ՀՀ ԱՆ. Իրականացվել է փոխպատվաստման ենթակա հիվանդների խորհրդատվություն

Ֆրանսիայի փոխպատվաստման ասոցացիայի, Ֆրանկոֆոնիայի երկրների փոխպատվաստաբանների միության նախագահ, Լիլ քաղաքի համալսարանական հիվանդանոցի ոսկրածուծի փոխպատվաստման բաժանմունքի արյունաբան, պրոֆեսոր Յագուբ Աղան, ֆրանսիահայ «Պրոդարև» կազմակերպության ղեկավար, բժիշկ Ժերար Հովակիմյանը և հայտնի պրոդյուսեր Ալեն Ժերարը ժամանել են Հայաստան:

Այցի շրջանակներում մասնագետները հյուրընկալվել են ՀՀ ԱՆ պրոֆեսոր Ռ.Օ. Յոլյանի անվան արյունաբանական կենտրոնում, որտեղ Յագուբ Աղան իրականացրել է փոխպատվաստման ենթակա հիվանդների խորհրդատվություն: Տեղի մասնագետների հետ դիտարկվել են համակողմանի աջակցության և մասնագետների հնարավոր վերապատրաստման վերաբերյալ հարցերը:

ՀՀ ԱՆ գլխավոր արյունաբան Սմբատ Դաղբաշյանը կարևորել է համագործակցությունը Ֆրանսիայի փոխպատվաստման ասոցիացիայի մասնագետների հետ, որը կնպաստի Արյունաբանական կենտրոնում ախտորոշման և բուժման չափորոշիչների ներդրման գործում:

Հանդիպման ընթացքում քննարկվել են նաև Հայկական արյունաբանական ասոցիացիայի ֆրանկոֆոնիայի երկրների փոխպատվաստաբանների միությանն անդամագրվելու հնարավորությունը, որը կարող է հիմք դառնալ համագործակցությունը ամրապնդելու համար:

Հարցեր, պատասխաններ, մեկնաբանություններ