Կլինիկական դեպք. միզապարկում նկատվող գոյացությունը ոչ թե պոլիպ էր, այլ՝ թելերի կծիկ. armeniamedicalcenter.am

Միջին տարիքի կինն ունեցել էր երկու երեխա. Առաջինը` սեփական ուժերով, երկրորդը` կեսարյան հատման միջոցով: Վիրահատական միջամտությունից անցել էր մոտավորապես հինգ տարի եւ կինը որեւէ գանգատ չէր ունեցել: Մեզ մոտ այցելության ժամանակ նկատելի էին այտուցներ, մեզի հետազոտության ժամանակ հայտնաբերվել էր սպիտամիզություն: Պացիենտը նեֆրիտ ախտորոշմամաբ ընդունվել է «Արմենիա» ՀԲԿ երիկամային և բրոնխաթոքային բաժանմունք:

Իրականացված հետազոտությունների արդյունքում ժխտվեցին ժառանգական հիվանդությունները, շաքարային դիաբետը: Ըստ անամնեզի, հղիության ժամանակ նեֆրոպատիա չի ունեցել, ծննդաբերությունն անցել է նորմալ:

Հետազոտությունների ընթացքում միզապարկում հայտնաբերվեց ինչ-որ գոյացութուն: Մասնագետը գոյացությունը նկարագրել էր որպես պոլիպ կամ  ուռուցք: Խորհրդակցելով ուրոլոգիաի բաժանմունքի վարիչի հետ` իրականացվեց ցիստոսկոպիա: Պարզվեց, որ միզապարկում նկատվող գոյացությունը ոչ թե պոլիպ է, այլ՝ կծիկ: Ցիստոսկոպի միջոցով կծիկը զգուշորեն հեռացվեց. դա պարզապես թելերի կծիկ էր: Կնոջ մոտ կեսարյան հատման ժամանակ, հավանաբար, թել է մնացել, որը չի ներծծվել և  հետագայում վերածվել է կծիկի: Հիվանդին նշանակվեց հակաբորբոքային բուժում և առողջացումով դուրս գրվեց հիվանդանոցից:

«Արմենիա» ՀԲԿ երիկամային և բրոնխաթոքային բաժանմունքի վարիչ, բ.գ.թ, դոցենտ, նեֆրոլոգ Յասաման Մաթևոսյան.

Հարցեր, պատասխաններ, մեկնաբանություններ