Կլինիկական դեպք. նույն ախտանիշներով՝ տարբեր հիվանդություններ. armeniamedicalcenter.am

«Արմենիա» ՀԲԿ Երիկամային և բրոնխաթոքային բաժանմունքի վարիչ, բ.գ.թ, դոցենտ, նեֆրոլոգ Յասաման Մաթևոսյանը ներկայացրեց պրակտիկ գործունեության ընթացքում հանդիպած կլինիկական յուրօրինակ դեպք:

Տարիներ առաջ «Արմենիա» ՀԲԿ Երիկամային և բրոնխաթոքային բաժանմունք էր ընդունվել երիտասարդ` երկրորդ  աստիճանի երիկամային անբավարարություն ախտորոշմամբ: Առաջին հայացքից կար արտահայտված գունատություն և այտուցվածություն: Հետազոտության  տվյալների համաձայն, միզանյութն ու կրեատինը նորմայից բավականին բարձր էին, գրանցվել էր նաև թեթև պրոտեինուրիա: Սակայն իրականացված հետազոտությունների արդյունքում ժխտվեց  երիկամների կողմից որևէ ախտաբանական ախտահարում: Ախտորոշվեց վահանաձև գեղձի թերֆունկցիա, որն արտահայտվում է նույն ախտանիշներով, ինչ երիկամային ախտահարումը. թուլություն, դեմքի այտուցներ, մաշկի չորություն: Պարզվեց, որ մեզի հետազոտության արդյունքում նորմայից բարձր միզանյութի ու կրեատինի քանակը իրականում մեզի քանակի պակասության արդյունքում էր:

Նշանակվեց վահանաձև գեղձի թերֆունկցիայի դեմ բուժում, վերականգնվեց մեզի քանակը, և, բնականաբար, նաև միզանյութի ու կրեատինի քանակը կարգավորվեց, բոլոր ախտանիշները, ինչպես նաև թուլութունը, անցան: Հիվանդին ընդամենը մեկ դեղահաբ՝ հորմոն նշանակվեց ու դուրս գրվեց հիվանդանոցից: Պացիենտն ու հարազատները երջանիկ էին, երբ պարզ դարձավ, որ դիալիզը կամ  երիկամի պատվաստումն այլևս սպառնալիք չեն:

Հարցեր, պատասխաններ, մեկնաբանություններ