր հարմարավետ “PREMIUM” բաժանմունքը:

Լինելով «Էրեբունի» ԲԿ բազմապրոֆիլային հիվանդանոցի բաղադրիչ մասը, ծննդատունը Հայաստանում առաջատարներից է:

Բացման պատվին արժանացան «Էրեբունի» ԲԿ զարգացման գծով տնօրեն Ալլա Քուշկյանը և «Էրեբունի» ԲԿ ծննդօգնության գծով փոխտնօրեն Անդրանիկ Պողոսյանը:

Ինչպես նշեց Ա. Պողոսյանը, միայն 2017 թվականին ծննդատան պատերի ներքո լույս աշխարհ են եկել մոտավորապես 4.700 երեխա: 2018 թվականից ծնունդների մեծ աճ է արձանագրվում: Այդ կապակցությամբ անհրաժեշտություն առաջացավ ավելացնել սենյակների թիվը, որոնք ներկայում կահավորված են մոր և նորածնի համար հարմարավետ բոլոր հնարավորություններով, ինչը նաև պայմաններ է ստեղծում ապահովելու մտերիմների և հարազատների շուրջօրյա ներկայությունը: 

Բարձր տեխնոլոգիաներով հագեցվածությունը, բուժանձնակազմի պատրաստվածությունն ու պրոֆեսիոնալիզմը թույլ են տալիս «Էրեբունի» ԲԿ ծննդատանը միշտ լինել առաջատար:

Ալլա Քուշկյանը գտնում է, որ մայրությունը ամենակարևոր, լուսավոր և անմոռանալի իրադարձությունն է կնոջ կյանքում:

«Մեր նպատակն է կանանց կյանքում կարևոր իրադարձությունը տոնի վերածել» - նշեց նա:

Հարցեր, պատասխաններ, մեկնաբանություններ