Գրականության տվյալներով ծնկահոդի մենիսկների վնասման ախտորոշման հարցում էխոսոնոգրաֆիկ հետազոտության հավաստիությունը կազմում է 63-84,5%, ար-տահոդային կապանների վնասման դեպքում` 62-84%, մինչդեռ խաչաձև կապանների վիճակի գնահատման համար մեթոդի դիագնոստիկ հնարավորությունները շատ ցածր են: Այս դեպքում ավելի ինֆորմատիվ է MRI հետազոտությունը (97,4%) [1,2]:  

Համեմատության համար հետազոտվել են վերջին մեկ տարվա ընթացքում ՙԷրեբունի՚ ԲԿ վնասվածքաբանության և ոսկրահարդարման բաժնում վիրահատված 89 հիվանդների հիվանդության պատմագրերը: 89 հիվանդից (52 տղամարդ, 37 կին) 45-ին (25 տղամարդ, 20 կին) նախավիրահատական շրջանում կատարվել է ծնկահոդերի էխոսոնոգրաֆիկ հետազոտռություն (աղ. 1):

Առանձնացրել ենք մի քանի պաթոլոգիկ փոփոխություններ, որոնք առավել հաճախ են նկարագրվում էխոսոնոգրաֆիկ հետազոտությունների ընթացքում (աղ 2):

 Աղյուսակ  1.

Աղյուսակ  2.

Հատկանշական է այն փաստը, որ միջային մենիսկի տարաբնույթ փոփոխությունների ժամանակ որպես կանոն նկարագրվում  է նաև միջային կոլլատերալ կապանի այս կամ այն աստիճանի արտահայտված այտուցվածություն, բորբոքում, որը կարելի է բացատրել անատոմիական սերտ կապերով: Վերոհիշյալ տվյալներից մահիկների վնասումները համեմատել ենք արթրոսկոպիկ վիրահատության ընթացքում հայտանբերված իրական վնասման տվյալների հետ (աղ. 3):

Աղյուսակ  3.

Աղյուսակից հետևում է, որ` 

1. 81% դեպքերում (27-ից 22-ի մոտ) էխոսոնոգրաֆիկ հետազոտությամբ հայտնաբերված միջային մահիկի վնասումը հաստատվել է արթրոսկոպիկ վիրահատության ժամանակ, իսկ 19% դեպքերում (27-ից 5-ի մոտ)` չի հաստատվել: 3-ի մոտ (45 էխոսոնոգրաֆիկ հետազոտության անցածից) էխոսոնոգրաֆիկ ինտակտ մահիկի նկարագրության պայմաններում արթրոսկոպիկ վիրահատության ժամանակ  հայտանբերվել է մենիսկի այս կամ այն չափի վնասում: 

2. Լատերալ մահիկի պարագայում վնասման էխոսոնոգրաֆիկ դրական 12 պատասխանի դեպքում 6-ի մոտ վնասւոմը հայտաբերվել է արթրոսկոպիկ վիրահատության ընթացքում (50%), 6-ի մոտ հերքվել (50%): Եվս 3-ի մոտ էխոսոնոգրաֆիկ ինտակտ մահիկի նկարագրության դեպքում արթրոսկոպիայի ժամանակ հայտանբերվել է վնասում:

Այսպիսով, ծնկահոդի արտահոդային կապանների, մահիկների և պերիարտիկուլյար հյուսվածքների պաթոլոգիայի ժամանակ, հաշվի առնելով ուլտրաձայնային հետազոտության մատչելիությունն և դիագնոստիկ արդյունավետությունը այն կարող է հանդիսանալ հետազոտության հիմնական մեթոդ ռենտգենոգրաֆիկ հետազոտության հետ միասին, հատկապես՝խաչաձև կապանների վնասման նշանների բացակայության դեպքում:

Գրականություն

1. Gross A.E. et al. The allotransplantation of partial joints in the tritment osteochondritis of the knee. Clin. Orthop. 1975; 108: 7-14.
2. Hangody L. at al. Mosaic plasty for the treatment of the articular defects of the knee and ankle. Clin. Orthop. 2001; 391(S): 328-336