Ներկայումս օզոնոթերապիան, որպես ոչ դեղո­րայ­քային թերապիա, լայն կիրառություն ունի բժշկության տարբեր ասպարեզներում: Այն ունի ազդեցության լայն սպեկտր. դրսևորում է բակտերացիդ, վիրիցիդ, ֆունգոցիդ, իմունամոդուլացնող, հակահիպօքսիկ, դեզինտոքսիկացիոն ազդեցություն, նկատելիորեն լա­վաց­նում է արյան միկրոշրջանառությունը, բա­րե­լա­վում արյան ռեոլոգիական հատկությունները, ապա­հովում է հյուսվածքների օպտիմալ օքսիգենացիան: Օզոնոթերապիան բնորոշվում է հիվանդների կողմից լավ տանելիությամբ, կողմնակի էֆեկտների գործնականում բացակայությամբ, բուժման ժամկետ­ների կրճատումով: Ներկայումս պարզաբանված է օզոնի ազդեցության մեխանիզմները. այն ուժեղաց­նում է թթվածնի անցումը հյուսվածքներին, նկատելի բա­րե­լավում է արյան միկրոշրջանառությունը, վերա­կան­գնում պերիֆերիկ արյան շրջանառությունը, նվազեցնում է արյան մածուցիկությունը` բարելավելով արյան ռեոլոգիական հատկությունները:

 Նպատակը.

Աշխատանքի նպատակն է գնահատել բժշկական օզոնի ազդեցությունը արյան ռեոլոգիական հատ­կու­թյուն­ների վրա լապարոսկոպիկ խոլեցիստէկտոմիայի ժամա­նակ` թրոմբոէմբոլիկ բարդությունների կանխար­գելման նպատակով:

Մեթոդները.

Հետազոտվել են 60 հիվանդներ, որոնց մոտ իրա­կանացվել է լապարոսկոպիկ խոլեցիստէկտոմիա: Այդ հիվանդների մոտ հետազոտվել են արյան ռեոլո­գի­ական հատկությունները պայմանավորող որոշ ցուցա­նիշներ` թրոմբոցիտների ադրենալինով, ագրիստինով, ԱԵՖ-ով հարուցված ագրեգացիան (ԹԱԱԿՖ, ԹԱադ., ԹԱագ.), էրիթրոցիտների ԱԿՖ-ով, պրոտամին սուլ­ֆա­տով հարուցված ագրեգացիան (ԷԱԱԿՖ, ԷԱպս.), ֆիբրինոգենը, պրոթրոմբինային ինդեքսը, պրո­թրոմ­բինային ժամանակը, ակտիվացված մասնակի թրոմ­բինային ժամանակը, ռեկալցիֆիկացիայի ժամա­նակը, պլազմայի տոլերանտությունը հեպարինի նկատ­մամբ (ՖԳ, ՊՏԻ ՊՏԺ, ԱՄԹԺ, ՌԿԺ, ՊՏՀՆ)` նախավիրահատական (ն/վ) և հետվիրահատական (հ/վ) շրջաններում: Հիվանդները հետվիրահատական շրջանում ստացել են մեդօզոն 2 կաթիլ յուրաքանչյուր քթանցքում, օրեկան 4 անգամ, 3 օր տևողությամբ:

Արդյունքները.

Հետազոտման արդյունքները ներկայացված են աղյուսակ 1-ում և 2-ում: Ինչպես տեսնում ենք աղյուսակ 1-ում, այս հիվանդների մոտ առկա են արյան ձևավոր տարրերի ագրեգացման հատ­կութ­յունների (ԱՁՏԱՀ) հավաստի փոփոխություններ նորմայի համեմատ: Այսպիսով, ըստ հետազոտության տվյալների, հ/վ շրջանում նկատվել է ԱՁՏԱՀ-ի հա­վաս­տի լավացում. ԹԱԱԿՖ-ի ցուցանիշը ն/վ շրջանի հետ համեմատած նվազել է 45%-ով, ԹԱադ.` 28,54%-ով, ԹԱագ.` 36,726%-ով, ԷԱԱԿՖ` 32,15%-ով, ԷԱպս.` 38%-ով (p<0,05): ՖԳ-ը նվազել է 12,2%-ով, ՊՏԻ` 8,02%-ով, ԱՄԹԺ` 2,31%-ով (p<0,05), ՊՏԺ-ի ցուցանիշը աճել է 2,89%-ով (p<0,05):

Աղյուսակ 1. Արյան ձևավոր տարրերի ագրեգացման հատկությունների փոփոխությունները օզոնոթերապիայի ազդեցությամբ նախավիրահատական և հետվիրահատական շրջաններում

* P>0,05

  Աղյուսակ 2. Կոագուլոգրամմայի ցուցանիշների փոփոխությունները օզոնոթերապիայի ազդեցությամբ նախավիրահատական և հետվիրահատական շրջաններում

* P>0,05