Էնդոպրոթեզ` նախկինում իրականացված օստեոսինթեզից հետո. armeniamedicalcenter.am

«Արմենիա» ՀԲԿ վնասվածքաբանության բաժանմունք էր դիմել 58 տարեկան տղամարդ: 13 տարի առաջ պացիենտի մոտ իրականացվել է ազդրի գլխիկի կոտրվածքի վիրահատություն. կատարվել է օստեոսինթեզ` 3 պտուտակով:  Վիրահատությունից հետո բոլոր այդ տարիներին նորմալ քայլել է և որևէ խնդիր չի ունեցել:

Վերջին մեկ տարվա ընթացքում սկսել են ցավեր, որն էլ պատճառ էր դարձել դիմելու «Արմենիա» ՀԲԿ վնասվածքաբանության բաժանմունք:

Կենտրոնում կատարվել է ռենտգեն հետազոտություն, որի հիման վրա պացիենտի մոտ   ախտորոշվել է կոնքազդրային հոդի արթրոզ: Առաջարկվել է վիրահատություն` վնասված հոդը փոխարինելու արհեստական հոդով: Վիրահատությունն իրականացրել են վնասվածքաբանության բաժանմունքի վարիչ Հրայր Հարությունյանը և վիրաբույժ Արսեն Կիրակոսյանը:

Վիրահատության ընթացքում հեռացվել է նախկին մետաղական կոնստրուկցիան և տեղադրվել է էնդոպրոթեզ:

Ներկայում հիվանդը քայլում է և չունի որևէ գանգատ:

Հարցեր, պատասխաններ, մեկնաբանություններ