Կոնքազդրային հոդի հետվնասվածքային օստեոխոնդրալ ազատ մարմինների արթրոսկոպիկ բուժումը

Առօրյա կյանքում հաճախ են հանդիպում կոնքազդրային հոդի այնպիսի հիմնախնդիրներ, որոնք շատ դժվար է հայտնաբերել ռենտգենա­բա­նական հետազոտությամբ և պահանջում են լուրջ բուժական միջոցառումներ: Դրանց մեջ կարևոր տեղ են զբաղեցնում հետվնասվածքային ազատ օստեո­խոնդրալ մարմինները, ասեպտիկ նեկրոզի օջախները: Հիվանդները գանգատվում են ցավերից կոնքազդրա­յին հոդի շրջանում, որոնք ուժեղանում են շարժումների ժամանակ ու ունեն հստակ կապ տարած վնասվածքի հետ: Նմանատիպ ախտորոշումները հաստատելու համար մեծ նշանակություն ունի կոմպյուտերային տոմոգրաֆիան, որը օգնում է ճշգրիտ հայտնաբերել օջախների տեղակայումը, չափսերը և այլն:

Նախ­կինում նման հիվանդները վիրահատվում էին բաց եղանակով, ինչը հանդիսանոմ էր բավականին վնասվածքային միջամտություն` մոտ 20 սմ կտրվածք, ար­թրո­տոմիա, գլխիկի հոդախախտ, ինչը ինքնին կարող է հանդիսանալ գլխիկի ասեպտիկ նեկրոզի պատճառ:

Ներկայումս մեր կլինիկայում կոնքազդրային հոդի հետվնասվածքային օստեոխոնդրալ ազատ մարմին­ների բուժման նպատակով կիրառվում է արթրոսկպիկ եղանակը: Արդեն վիրահատվել են 10 հիվանդ տվյալ ախտորոշմամբ: Բոլոր հիվանդների վիրահատության համար օգտագործվել է օրթոպեդիկ տրակցիոն սեղան՝ հոդաճեղքը լայնացնելու ու հոդի տեսանելիությանը լավացնելու նպատակով: Ռենտգենաբանական հսկո­ղության ներքո արվել են մուտքի անցքերը, որոնց միջով անց են կացվել համապատասխան գործքները, հայտնաբերվել ու հեռացվել են ազատ օստեոխոնդրալ մարմինները, հայտնաբերվել ու հնարավորինս շտկվել են հոդաճառի դեֆեկտները:

Կատարվել է հոդի հոդաճառի հարթեցում, հոդի դեբրիտմենտ, հիպերտրո­ֆի­այի ենթարկված սինովիալ թաղանթի մասնակի սինովէկտոմիա: Հետվիրահատական շրջանում կոն­ք­ազ­­դրային հոդի ծանրաբեռնվածությունը թուլացնելու նպատակով 10 հիվանդից 8-ին դրվել է կմաղքային ձգում 2-3 շաբաթ ժամկետով: Բոլոր հիվանդները հետվիրա­հատական շրջանում ստացել են խոնդրո­պրո­տեկ­տորներ ու սինովիալ հեղուկի փոխարինիչներ: Բոլոր հիվանդների մոտ վաղ հետվիրահատական շրջանում նկատվել է վիճակի լավացում: Ուշ շրջանում հետազոտվել են նրանցից 6-ը, դրական դինամիկան պահպանվել է, հիվանդները գանգատներ չեն ներկայացրել:

Այսպիսով, կարելի է հավաստի և հիմնավորված եզրակացնել, որ կոնքազդրային հոդի օստեոխոնդրալ ազատ մարմինների և ազդրոսկրի գլխիկի աճառային մակերեսի ասեպտիկ նեկրոզի ոչ մեծ օջախների ժամանակակից և արդյունավետ բուժումը արթրոսկո­պիկ միջամտությունն է:

Հարցեր, պատասխաններ, մեկնաբանություններ