Կլինիկական դեպք` հենաշարժիչ համակարգի բազմակի վնասվածքներով. izmirlianmedicalcenter.com

Պացիենտ Ա. Պ., ընդունվել է ‹‹Իզմիրլյան›› ԲԿ վերակենդանացման բաժանմունք՝ հենաշարժիչ համակարգի բազմակի վնասվածքներով: Հետազոտության արդյունքում պացիենտի մոտ ախտորոշվել է. ձախ քացախափոսի տանիքի հետին եզրի և հատակի բազմաբեկոր կոտրվածք` տեղաշարժով, ձախ կոնքազդրային հոդի հետին հոդախախտ, ձախ ազդոսկրի փակ միջտամբիոնային կոտրվածք` տեղաշարժով, ձախ ազդոսկրի ստորին /միջին երրորդական փակ կոտրվածք` տեղաշարժով, ձախ ոլոքի փակ միջկոճային բեկորային կոտրվածք` տեղաշարժով և ձախ կրունկոսկրի բեկորային կոտրվածք:

Վիրահատական միջամտությունն իրականացրել են օրթոպեդ-վնասվածքաբան Արմեն Չարչյանը և Սահակ Սարիբեկյանը:

Հիվանդի ընդհանուր վիճակը բարելավվելուց հետո` երկու փուլով կատարվել են հետևյալ միջամտությունները.

1-ն փուլ. ոլոքի մետալոօստեոսինթեզ` կոճային հենարանային հարթակով,
ազդոսկրի մետալօստեոսինթեզներ` հարթակով և D.H.S. համակարգով

2-րդ փուլ. կոնքի ոսկրերի համադրում և մետալօստեոսինթեզ` հարթակներով:

Հիվանդի ընդհանուր վիճակը ներկա պահին բավարար է և գտնվում է ստացիոնար բուժման փուլում:

Հարցեր, պատասխաններ, մեկնաբանություններ