ԼՂՀ ԱՆ. Պրոֆեսոր Արմեն Չարչյանը Արցախում բարդագույն կոնքազդրային հոդի վիրահատություն է կատարել

Արցախի առողջապահության նախարար Կարինե Աթայանի հրավերով «Իզմիրլյան» բժշկական կենտրոնի տնօրեն, պրոֆեսոր Արմեն Չարչյանը Հանրապետական բժշկական կենտրոնում իրականացրել է 2016 թվականի ապրիլյան պատերազմի ժամանակ վիրավորված, առաջին կարգի հաշվանդամ, 28-ամյա  Էրիկ Բաբայանի կոնքազդրային հոդի տոտալ էնդոպրոթեզավորում:
 

Զինծառայողը ծայրահեղ ծանր վիրավորում էր ստացել որովայնի, կրծքավանդակի խոռոչի, կոնքազդրային հոդի հատվածներում: Առաջին էտապով վիրահատությունները կատարվել էր «Էրեբունի» բժշկական կենտրոնում` փրկելով երիտասարդի կյանքը:
  

Արմեն Չարչյանը «Իզմիրլյան» բժշկական կենտրոնի oրթոպեդիայի բաժանմունքի լավագույն մասնագետների և Արցախի վնասվածքաբանների հետ համատեղ իրականացրել է բարդագույն կոնքազդրային հոդի տոտալ էնդոպրոթեզավորում:
  

Վիրահատությունը անցել է հարթ, առանց բարդությունների: Պրոֆեսորի հավաստմամբ զինծառայողը կկարողանա լիարժեք քայլել:

Հարցեր, պատասխաններ, մեկնաբանություններ