Քոլեջը հիմնադրվել է 1993թ. Կալիֆորնիայի UCLA բժշկական կենտրոնի և բուժքույրական դպրոցի համագործակցությամբ` սփյուռքահայության և Առողջապահության Ամերիկյան Միջազգային Խորհրդի աջակցությամբ։ Քոլեջում իրականացվում են երկու կրթական ծրագրեր` եռամյա (Փարիզի Հենրի Մոնդոր բուժքույրական քոլեջի հետ համատեղ), որը համապատասխանում է Եվրոպական մոդելի բուժքույրական կրթության ծրագրին և քառամյա (UCLA բուժքույրական դպրոցի համագործակցությամբ) բուժքույրական գիտությունների բակալավրի աստիճանի շնորհմամբ։

Կատարվում է ընդունելություն հետևյալ մասնագիտությունների գծով` մանկաբարձական գործ, դեղագործություն, քույրական գործ, լաբորատոր ախտորոշում, քույրական գործի կազմակերպում, ատամնատեխնիկական գործ։ Քոլեջում ուսուցումը իրականացվում է միջազգային չափանիշներին համապատասխանող պետական կրթական չափորոշիչներով։ 1995թ. քոլեջում, Կալիֆորնիայի UCLA համալսարանի բժշկական կենտրոնի և բուժքույրական քոլեջի հետ համատեղ, ներդրվեց բուժքույրական կրթության քառամյա ծրագիրը։

Այսօր քոլեջը պատրաստում է քույրական գործի կազմակերպիչներ, որոնք ստանում են ՀՀ ՊԵՏԱԿԱՆ ԴԻՊԼՈՄ քոլեջի կողմից, ԱՄՆ- ի Բուժքույրական Ազգային Լիգայի և Կալիֆորնիայի բուժքույրական լիցենզավորման հանձնաժողովի կողմից տրվող բակալավրի հավաստագիր։ Էրեբունի բժշկական քոլեջը համագործակցում է Յոնշոպինգ քաղաքի (Շվեդիա) Համալսարանական Քոլեջի հետ` բուժքույրերի վերապատրաստման և նեղ մասնագիտացման բնագավառում։ Բուժքույրական գիտությունների բակալավրի աստիճան ստացած ուսանողները հնարավորություն ունեն ստանալու հետդիպլոմային ուսուցում Միչիգանի Համալսարանում։