Կլինիկական դեպք ‹‹Իզմիրլյան›› ԲԿ քիթ-կոկորդ-ականջաբանական բաժանմունքում. izmirlianmedicalcenter.com

‹‹Իզմիրլյան›› ԲԿ քիթ-կոկորդ-ականջաբանական բաժանմունքի դիմածնոտային վիրաբույժ Արսեն Մանուկյանին դիմել է պացիենտ Ա.Մ.-ն` 25 տարեկան: Պացիենտը գանգատվում էր ենթակզակային շրջանի դեֆորմացիայի առկայությունից, որը պատճառում էր ֆունկցիոնալ և էսթետիկ անհարմարություններ:

Կլինիկական և լաբորատոր հետազոտությունների արդյունքում ախտորոշվել էր բերանի հատակի կիստոյաձև նորագոյացություն՝ դերմոիտ կիստա:

Ընդհանուր անզգայացմամբ իրականացվել է կիստայի ամբողջական հեռացում՝ ներբերանային եղանակով: Հյուսվածքի հիստոլոգիական հետազոտությունը հաստատել է վերոնշյալ ախտորոշումը:

Կիստայի հեռացումից հետո վերականգնվել էր պացիենտի դեմքի և պարանոցի նախկին բնականոն և էսթետիկ տեսակետից հաճելի տեսքը:

Հիվանդը մեկ շաբաթից դուրս է գրվել առողջացումով և անցել լիարժեք կյանքի:

Կարևոր է նշել, որ ընտրված մեթոդով վիրահատության արդյունքում բացակայում են ֆունկցիոնալ և էսթետիկ հետվիրահատական խանգարումները, մասնավորապես, արտաքին սպիներ չեն լինում, մկանային կոնտրակտուրաներ չեն առաջանում:

Հարցեր, պատասխաններ, մեկնաբանություններ