Ներկայացվեցին «Իզմիրլյան» ԲԿ ընդհանուր վիրաբուժության և ընդհանուր պրոկտոլոգիայի բաժանմունքի 2015թ. գործունեության զեկույցները. izmirlianmedicalcenter.com

Փետրվարի 1-ին վերջին զեկույցների ամփոփում էր` բժիշկների հավաքական հանդիպումից հետո:

Առաջինը զեկույցով ներկայացավ Ընդհանուր վիրաբուժության բաժանմունքի վարիչ Հրաչյա Բաղդասարյանը: 

Բժիշկ Բաղդասարյանը զեկույցի ընթացքում անդրադարձավ բաժանմունքում գործունեություն ծավալող բժիշկների կատարած վիրահատություններին, որոնցից շատերը ուշագրավ էին բարդացած դեպքերի ժամանակ բուժման արդյունավետ լուծումներով: Բաժանմունքում նախորդ տարիների համեմատ գրանցվել է վիրահատությունների քանակական աճ ` հատկապես գինեկոլոգիական ծառայության ուղղությամբ:

Զարգացման հեռանկարներում նշվեց հետևյալը.

• նոր լապարոսկոպիկ վիրահատությունների ներդրում (հերնիոպլաստիկա, բարիատրիկ, աղիների մասնահատում),
  
  
• լյարդի և ենթաստամոքսային գեղձի օնկովիրաբուժություն,
  
  
• քիչ ինվազիվ վիրաբուժական միջամտությունների ընթացքում սոնոգրաֆիկ և համակարգչային հետազոտություններով վերահսկողության ապահովում,
  
  
• էնդոբիլիար վիրաբուժություն:

Այնուհետև իր ելույթով հանդես եկավ Ընդհանուր պրոկտոլոգիայի բաժանմունքի վարիչ Գարեգին Էքսյուզանը:

Ցուցադրվեց ո՛չ միայն կատարված վիրահատությունների քանակն` ըստ վիրահատությունն իրականացնող մասնագետների, այլև առանձնացվեցին բարդ դեպքեր, որոնց պարագայում շարունակական և թիմային աշխատանքը բուժման բարեհաջող ելքեր է ապահովել:

Բաժանմունքի վարիչները կարևորեցին տարվա ընթացքում բժիշկների կոնֆերանսներին մասնակցությունը, տարբեր պարբերականներում գիտական հոդվածներով հանդես գալը: Նրանք ներկաների ուշադրությունը սևեռեցին հրատապ թեմաների վրա. շարունակական բժշկական կրթության դերը բժշկի պրակտիկ աշխատանքում, բժիշկների նոր սարքավորումներին և տեխնոլոգիաներին խիստ մասնագիտացված մոտեցումը, համագործակցությունն արտերկրի կլինիկաների և մասնագետների հետ:

«Իզմիրլյան» ԲԿ տնօրեն Ա. Չարչյանը հատուկ ընդգծեց նոր զարգացման հեռանկարներին ո՛չ միայն ադմինիստրացիայի, այլև բժիշկների ակտիվ մասնակցության անհրաժեշտությունը:

Առաջիկայում Ա. Չարչյանը հանդես կգա իր աշխատանքների հաշվետվությամբ:

Հարցեր, պատասխաններ, մեկնաբանություններ